<p><span style="color: #000000;">ព័ត៌មានអន្តរជាតិ ៖ ខ្សែភាពយន្តថ្មី ស្តីពីដំណើររត់គេចខ្លួនពីសំណាក់ស្តេចគ្រឿងញៀន Joaquin "El Chapo" Guzman បានឈរនៅលំដាប់កំពូល ដោយជាប់ចំណាត់ថ្នាក់លេខ ២ នៅ box office នាប្រទេសម៉ិចសិក នេះបើយោងតាមសេចក្តីរាយការណ៍ ក្នុងស្រុក ប្រទេសម៉ិចសិក ចេញផ្សាយ ឲ្យដឹងថា អំឡុងថ្ងៃអាទិត្យកន្លងទៅនេះ ។</span></p>
<p><span style="color: #000000;"><a class="thickbox" title="" href="/FileManager/Commons/2016/1/19/08-19-01-2016--14-17-41.jpg"><img src="/FileManager/Articles/mce/2016/1/19/08-19-01-2016--14-17-41.jpg" alt="" /></a><br /></span></p>
<p><span style="color: #000000;">ប្រភពបន្តអោយដឹងថា ខ្សែភាពយន្តដែលកំពុងតែទទួលបានការពេញនិយមលើកនេះ មានចំនង ជើងថា "El Chapo: The Escape of the Century," ជាប់ ចំណាត់ថ្នាក់ លេខ ២ បន្ទាប់ពីខ្សែភាព យន្តហូលីវូដ "Point Break," នេះបើយោងតាមរបាយការណ៍ ពី daily El Universal របាយការណ៍ បន្តឲ្យដឹងថា "El Chapo: The Escape of the Century" ទទួលបានអ្នកចូលទស្សនា ចំនួន ១៤៤ នាក់ក្នុងមួយលើកៗ ខណៈ ភាពយន្តហូលីវូដ ពីអាមេរិក "Point Break," ទទួលបានអ្នកចូលទស្ស នាចំនួន ១៥៤ នាក់ក្នុងមួយលើកៗ។ ភាពយន្ត "El Chapo: The Escape of the Century," គឺជា ខ្សែភាពយន្តនិយាយពីដំណើររឿងស្តេចគ្រឿងញៀន រត់គេចខ្លួន ពីពន្ធនាគារ ដែលមានការយាម កាមសន្តិសុខខ្ពស់ តាមរយៈរូងផ្លូវក្រោមដី ជម្រៅជ្រៅ និង មានរយៈ ចម្ងាយឆ្ងាយដល់ទៅ ១,៥ គីឡូម៉ែត្រឯណោះ។ ថ្ងៃចាក់បញ្ជាំងដំបូង នៅប្រទេស ម៉ិច សិក El Chapo: The Escape of the Century រក ប្រាក់ ចំនូលបានដល់ទៅ 800,000 pesos ។ អ្នកដឹកនាំ ខ្សែភាពយន្ត លោក Axel Uriegas តាម រយៈការ ធ្វើបទសម្ភាសន៍ជាមួយនឹង ទស្សនាវដ្តី Proceso ឲ្យដឹងថា តាមរយៈការ ទស្សនាដោយផ្ទាល់ខ្សែភាពយន្ត អ្នកទាំងអស់គ្នា អាច ទទួល ជ្រាបពីជនទាំងឡាយណា ដែល ជាប់ពាក់ព័ន្ធនឹងការរត់គេចខ្លួន ស្តេចគ្រឿងញៀន ចាប់តាំងពីថ្នាក់កំពូល ដល់ថ្នាក់ក្រោម ។</span></p>
<p><span style="color: #000000;">គួររំឮកថា អាជ្ញាធរ ប្រទេសម៉ិចសិក បានធ្វើការចាប់ឃាត់ខ្លួន មនុស្សជា ច្រើននាក់ ភាគច្រើនជា ក្រុមការងារឆ្មាំគុក ដែលត្រូវបានគេមានជំនឿជាក់អោយដឹងថា ជាអ្នកជួយសម្រួលការងាររត់គេច ខ្លួនស្តេចគ្រឿងញៀន អំឡុងខែ កក្កដា កន្លងទៅនេះ ៕</span></p>
<p><span style="color: #000000;"><span style="color: #0000ff;"><a href="/News/Detail/35561/el-chapo-recaptured-after-jail-break" target="_blank"><span style="color: #0000ff;">- អាន ៖ "ភ្ញាក់ផ្អើល" ផ្ទុះអាវុធមុននេះ ស្លាប់ ៥នាក់ ខណៈចាប់បាន ស្តេចគ្រឿងញៀន វិញហើយ ក្រោយហែកគុក ៦ខែ (វីដេអូ)</span></a></span><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ស៊ិនហួរ</span></p>