<p><span style="color: #000000;"><strong>(ភ្នំពេញ)៖</strong> បុរសស្បែកខ្មៅជនជាតិកុងហ្គោ២នាក់ ត្រូវបានចៅក្រមសាលាដំបូងរាជធានីភ្នំពេញ នៅរសៀលថ្ងៃទី១០ ខែមករា ឆ្នាំ២០១៧នេះ ប្រកាសសាលក្រមផ្ដន្ទាទោសដាក់ពន្ធនាគារក្នុងម្នាក់ៗ៨ឆ្នាំ និងពិន័យជាប្រាក់ក្នុងម្នាក់៤លានរៀល ក្រោមបទចោទប្រកាន់ពីបទ «ក្លែងបន្លំឯកសារសាធារណៈ និងប្រើប្រាស់ឯកសារសាធារណៈក្លែង» តាមមាត្រា៦២៩ និងមាត្រា៦៣០ នៃក្រមព្រហ្មទណ្ឌ ប្រព្រឹត្តនៅរាជធានីភ្នំពេញ កាលពីអំឡុងឆ្នាំ២០១៥-២០១៦ កន្លងទៅ។</span></p>
<p><span style="color: #000000;">ការសម្រេចផ្តន្ទាទោសនេះ តុលាការបានបើកផ្លូវប្ដឹងឧទ្ធរណ៍តាមកំណត់ច្បាប់ ក្នុងករណីជនជាប់ចោទមិនសុខចិត្តនឹងសេចក្ដីសម្រេចរបស់តុលាការ។</span></p>
<p><span style="color: #000000;">មន្រ្តីតុលាការបានឲ្យដឹងថា ជនជាប់ចោទទី១-ឈ្មោះ EMMANUEL NGOMA NGOMA COCO អាយុ៤៦ឆ្នាំ និងទី២-ឈ្មោះ JUNIRO BIN MUNGOMBA អាយុ៣៦ឆ្នាំ ពួកគេទាំង២នាក់ រស់នៅខណ្ឌទួលគោក។</span></p>
<p><span style="color: #000000;">ក្នុងសវនាការកាលពីថ្ងៃទី០៣ ខែមករា ឆ្នាំ២០១៧ ជនជាប់ចោទបានឆ្លើយសារភាពថា ខ្លួនពិតជាបានយកលិខិតឆ្លងដែនក្លែងក្លាយ ជាច្រើនក្បាលដើម្បីបើកគណនីនៅធនាគារជាច្រើន ដូចជា៖ ធនាគារស្ថាបនា ធនាគារចិន ធនាគារABA ធនាគារអេស៊ី ។ល។ កុងធនាគារដែលពួកគេបើកសម្រាប់ទទួលប្រាក់ពីឈ្មោះ ម៉ាទីន និងឈ្មោះ បាលី ផ្ញើមកពីបរទេស ហើយពួកគេបានយកទៅឲ្យអ្នកកដទៃ តាមបញ្ជារបស់ឈ្មោះ ម៉ាទីន និងឈ្មោះ បាលីប៉ុណ្ណោះ ហើយក្នុងការដាក់ និងដកម្ដងៗពួកគេបានទទួលបានកម្រៃ៥ភាគរយប៉ុណ្ណោះ។</span><br /><br /><span style="color: #000000;">ជនជាប់ចោទបានសារភាពទៀតថា ចំពោះលិខិតឆ្លងដែនដែលពួកគេប្រើយកទៅបើកគណនីនោះក៏ឈ្មោះ ម៉ាទីន និងបាលី ផ្ញើមកពីប្រទេសថៃផងដែរ។</span></p>
<p><span style="color: #000000;">លោកឧត្ដមសេនីយ៍ទោ ធូ សារឿន អនុប្រធាននាយកដ្ឋានប្រឆាំងភេវកម្ម និងឧក្រិដ្ឋកម្មឆ្លងដែន បានបញ្ជាក់ថា អង្គហេតុដែលនាំឲ្យឃាត់ខ្លួនពួកគេទាំង២នាក់នេះ ដោយសារតែលោកបានទទួលពាក្យបណ្តឹងរបស់ធានាគាស្ថាបនា ទើបកម្លាំងរបស់នាយកដ្ឋានបានធ្វើការស្រាវជ្រោវ ហើយឈានទៅដល់ការឃាត់ខ្លួនម្នាក់ នៅធានាគារ និងម្នាក់ទៀតឃាត់នៅតាមផ្លូវ។</span></p>
<p><span style="color: #000000;">លោកបានបញ្ជាក់បន្ថែមថា ការក្លែងបន្លំឯកសារសាធារណៈ និងប្រើប្រាស់ឯកសារសាធារណៈក្លែង ដើម្បីបើកគណនីយឲ្យគេផ្ញើលុយចូលជាចេតនាលាងលុយ៕</span></p>
<p><span style="color: #000000;"><a class="thickbox" title="" href="/FileManager/Commons/2017/1/10/14b-10-01-2017--16-08-02.jpg"><img src="/FileManager/Articles/mce/2017/1/10/14b-10-01-2017--16-08-02.jpg" alt="" /></a><br /><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>