<p><span style="color: #000000;"><strong>(ពោធិ៍សាត់)៖</strong> រយៈពេល៣ថ្ងៃ កម្លាំងចម្រុះ បានដកហូតម៉ាសីុនត្រង់ទឺន័រ ០២គ្រឿង រុះរើ និងដុតកម្ទេចចោល ខ្ទមសង់ពីឈើលើដីចំនួន២៨ខ្នង ព្រមទាំងឃាត់ខ្លួនបុរសម្នាក់ដែលជាមុខសញ្ញាមេក្លោង បំផុសបំផុលប្រជាពលរដ្ឋ ឲ្យមកកាប់រានហ៊ុំព័ទ្ធដីព្រៃសហគមន៍ (ព្រៃដៃគូឃុំសំរោង) មកធ្វើជាកម្មសិទ្ធិឯកជន។</span></p>
<p><span style="color: #000000;">ប្រតិបត្តិការដ៏ក្តៅគគក់នេះ ធ្វើឡើងកាលពីថ្ងៃទី១៦-១៨ ខែតុលា ឆ្នាំ២០១៦ នៅចំណុចវាល១ និងវាល២ ក្នុងព្រៃសហគមន៍ (ព្រៃដៃគូឃុំសំរោង) ស្ថិតក្នុងភូមិអង្គ្រង ឃុំសំរោង ស្រុកភ្នំក្រវាញ ខេត្តពោធិ៍សាត់។</span></p>
<p><span style="color: #000000;">លោក វង សាវ៉េត អធិការនគរបាលស្រុកភ្នំក្រវាញ បានប្រាប់ភ្នាក់ងារ Fresh News ឲ្យដឹងថា ជនសង្ស័យដែលជាមេក្លោងបំផុសបំផុលប្រជាពលរដ្ឋ ឲ្យកាប់រានដីព្រៃសហគមន៍នោះ មានឈ្មោះ ជា សារ៉ូ អាយុ ៥៥ឆ្នាំ បច្ចុប្បន្នរស់នៅភូមិអង្គ្រង ឃុំសំរោង ស្រុកភ្នំក្រវាញ ខេត្តពោធិ៍សាត់។</span></p>
<p><span style="color: #000000;">លោកអធិការបន្តថា ក្នុងប្រតិបត្តិការបង្ក្រាប និងទប់ស្កាត់ ដែលធ្វើឡើងកាលពីថ្ងៃទី១៦-១៨ ខែតុលា ឆ្នាំ២០១៦ នៅចំណុចវាល១ និងវាល២ ក្នុងព្រៃសហគមន៍ (ព្រៃដៃគូឃុំសំរោង)នោះ កម្លាំងសហការរួមមាន អាវុធហត្ថស្រុក រដ្ឋបាលព្រៃឈើ និងគណៈកម្មការសហគមន៍ព្រៃឈើ បានដកហូតម៉ាស៊ីនត្រង់ទឺន័រ ០២គ្រឿង រុះរើ និងដុតកម្ទេចចោល ខ្ទមសង់ពីឈើលើដីចំនួន ២៨ខ្នង និងបានអប់រំពួកគាត់ឲ្យត្រឡប់ទៅលំនៅដ្ឋានវិញ ដែលពួកគាត់ភាគច្រើនជាជនចំណាកស្រុកមកពីខេត្តកំពង់ស្ពឺ។</span></p>
<p><span style="color: #000000;">ជាមួយគ្នានោះ កម្លាំងសហការ បានបន្តធ្វើការឃាត់ខ្លួនជនសង្ស័យដែលជាមេក្លោង ក្នុងការបំផុសបំផុលប្រជាពលរដ្ឋ ឲ្យមកកាប់រានហ៊ុព័ទ្ធដីព្រៃសហគម៍ នៅវេលាម៉ោង ០៣ និង២០នាទីរសៀល ថ្ងៃទី១៨ ខែតុលា ឆ្នាំ២០១៦តែម្តង។</span></p>
<p><span style="color: #000000;">ក្រោយការឃាត់ខ្លួនមេក្លោងមកសួរនាំ និងធ្វើកំណត់ហេតុនៅអធិការដ្ឋាននគរបាលស្រុកភ្នំក្រវាញរួចមក កម្លាំងរបស់លោកបានប្រគល់ជនសង្ស័យទៅឲ្យជំនាញផ្នែករដ្ឋបាលព្រៃឈើ ចាត់ការបន្តតាមនីតិវិធី៕</span></p>
<p><span style="color: #000000;"><img src="http://image.freshnewsasia.com/2016/019/05/fn-2016-10-19-11-38-32-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-10-19-11-38-32-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-10-19-11-38-32-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-10-19-11-38-33-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-10-19-11-38-33-4.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>