<p><span style="color: #000000;">យោងតាមសមត្ថកិច្ចថា គ្រូជនជាតិហ្វីលីពីន ដែលប្រឈមមុខនឹងការចោទប្រកាន់ពីបទរំលោភសេពសន្ថវៈ នៅសាលាដំបូងខេត្តកណ្តាលបានបដិសេធការចោទប្រកាន់ ដោយគ្មានផ្តល់ការដោះសារណាមួយឡើយ។</span><br /><span style="color: #000000;"></span><br /><span style="color: #000000;">លោក យន់ សុយ៉ាន់ មន្ត្រីនគរបាលព្រហ្មទណ្ឌក្រុងតាខ្មៅ បាននិយាយថា បុរសអាយុ ២៧ ឆ្នាំ ឈ្មោះ Roman Palo Aquino ដែលត្រូវបានចោទប្រកាន់ពីបទរំលោភសេពសន្ថវៈ នៅសាលាដំបូងខេត្តកណ្តាលកាលពីថ្ងៃទី ១៣ ខែឧសភា បានបដិសេធការចោទប្រកាន់ ក្នុងពេលសមត្ថកិច្ចចោទសួរ។</span><br /><span style="color: #000000;"><a class="thickbox" title="" href="/FileManager/Commons/2019/5/21/1-21-05-2019--09-11-19.PNG"><img src="/FileManager/Articles/mce/2019/5/21/1-21-05-2019--09-11-19.PNG" alt="" /></a></span></p>
<p><span style="color: #000000;">លោក Aquino ដែលបង្រៀនភាសាអង់គ្លេស នៅសាលាអន្តរជាតិ វេស្ទលែនដ៍ ស្ថិតក្នុងឃុំតាខ្មៅ ត្រូវបានចាប់ខ្លួនកាលពីថ្ងៃទី ១០ ខែឧសភា បន្ទាប់ពីមានបណ្តឹងរបស់ឪពុកម្តាយក្មេងស្រីអាយុ ៤ ឆ្នាំ ដែលជាសិស្សរបស់ជនជាប់ចោទ។ ពាក្យបណ្តឹងនេះបានចោទប្រកាន់ថាលោក Aquino បានរំលោភនាងនៅក្នុងបន្ទប់ទឹកសាលា មុនពេលឪពុកម្តាយជនរងគ្រោះមកទទួលនាងចេញពីរៀន។</span></p>
<p><span style="color: #000000;">”អំឡុងពេលសមត្ថកិច្ចសួរចម្លើយ លោក Aquino បានបដិសេធការចោទប្រកាន់នេះ”។ ”គាត់បាននិយាយថា គាត់មិនបានរំលោភបំពានផ្លូវភេទលើជនរងគ្រោះ ឬក៏រំលោភនាងទេ។ គាត់និយាយថា គាត់មិនដឹងថាមានអ្វីកើតឡើងលើក្មេងស្រីនោះទេ។ ”</span><br /><span style="color: #000000;"></span><br /><span style="color: #000000;">ទោះជាយ៉ាងណាក៏ដោយ ពាក្យបណ្តឹងប្រឆាំងនឹងរូបលោក មានភស្តុតាងនៃការបំពាន និងរំលោភសេពសន្ថវៈទៅលើជនរងគ្រោះ ត្រូវបានផ្តល់សក្ខីកម្មដោយវេជ្ជបណ្ឌិត ដែលធ្វើការពិនិត្យលើជនរងគ្រោះ។ សមត្ថកិច្ចមិនបានជឿលោក Aquino និងបានបញ្ជូនគាត់ទៅតុលាការដើម្បីសាកសួរបន្ត បន្ទាប់មកគាត់ត្រូវបានចោទប្រកាន់ ហើយបញ្ជូនទៅឃុំខ្លួនបណ្តោះអាសន្ន”។</span><br /><span style="color: #000000;"></span><br /><span style="color: #000000;">លោក Aquino ត្រូវប្រឈមមុខជាប់ពន្ធធនាគារពី ៧ ទៅ ១៥ ឆ្នាំប្រសិនបើត្រូវផ្តន្ទាទោស។</span><br /><span style="color: #000000;"></span><br /><span style="color: #000000;">លោក សុយ៉ាន់ បានកត់សម្គាល់ថាលោក Aquino មកពីទីក្រុងម៉ានីល ចូលមកប្រទេសកម្ពុជា ក្នុងនាមជាអ្នកទេសចរ មុនពេលគាត់ចាប់ផ្តើមបង្រៀនភាសាអង់គ្លេស នៅសាលាអន្តរជាតិ វេស្ទលែនដ៍ នៅឃុំតាខ្មៅ ក្នុងឆ្នាំ ២០១៧ ៕</span></p>
<p><span style="color: #000000;"><a class="c_tab" href="https://www.khmertimeskh.com/" target="_blank"><img src="/FileManager/Articles/mce/2019/5/21/khmertime-21-05-2019--09-11-29.png" alt="" /></a><br /></span></p>
<p style="text-align: right;"><span style="color: #000000;">ប្រភព ៖ khmertimes</span></p>