<p>ដើម្បីស្រាយបំភ្លឺជូនសាធារណជន ទស្សនាវដ្ដី Business Insider បានចេញផ្សាយអំពីមូលហេតុ<br />ដែលនាំឱ្យមហាសេដ្ឋីវ័យក្មេង ដែលជាម្ចាស់ Facebook ពាក់អាវយឺតដដែលៗ រាល់ថ្ងៃ។</p>
<p style="text-align: center;"><a class="thickbox" title="" href="/FileManager/Commons/2015/1/23/fb1-23-01-2015--14-37-24.jpg"><img src="/FileManager/Articles/mce/2015/1/23/fb1-23-01-2015--14-37-24.jpg" alt="" /></a></p>
<p>នៅក្នុងសន្និសីទកាសែត សួរ-ឆ្លើយ ដំបូងគេរបស់ CEO Facebook កាលពីពេលថ្មីៗនេះ លោក <br />Mark Zuckerberg ត្រូវបានគេសួរអំពីបញ្ហាផ្សេងៗគ្នា ក្នុងនោះ ក៏មានសំនួរលក្ខណៈឯកជន ប៉ុន្ដែ<br /> គួរឱ្យចាប់អារម្មណ៍ ៖ “ហេតុអ្វីបានជាលោក ពាក្យអាវយឺតដដែលៗ រៀងរាល់ថ្ងៃ?”។</p>
<p style="text-align: center;"><a class="thickbox" title="" href="/FileManager/Commons/2015/1/23/fb4-23-01-2015--14-38-25.jpg"><img src="/FileManager/Articles/mce/2015/1/23/fb4-23-01-2015--14-38-25.jpg" alt="" /></a></p>
<p style="text-align: center;">លោក Mark Zuckerberg និងភរិយាជនជាតិចិនរបស់គាត់<br /><br /></p>
<p>អ្នកគាំទ្រ Facebook និងចូលចិត្ត Mark Zuckerberg ប្រហែលជាបានដឹងគ្រប់គ្នាហើយថា បុរស<br />នេះ ពាក់អាវយឺតពណ៌ប្រផេះតែមួយគត់ នៅពេលបង្ហាញខ្លួនជាសាធារណៈនៅក្នុងព្រឹត្តិការណ៍<br />នានា។ សម្រាប់ក្រុមអ្នកកាសែត ដែលមានវត្តមាននៅក្នុងសន្និសីទខាងលើ ពួកគេប្រហែលជា<br />រំពឹងថា ចម្លើយរបស់ Mark Zuckerberg នឹងជាចម្លើយដ៏កំប្លែងមួយ ក៏ប៉ុន្ដែ មិនដូច្នោះទេ លោក<br />បានឆ្លើយយ៉ាងម៉ឺងមាត់បំផុត អំពីអាវយឺតពណ៌ប្រផេះរបស់ខ្លួន។</p>
<p style="text-align: center;"><a class="thickbox" title="" href="/FileManager/Commons/2015/1/23/fb8-23-01-2015--14-39-20.jpg"><img src="/FileManager/Articles/mce/2015/1/23/fb8-23-01-2015--14-39-20.jpg" alt="" /></a></p>
<p>មហាសេដ្ឋីនេះ ឆ្លើយថា “ខ្ញុំចង់ធ្វើឱ្យជីវិតខ្លួនឯង មានភាពសាមញ្ញ ដើម្បីជួយឱ្យការងារដែលខ្ញុំ<br />ត្រូវសម្រេចចិត្ត មានចំនួនតិចបំផុត។ ខ្ញុំចង់ទុកថាមពលដែលនៅសល់ ដើម្បីបម្រើសាធារណជន<br /> ឱ្យបានល្អបំផុត”។</p>
<p style="text-align: center;"><a class="thickbox" title="" href="/FileManager/Commons/2015/1/23/fb3-23-01-2015--14-41-03.jpg"><img src="/FileManager/Articles/mce/2015/1/23/fb3-23-01-2015--14-41-03.jpg" alt="" /></a></p>
<p>យោងតាមចម្លើយរបស់ Mark Zuckerberg គេអាចស្រមៃឃើញថា សូម្បីតែការសម្រេចចិត្ត ដូចជា<br /> ថ្ងៃនេះត្រូវស្លៀកពាក់បែបណា ព្រឹកនេះត្រូវហូបអាហារអ្វី ជាដើម ក៏ធ្វើឱ្យមនុស្សបាត់បង់ថាមពល<br />ច្រើន។ គាត់មិនចង់ចំណាយពេលច្រើន ទៅលើការសម្រេចចិត្តដ៏តូចតាចនោះ ដូច្នេះ គាត់មានអាវ<br />យឺតច្រើន ប៉ុន្ដែ មួយណាក៏ ក មូល និងមានពណ៌ប្រផេះ។</p>
<p style="text-align: center;"><a class="thickbox" title="" href="/FileManager/Commons/2015/1/23/fb10-23-01-2015--14-39-50.jpg"><img src="/FileManager/Articles/mce/2015/1/23/fb10-23-01-2015--14-39-50.jpg" alt="" /></a></p>
<p>Mark Zuckerberg បង្ហើបឱ្យដឹងថា “ខ្ញុំកំពុងស្ថិតក្នុងតំណែងដ៏សំណាងមួយ។ រាល់ថ្ងៃ ពេលក្រោក<br />ពីគេង ខ្ញុំមានឱកាសបម្រើមនុស្សរាប់ពាន់លាននាក់។ ដូច្នេះ ប្រសិនខ្ញុំចំណាយពេលដើម្បីធ្វើការ<br />ងារតូចតាច និងមិនសមហេតុផលសម្រាប់ជីវិត ខ្ញុំមានអារម្មណ៍ថា វាគ្មានប្រយោជន៍”។</p>
<p style="text-align: center;"><a class="thickbox" title="" href="/FileManager/Commons/2015/1/23/fb11-23-01-2015--14-44-23.jpg"><img src="/FileManager/Articles/mce/2015/1/23/fb11-23-01-2015--14-44-23.jpg" alt="" /></a></p>
<p style="text-align: center;"><a class="thickbox" title="" href="/FileManager/Commons/2015/1/23/fb7-23-01-2015--14-40-18.jpg"><img src="/FileManager/Articles/mce/2015/1/23/fb7-23-01-2015--14-40-18.jpg" alt="" /></a></p>
<p>ក្រៅពីនេះ ម្ចាស់ Facebook ក៏បានលើកឡើងអំពីបុគ្គលមួយចំនួនដែលមានឈ្មោះល្បី មានដូចជា<br /> Steve Jobs ឬ Barack Obama ជាដើម ដោយថា ពួកគេទាំងនោះ ក៏មានការយល់ឃើញដូចជារូប<br />លោក៕</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ Businessinsider</p>