<p><span style="color: #000000;"><strong>កំពង់ឆ្នាំង</strong> : អធិការនគរបាល ស្រុកកំពង់ត្រឡាច ខេត្តកំពង់ឆ្នាំង លោក ហ៊ុល វាសនា ត្រូវបានថ្នាក់ដឹក នាំដកតំណែង ជាបណ្តោះ ក្រោយពីរឿង អាស្រូវផ្លូវភេទ ដោយសារ ស្រីស្នេហ៏វ័យក្មេង របស់ខ្លួន ប្តឹងថា ចាប់រំលោភនាង កាលពីថ្ងៃទី១១ ខែកក្កដា ឆ្នាំ២០១៥។</span></p>
<p><span style="color: #000000;">សេចក្តីរាយការណ៏ ពីភ្នាក់ងារមជ្ឈមណ្ឌលព័ត៌មានដើមអម្ពិល ប្រចាំខេត្តកំពង់ឆ្នាំង បានរាយការណ៏ថា ពិធីផ្លាស់ មុខតំណែងអធិការគរបាល ស្រុកកំពង់ត្រឡាច បានធ្វើឡើង កាលពីព្រឹកថ្ងៃទី២៣ ខែកក្កដា ឆ្នាំ២០១៥ ដោយ តែង តាំងលោក មាស សុភិន អធិការរង នគរបាល ជាអធិការស្តីទី។</span></p>
<p><span style="color: #000000;">សូមបញ្ជាក់ថា អធិការនគរបាល ស្រុកកំពង់ត្រឡាច ខេត្តកំពង់ឆ្នាំង លោក ហ៊ុន វាសនា បានរងនូវការចោទ ប្រកាន់ថា បានចាប់រំលោភ នារីសិស្សសាលាម្នាក់ កាលពីថ្ងៃទី១១ ខែកក្កដា ឆ្នាំ២០១៥ តែនារីរងគ្រោះទើបដាក់ពាក្យបណ្តឹងកាលពីប៉ុន្មានថ្ងៃមុននេះ។</span></p>
<p><span style="color: #000000;">ស្នងការនគរបាល ខេត្តកំពង់ឆ្នាំង លោកឧត្តមសេនីយ៏ ប្រាក់ វុឌ្ឍី បានប្រាប់ថា ចំពោះករណីនេះ នៅមិនទាន់ដឹងថា ជាការពិតឫ មួយយ៉ាងនោះទេ គឺស្ថិតក្រោមការស៊ើបអង្កេត នៅឡើយ លោកបានហៅលោក អធិការមកសួរនាំហើយ ក្រោយពីមានពាក្យបណ្តឹងរបស់ នារីរងគ្រោះ។</span></p>
<p><span style="color: #000000;">លោកឧត្តមសេនីយ៏ស្នងការ បានបញ្ជាក់ថា រឿងនេះកើតឡើងតាំងពីថ្ងៃទី១១ ខែកក្កដា ឆ្នាំ២០១៥មកម្ល៉េះ ដែលនារីរងគ្រោះ មានស្រុកកំណើត នៅឃុំកោះថ្កូវ ស្រុកជលគិរី ហើយបច្ចុប្បន្ន មកស្នាក់នៅបណ្តោះ នៅស្រុកកំពង់ត្រឡាច ដើម្បីរៀនសូត្រ ។</span></p>
<p><span style="color: #000000;">យ៉ាងណាក៏ដោយ លោក ហ៊ុន វាសនា បានឆ្លើយបដិសេធចំពោះការចោទប្រកាន់ ពីសំណាក់ខាងស្រី ដោយ លោកអះអាងថា ជាការត្រូវរ៉ូវគ្នា ពីព្រោះពួកគេ គឺសង្សានឹងគ្នា ។</span></p>
<p><span style="color: #000000;">លោក ហ៊ុន វាសនា បានបញ្ជាក់ថា ខ្ញុំនិងនាង គឺស្រឡាញគ្នាយូរហើយ និងបានទៅដេក ហូបបាយ នៅផ្ទះរបស់នាងទៀតផង រហូតបានដេកជាមួយគ្នា ជាច្រើនលើក ប៉ុន្តែបែររូបនាងប្តឹងខ្ញុំថា ចាប់រំលោភទៅវិញ៕</span></p>
<p><span style="color: #000000;"><a class="thickbox" title="" href="/FileManager/Commons/2015/7/23/7-23-2015-2-39-09-pm-23-07-2015--14-46-22.png"><img src="/FileManager/Articles/mce/2015/7/23/7-23-2015-2-39-09-pm-23-07-2015--14-46-22.png" alt="" /></a></span></p>
<p><a class="thickbox" title="" href="/FileManager/Commons/2015/7/23/7-23-2015-2-39-26-pm-23-07-2015--14-46-36.png"><img src="/FileManager/Articles/mce/2015/7/23/7-23-2015-2-39-26-pm-23-07-2015--14-46-36.png" alt="" /></a></p>
<h2><span style="color: #0000ff;"><a href="/News/Detail/38351/social-news-cambodia-kompong-chnang" target="_blank"><span style="font-size: small; color: #0000ff;">លោក ហ៊ុន វាសនា អធិការនគរបាល រងការចោទថា ចាប់រំលោភ សិស្សសាលា តែសាម៊ីខ្លួនថាជាការត្រូវរ៉ូវគ្នា</span></a></span></h2>
<p><a class="thickbox" title="" href="/FileManager/Commons/2015/7/23/7-23-2015-2-39-26-pm-23-07-2015--14-46-36.png"></a></p>
<p style="text-align: right;"><span>ផ្ដល់សិទ្ធដោយ៖ ដើមអម្ពិល</span><span style="color: #000000;"><br /></span></p>