<p><span style="color: #000000;"><strong>(ញូដេលី)៖</strong> ហេតុការណ៍ដ៏គួរឲ្យភ្ញាក់ផ្អើល និង មិនធ្លាប់កើតមានមួយ បាននាំឲ្យសាធារណជន មានការចាប់អារម្មណ៍យ៉ាងខ្លាំង បន្ទាប់ពីបុរសវ័យ ៣៩ឆ្នាំម្នាក់ បានចងកសម្លាប់ខ្លួន នៅដើមឈើ មួយដើមក្បែររបងរដ្ឋសភា របស់ប្រទេសឥណ្ឌា។ នេះបើតាមការចេញផ្សាយនៅរសៀល ថ្ងៃព្រហស្បតិ៍ ទី១២ ខែឧសភា ឆ្នាំ២០១៦។</span></p>
<p><span style="color: #000000;">សាក្សីដែលបានឃើញហេតុការណ៍ផ្ទាល់បានឲ្យដឹងថា បុរសខាងលើនេះទំនងជាបានចងក ខ្លួនឯងព្យួរនឹងដើមឈើមួយដើម នៅជាប់របងរដ្ឋសភា ស្ថិតនៅចំកណ្តាលរដ្ឋានីញូដេលី នាពេលទៀបភ្លឺ ហើយរហូតមកដល់ពេលព្រឹកថ្ងៃព្រហស្បតិ៍នេះ ទើបអ្នកដំណើរបានឆ្លងកាត់ និងឃើញសាកសពបុរសនោះព្យួរ នឹងដើមឈើ។ ភ្លាមៗប៉ូលិសឥណ្ឌា បានធ្វើការសន្និដ្ឋានថា បុរសនោះគឺបានធ្វើអត្តឃាតខ្លួនឯង ហើយបើតាមអត្តសញ្ញាណនោះ គឺរូបគេបានធ្វើដំណើរមកពី រដ្ឋ Madhya Pradesh ភាគកណ្តាលប្រទេស។</span></p>
<p><span style="color: #000000;">គួរបញ្ជាក់តាមការសង្ស័យថា ជនរូបនោះទំនងជាចង់ធ្វើការទាមទារអ្វីមួយ ទៅដល់ស្ថាប័នច្បាប់ កំពូលរបស់ជាតិ ប៉ុន្តែយ៉ាងណាក៏ដោយ ការស៊ើបអង្កេតរកមូលហេតុពិតប្រាកដនៃការសម្លាប់ខ្លួន នោះកំពុងប្រព្រឹត្តទៅនៅឡើយ៕</span></p>
<p><span style="color: #000000;"><a class="thickbox" title="" href="/FileManager/Commons/2016/5/12/16a-12-05-2016--14-10-40.jpg"><img src="/FileManager/Articles/mce/2016/5/12/16a-12-05-2016--14-10-40.jpg" alt="" /></a><br /><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>