<p><span style="color: #000000;"><strong style="font-size: 12px;">ភ្នំពេញ៖</strong><span style="font-size: 12px;"> បន្ទាប់ពីការប្រកាសប្រើប្រាស់ជាផ្លូវការបានរយៈពេល ជិតមួយខែ នៅពេលនេះ ទំព័រ Facebook របស់ សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា ដែលមានឈ្មោះ Samdech Hun Sen, Cambodian Prime Minister ត្រូវបានក្រុមហ៊ុន Facebook Inc. ទទួលស្គាល់ជាផ្លូវការហើយ (Verify) ដោយមានចេញសញ្ញាធិក ពណ៌ខៀវ។</span></span></p>
<p><span style="color: #000000;">នៅយប់ថ្ងៃទី១០ ខែតុលា ឆ្នាំ២០១៥ សម្តេចតេជោ ហ៊ុន សែន បានបញ្ជាក់នៅលើ Facebook របស់សម្តេចថា «ខ្ញុំព្រះករុណា ខ្ញុំសូមអរគុណព្រះតេជគុណ ព្រះសង្ឃ បងប្អូនប្រជាពលរដ្ឋ មន្រ្តីរាជការ សិស្ស និស្សិត និងយុវជន ទាំងក្នុងនិងក្រៅប្រទេសទាំងអស់ដែលបានចូលរួមនៅក្នុងគេហទំព័រ Facebook ផ្ទាល់ខ្លួនរបស់ខ្ញុំព្រះករុណាខ្ញុំ ។ ដើម្បីឲ្យអស់ចម្ងល់ គឺខ្ញុំព្រះករុណា ខ្ញុំបានបញ្ជាក់ជូនក្រុមហ៊ុន Facebook ជាផ្លូវការហើយ។ ពេលនេះនៅលើ ទំព័រគឺមានមានសញ្ញាសម្គាល់ VERIFY ពណ៌ខៀវ ទើបជាទំព័រផ្លូវការពិតរបស់ខ្ញុំព្រះករុណាខ្ញុំ»។</span></p>
<p><span style="color: #000000;">សម្តេចតេជោ ហ៊ុន សែន បានប្រកាសប្រើប្រាស់ទំព័រ Facebook របស់សម្តេចជាផ្លូវការនៅថ្ងៃទី២០ ខែកញ្ញា ឆ្នាំ ២០១៥ ជាមួយនិងអ្នកចុច Like ចំនួន ១.០៦២.០៣០ រហូតដល់ថ្ងៃទី១១ ខែតុលា ឆ្នាំ២០១៥នេះ ចំនួនអ្នកចុច Like កើនដល់ ១.២០៦.០៩៥។ រយៈពេលជិតមួយខែបន្ទាប់ពីការប្រើប្រាស់ជាផ្លូវការចំនួនអ្នកចុច Like លើទំព័រ Facebook របស់នាយករដ្ឋមន្រ្តី មានជិត ២០ម៉ឺននាក់។</span></p>
<p><span style="color: #000000;">បច្ចុប្បន្ននេះចំនួនអ្នកប្រើប្រាស់ Facebook ទាំងអស់នៅលើពិភពលោកមានចំនួនជាង ១៤៤០លាននាក់, ហើយ ចំនួនអ្នកប្រើប្រាស់ជាប់ជាប្រចាំថ្ងៃ (Daily Active Users) មានចំនួន ៩៣៦លាននាក់, ដោយក្នុងនោះ អ្នកប្រើ ប្រាស់លើទូរស័ព្ទមានរហូតដល់ចំនួន ៨៧ភាគរយ។</span></p>
<p><span style="color: #000000;">នៅកម្ពុជា មិនទាន់មានប្រភពណាមួយបញ្ជាក់ឲ្យច្បាស់លាស់ពីចំនួនអ្នកប្រើប្រាស់ Facebook នៅឡើយទេ។ តែ បើតាមក្រសួងប្រៃសនីយ៍ និងទូរគមនាគមន៍ បានឲ្យដឹងថា គិតត្រឹមខែមិថុនា ឆ្នាំ២០១៥ ចំនួនអ្នកប្រើប្រាស់ Internet មានជិត ៦លាននាក់។ ក្នុងនោះអ្នកប្រើ Internet ចល័តមានជាង ៥,៨ម៉ឺននាក់ និង អ្នកប្រើ Internet អចល័ត មានជាង ៧ម៉ឺននាក់។</span></p>
<p><span style="color: #000000;">បើទោះបីមិនទាន់មានការបញ្ជាក់ពីចំនួនអ្នកប្រើប្រាស់ Facebook នៅកម្ពុជា តែគេអាចប៉ាន់ប្រមាណដឹងថា ចំនួន អ្នកប្រើបណ្តាញសង្គមដ៏ពេញនិយមមួយនេះ នៅកម្ពុជាមិនក្រោមខ្ទង់លាននាក់ឡើយ ត្បិតថា បច្ចុប្បន្នរាល់អ្នក ដែលមាន Internet ប្រើប្រាកដជាមានគណនេយ្យ Facebook ផ្ទាល់ខ្លួនជាមិនខាន។</span></p>
<p><span style="color: #000000;">នៅកម្ពុជា Facebook បានក្លាយទៅជាមជ្ឈមណ្ឌលចែកចាយព័ត៌មានមួយដ៏ធំ ទាំងរឿងផ្ទាល់ខ្លួន រឿងសាធារ ណៈ រឿងអយុត្តិធម៌សង្គម បូករួមទាំងបញ្ហាផ្សេងៗជាច្រើនទៀត ដែលកើតមានប្រចាំថ្ងៃនៅកម្ពុជា ភាគច្រើនត្រូវ បានគេរំលេចឡើងលើទំព័រ Facebook៕</span></p>
<p><span style="color: #000000;"><a class="thickbox" title="" href="/FileManager/Commons/2015/10/12/21-12-10-2015--12-21-41.png"><img src="/FileManager/Articles/mce/2015/10/12/21-12-10-2015--12-21-41.png" alt="" /></a><br /></span></p>
<p><br /><span style="color: #000000;">ផ្តល់សិទ្ធដោយ ៖ ដើមអម្ពិល</span></p>
<p> </p>