<p><span style="color: #000000;"><strong>(ម៉ានីល)៖</strong> ក្រសួងសុខាភិបាលហ្វីលីពីន បានរាយការណ៍នៅថ្ងៃចន្ទនេះ ពីករណីឆ្លងដំបូងនៃវីរុស Zika ទៅលើស្រ្តីម្នាក់អាយុ២២ឆ្នាំ មកពីភាគកណ្ដាលនៃកោះ Cebu ដែលកំពុងពពោះ១៩សប្ដាហ៍ ខណៈចំនួន ករណីឆ្លងវីរុស Zika បានកើនដល់១២ករណី បន្ទាប់ពីករណីឆ្លងថ្មីបីករណីបន្ថែមទៀតត្រូវបានគេ រាយការណ៍នៅថ្ងៃចន្ទ។ នេះបើតាមការផ្សាយនៅមុននេះបន្តិច ដោយសារព័ត៌មាន Channel News Asia នារសៀលថ្ងៃចន្ទ ទី២៦ ខែកញ្ញា ឆ្នាំ២០១៦។</span></p>
<p><br /><a class="thickbox" title="" href="/FileManager/Commons/2016/9/26/26a-26-09-2016--15-20-57.jpg"><img src="/FileManager/Articles/mce/2016/9/26/26a-26-09-2016--15-20-57.jpg" alt="" /></a></p>
<p><span style="color: #000000;">លោក Paulyn Ubial រដ្ឋលេខាធិការក្រសួងខាងលើ បានថ្លែងឲ្យដឹងនៅក្នុងសន្និសីទសារព័ត៌មានមួយថា ករណីក្នុងចំណោមនោះ ត្រូវបានគេរាយការណ៍ ថាបានរកឃើញនៅក្រុង Iloilo ស្ថិតនៅភាគកណ្តាល ប្រទេសហ្វីលីពីន រីឯករណីសរុបទាំង១២ គឺជាការឆ្លងនៅក្នុងប្រទេស ហើយគ្មានករណីណាឆ្លងតាម មធ្យោបាយអ្វីផ្សេងក្រៅពី «សត្វមូស» ខាំនោះឡើយ។</span></p>
<p><span style="color: #000000;">ទន្ទឹមគ្នានេះដែរលោក Ubial ក៏បានស្នើឲ្យមន្រ្តីក្រសួងសុខាភិបាលទាំងអស់ ជាពិសេសនៅតាមតំបន់ ដែលមានករណីឆ្លងវីរុស Zika ត្រូវបង្កើនការប្រុងប្រយ័ត្នបន្ថែមទៀត និងបង្កើតយុទ្ធនាការកម្ចាត់ «សត្វមូស» ដែលមានប្រសិទ្ធភាពជាងមុន។ ដោយឡែក គេនៅមិនទាន់ដឹងថា តើស្ត្រីមានផ្ទៃពោះ ត្រូវសម្រេចចិត្តរំលូតកូនចេញ តាមការណែនាំរបស់គ្រូពេទ្យ ដែរឬមួយក៏អត់នោះឡើយ៕</span></p>
<p><span style="color: #000000;"><a class="thickbox" title="" href="/FileManager/Commons/2016/9/26/35b-26-09-2016--14-31-37.jpg"><img src="/FileManager/Articles/mce/2016/9/26/35b-26-09-2016--14-31-37.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>