<div class="article-content">
<p><strong>ពោធិ៍សាត់៖</strong> ស្រ្តីម្នាក់ត្រូវបានក្មេង ដើរឃ្វាលគោប្រទះឃើញ ដេកស្លាប់នៅក្នងព្រៃ នៅចំណុចគោបំបៅកូន ស្ថិតក្នុងភូមិវាល ឃុំសំរោង ស្រុកភ្នំក្រវាញ កាលពីវេលាម៉ោង ៩ព្រឹក ថ្ងៃទី២៣ ខែសីហា ឆ្នាំ២០១៤ រួចក៏រត់ទៅរាយការណ៍ ប្រាប់សមត្ថកិច្ច ដើម្បីចុះទៅពិនិត្យ ។</p>
<p>សមត្ថកិច្ចនគរបាល បានអោយដឹងថា សពស្ត្រីរងគ្រោះមានឈ្មោះ ផុន សុភី អាយុ ៣៤ឆ្នាំ រស់នៅភូមិវាល ឃុំសំរោង ស្រុកភ្នំក្រវាញ ជនរងគ្រោះជាស្រ្តីមេម៉ាយ ហើយថែមទាំងមានកូនចំនួន ៣នាក់ ទៀតផង។ សមត្ថកិច្ចក៏បានបន្តថា តាមការរៀបរាប់របស់ក្រុមគ្រួសារ ស្រ្តីរងគ្រោះ នៅមុនពេលកើតុហេតុ ស្រ្តីរងគ្រោះបានបាត់ពីផ្ទះ នៅវេលាម៉ោងប្រមាណជា ៤ល្ងាចថ្ងៃទី២២ ខែសីហា ឆ្នាំ២០១៤ ។ លុះព្រឹកឡើងម៉ោងប្រមាណជា ៩ព្រឹក ថ្ងៃទី២៣ ខែសីហា ស្រាប់តែមានក្មេងៗដើរឃ្វាលគោប្រទះឃើញ ស្រ្តីរងគ្រោះនោះដេកស្លាប់ នៅក្នុងព្រៃចម្ងាយពីផ្ទះស្រ្តីគ្រោះប្រហែល ៥០០ម៉ែត្រ ហើយក៏មករាយការណ៍ទៅសមត្ថកិច្ច និងក្រុមគ្រួសារតែម្តង។</p>
<p>សមត្ថកិច្ចក៏បានបន្តទៀតថា តាមការពិនិត្យកោសល្យវិច័យ សពស្ត្រីរងគ្រោះ គឺពិតជាត្រូវបានគេរំលោភ ហើយច្របាច់កសម្លាប់ ដើម្បីបំបាត់ភស្តុតាតែម្តង។</p>
<p>បើតាមសមត្ថកិច្ច ករណីរំលោភសម្លាប់នោះ សមត្ថកិច្ចកំពុងសាកសួរមុខសញ្ញាសង្ស័យចំនួន ៥នាក់៕</p>
<p style="text-align: center;"><img src="http://image.dap-news.com:81/dap-news/dap-images/2014/August/id-068/HOU-00861.jpg" alt="" width="550" /></p>
</div>
<p style="text-align: right;"><a href="http://www.dap-news.com/2011-06-14-02-39-55/93542-2014-08-24-03-16-26.html" target="_blank">ផ្តល់សិទ្ធដោយ ៖ ដើមអម្ពិល</a></p>