<p>ក្រៅពីការហែលទឹក ងួតចំហាយទឹកក្តៅ ហាត់ប្រាណនៅពេល ព្រឹកព្រលឹម ឬមុនពេលចូលដេក នូវកាយវិការដូចខាងក្រោម ដែលសំដៅ ធ្វើអោយសាច់ដុំពោះរឹងល្អ បំបាត់ចោលខ្លះនូ វស្រទាប់ខ្លាញ់ក្រោមស្បែកពោះ។</p>
<p>កន្លែងហាត់ត្រូវរាបស្មើ ស្រឡះស្អាត អាចដេកបាន ឬ អង្គុយបាន ល្អបំផុតគឺហាត់នៅលើទីធ្លា។</p>
<p>- ធ្វើឲ្យបាន១០ដងនូវកាយវិការដូចខាងក្រោម៖<br /> ១. ដេកផ្ងារ សណ្តូកជើងឲ្យត្រង់ ដៃលើកត្រង់ទៅលើតាមបណ្តោយខ្លួន<br /> ២. ដៃទាំងពីរលើកបន្តិចៗ ឲ្យផុតពីដី រហូតមកដល់ទន្ទឹមមុខ ឯខ្លូនក៏បង្ហើបមកបន្តិចៗ ដែរ<br /> ៣.បង្ហើបខ្លូនបន្តិចម្តងៗ រហូតដល់អង្គុយបាន<br /> ៤.ឱនក្រាបចុះផតពោះ ដៃទាំងពីរឈោងអោយប៉ះចុងមេជើង </p>
<p>- ធ្វើឲ្យបាន២០ដងនូវលំហាត់នីមួយៗខាងក្រោមនេះ៖<br /> ១.ដេកត្រង់ ផ្ងារដៃ និងដាក់អោយស្របខ្លូន ជើងសណ្តូកត្រង់<br /> ២. ជើងមួយដាក់ឲ្យស្ងៀម ជើងមួយទៀតលើកផុតពីដីប្រហែល៤០ សង់ទីមែត្រ។ ធ្វើដូច្នេះអោយបាន១០ដង<br /> ៣.អង្គុយជើងឡើងបន្តិចអោយពោះ និងភ្លៅកែងគ្នា លើកជើងធាក់ក្នុងលំហអាកាស អោយក្លាយជារង្វង់តូច (លើកខ្ពស់ត្រឹមជង្គង់)</p>
<p>- ធ្វើអោយបាន១០ដងនូវរាល់កាយវិការដូចខាងក្រោម៖<br /> ១.ឈរកន្ធែកជើងអោយចុះជាបណ្តើរៗ ដៃស្តាំត្រូវចាប់មេជើងស្តាំ ដៃឆ្វេងត្រូវលាតត្រង់ទៅក្រោយ រួចត្រលប់មកស្ថាន ភាពដើមវិញ។<br />បន្ទាប់អោយចុះបន្តិចទៅវិញ ដៃឆ្វេងចាប់មេជើងឆ្វេង ដៃស្តាំលាតត្រង់ទៅក្រោយ។<br /> ២.ឈរកន្ធែកជើងទាំងពីរដែលលាតត្រង់ទៅខាង។ ក្បាលផ្អៀងបន្តិច មកខាងឆ្វេងហើយដៃឆ្វេង ដាក់អោយចុះដល់ក្បាលជង្គង់ ឯដៃស្តាំបោះរំលង ក្បាលជង្គង់ឆ្វេងដែរ។ រួចហើយធ្វើផ្ទុយមកវិញ។<br /> ៣. ឈរត្រង់ខ្លួន ជើងកន្ធែកចេញអោនទៅមុខហើយដៃលាតត្រង់ទៅ មុខដែរ។<br /> ៤.ឈរត្រង់ខ្លួន ដៃទាំងពីរទប់ខ្លួននឹងតួកៅអីផ្អែកឈានជើងស្តាំឡើង ហើយជើងឆ្វេងលាត អោយអស់ទៅក្រោយត្រឡប់ មកទីតាំងដើមវិញ ហើយឈានជើងឆ្វេងឡើង ជើងស្តាំលាតអោយ អស់ទៅក្រោយម្តង៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/August/ID-141/MSP-0052.jpg" alt="" width="600" /></p>
<p style="text-align: right;"><a href="http://lookingtoday.com/index.php/entertainment-general-news/32936-2014-08-05-03-19-11.html" target="_blank">ផ្តល់សិទ្ធដោយ ៖ ដើមអម្ពិល</a></p>