<p>ព័ត៌មានអន្តរជាតិ ៖ ភាពអាថ៍កំបាំង រឹតតែធ្លាក់បោះជំហាន កាន់តែជ្រៅមួយកម្រិតទៀត ខណៈទីភ្នាក់ ងារសារព័ត៌មានចិន រាយការណ៍ អោយដឹងថា បណ្តា សាច់ញាតិ អ្នកដំណើរ នៅលើយន្តហោះម៉ាឡេ ស៊ីដែលបានបាត់ខ្លួន Malaysia Airlines flight MH370 នោះ នៅតែអាចបន្តការហៅចូល ទៅកាន់ទូរ ស័ព្ទដៃរបស់ពួកគេ តែគ្មានអ្នកលើក នេះបើយោងតាមការ ដកស្រង់ អត្ថបទផ្សាយ ពីគេហទំព័រសារ ព័ត៌មានបរទេស អឺរ៉ូញ៉ូវ ។</p>
<p>យ៉ាងណាមិញ បើតាមការអោយដឹង ពីទំព័រសារព័ត៌មានបរទេស នាំមុខ ដឹមីរ័រ អោយដឹងថាបងប្អូនស្រី ដែលត្រូវជាសាច់ញាត្តិបងប្រុស របស់ខ្លួន មានវត្តមាន នៅលើយន្តហោះដែលបានបាត់នោះ នាងបាន ហៅទូរស័ព្ទចូល ទៅកាន់ទូរស័ព្ទ បងប្រុស របស់ខ្លួន តែគ្មានអ្នកលើក ពោល រោទ៍ដល់ទៅ ២ ដង ឯ ណោះនៅវេលាម៉ោង ១១ និង ៤០ នាទីព្រឹក ខណៈម៉ោង ២ រសៀល នាងបានទូរស័ព្ទទៅសាជាថ្មី និង បានលើសម្លេង អាចហៅចូល បានជាលើកទី ៣ ។</p>
<p><a class="thickbox" title="" href="/FileManager/Commons/2014/3/11/10-11-03-2014--11-05-39.jpg"><img src="/FileManager/Articles/mce/2014/3/11/10-11-03-2014--11-05-39.jpg" alt="" /></a></p>
<p>បន្ថែមពីលើនេះ មិនត្រឹមតែមានករណី ទូរស័ព្ទរោទ៍តែម្នាក់នោះទេ តែបើតាមការដឹង បណ្តាសាច់ញាតិ្ត មួយចំនួន ផ្សេងទៀត ក៏អាច ខលចូល ទូរស័ព្ទ ក្រុមគ្រួសារដែលបានបាត់ខ្លួន ដូចគ្នាដែរ តែគ្មានអ្នក លើក ខណៈពេលដែល លោក Hugh Dunleavy ជាប្រធាននាយក តំណាងអោយ MAS ក៏បានអះអាង ទន្ទឹមនឹងគ្នាផងដែរថា ទូរស័ព្ទបុគ្គលិក ដែលបានបម្រើការងារ លើយន្តហោះ ដែលបានបាត់ខ្លួនដែរ នោះ ក៏បានហៅចូល ដូចគ្នា តែគ្មានអ្នកលើក ។</p>
<p>ជាមួយនឹង សញ្ញាណ ក៏ដូចជារបកគំហើញចុងក្រោយនេះ បណ្តាសាច់ញាតិបងប្អូនជនជាតិចិន បាន ស្នើអោយអាជ្ញាធរ មានសមត្តកិច្ចក្នុងស្រុក ក៏ដូចជា ក្រៅស្រុក ធ្វើកិច្ចសហប្រតិបត្តិការជាបន្ទាន់ ក្នុង ការកំណត់បាននូវគោលដៅ ក៏ដូចជា ទីកន្លែង ដែលទូរស័ព្ទរោទ៍ ដោយប្រើ Global Positioning System ដើម្បីបញ្ជាក់ច្បាស់ ពីវត្តមាន របស់ពួកគេ ក៏ដូចជា យន្តហោះដែលបានបាត់ អោយពិត ប្រា កដ ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ អឺរ៉ូញូវ</p>