<p><span style="color: #000000;"><strong>(បន្ទាយមានជ័យ)៖</strong> ស្ត្រីអ្នករកស៊ីប្តូរលុយ វេលុយ «វីង» ចាញ់បោកជនសង្ស័យ៦នាក់ យកលុយសែនក្រដាស់១០០ដុល្លារច្រើនសន្លឹក មកដូរយកលុយ២០លានរៀល រួចគេចខ្លួនបាត់ស្រមោល។</span></p>
<p><span style="color: #000000;">លោក ជា ពិសី មេបញ្ជាការកងរាជអាវុធហត្ថស្រុកអូរជ្រៅ បានឲ្យដឹងថា ហេតុការណ៍នេះ បង្កឲ្យមានការភ្ញាក់ផ្អើលនៅរសៀលថ្ងៃទី២៤ ខែមករា ឆ្នាំ២០១៧ នៅផ្ទះប្តូលុយវេលុយ «វីន» ស្ថិតភូមិអូរបីជាន់ ឃុំអូរបីជាន់ ស្រុកអូរជ្រៅ។</span></p>
<p><span style="color: #000000;">លោកមេបញ្ជាការ បញ្ជាក់ថា ស្ត្រីរងគ្រោះដែលចាញ់បោក ឈ្មោះ ស្រេង មួយទៀង អាយុ៤០ឆ្នាំ បានរត់មកប្តឹង នៅទីបញ្ជាការកងរាជអាវុធហត្ថស្រុកអូរជ្រៅ ដែលប្តឹងជួយអន្តរាគមន៍ ដោយមានជនសង្ស័យ១ក្រុម មានគ្នា៦នាក់ មានក្មេងម្នាក់ បានជិះរថយន្ត VIGO ពណ៌ខ្មៅ គ្មានស្លាក់លេខ ដោយជនសង្ស័យបានចុះមកប្តូរលុយនៅក្បែរចំការដំឡូងមី ចំងាយពីផ្ទះប្រមាណ៧០០ម៉ែត្រ ដែលយកលុយក្រដាស់១០០ដុល្លារ ចំនួន៧៩សន្លឹកស្មើរ និង៧,៩០០ដុល្លារ ដែលត្រូវប្តូរយកប្រាក់រៀលស្មើរនិង២០លានរៀល ក្រោយពេលប្តូរយកលុយ បានហើយបានជិះរថយន្តគេចបាត់។</span></p>
<p><span style="color: #000000;">ពេលនោះទើបជនរងគ្រោះដឹងថា លុយដែលត្រូវជនសង្ស័យយកមកប្តូរយកលុយខ្មែរនេះ ជាក្រដាស់លុយឆេងម៉េង ទើបរត់ទៅប្តឹងកម្លាំងកងរាជអាវុធហត្ថស្រុក ជួយធ្វើអន្តរាគមន៍ តែជនសង្ស័យបើករថយន្តគេចខ្លួនបាត់ទៅហើយ ចំណែកស្ត្រីរងគ្រោះបានត្រឹមអង្គុយស្តាយលាយឡំ ដោយទឹកភ្នែកតែប៉ុណ្ណោះ។</span></p>
<p><span style="color: #000000;">ចំពោះករណីនេះ លោកមេបញ្ជាការ ឲ្យដឹងថា កម្លាំងជំនាញរបស់លោកកំពុងធ្វើការស្រាវជ្រាវ ដើម្បីវែកមុខក្រុមជនសង្ស័យ មកផ្ដន្ទាទោសឲ្យខានតែបាន៕</span></p>
<p><span style="color: #000000;"><img src="http://image.freshnewsasia.com/2017/010/fn-2017-01-25-13-56-20-0.jpg" alt="" width="730" /></span></p>
<p><span style="color: #000000;"><br /><a class="thickbox" title="" href="/FileManager/Commons/2017/1/25/1-25-01-2017--14-28-11.png"><img src="/FileManager/Articles/mce/2017/1/25/1-25-01-2017--14-28-11.png" alt="" /></a><br /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>