<p><span style="color: #000000;"><strong>អូស្ត្រាលី៖</strong> តារាចម្រៀងស្រី របស់ក្រសួងទេសចរណ៍ កញ្ញា សុន ស្រីពេជ្រ បានចាកចេញពីប្រទេសកម្ពុជាកាលពីថ្ងៃ១០ មិថុនា កន្លងទៅ ជាមួយតារាសិល្បៈជាច្រើនដួង ដូចជា លោក ដួង សុខគា កញ្ញា កុល ដាវី និង លោក សុខ រក្សា ដើម្បីទៅសម្ដែង នៅប្រទេសអូស្រ្តាលី ក្នុងគោលបំណង ស្វែងរកប្រាក់មកជួយកុមារកំព្រា នៅក្នុងប្រទេសកម្ពុជា ដែលសមាគមន៍នេះ តែងតែយកតារាល្បីៗ ពីប្រទេសកម្ពុជា ដើម្បីរកប្រាក់ជួយកុមារក្រីក្រ និងទុរគតជន។</span></p>
<p><span style="color: #000000;">ប្រភពពីប្រទេសអូស្ត្រាលី បាននិយាយថា ការសម្ដែងរបស់តារាពីកម្ពុជា បានទទួលភាពជោគជ័យ យ៉ាងសម្បើម ដែលមានអ្នកទស្សនា យ៉ាងច្រើនកុះករ ព្រោះតារាល្បីៗ មកពីកម្ពុជាច្រើន ហើយកម្រមានតារាសិល្បៈ មកជាក្រុមធំបែបនេះណាស់ ពិសេសតារាពេញ ទៅដោយសមត្ថភាព និង សំលេងល្អៗ ដូចជា លោក ដួង សុខគា និង កញ្ញា សុន ស្រីពេជ្រ ជាដើម ។</span><br /> <br /><span style="color: #000000;">ដោយឡែក កញ្ញា សុន ស្រីពេជ្រ តារាចម្រៀងស្រគត់ស្រគំ សំលេងក្រអួនក្រអៅ បាននិយាយថា «ប្រទេសអូស្ត្រាលីមិនសូវសម្បូរជនជាតិខ្មែរ ច្រើនដូចជា អាមេរិកឡើយ តែអ្នកទស្សនាច្រើន មែនទែនហើយជោគជ័យណាស់ នាងពិតជាសប្បាយចិត្តណាស់ ដែលបងប្អូនទទួលស្វាគមន៍ ច្រើនបែបនេះ ពិតជាកិត្តិយសសម្រាប់ តារាកម្ពុជា» ។</span><br /> <br /><span style="color: #000000;">ឆ្លើយទៅនឹងសំណួរថា តើកញ្ញាទទួលបានប្រាក់ធីបច្រើនទេ ពីសំណាក់បងប្អូនខ្មែរ នៅទីនោះ ? កញ្ញាបានឆ្លើយថា មិនសូវបានច្រើនទេ ព្រោះមកជាក្រុមធំដូចនេះ លុយធីបត្រូវបែងចែក តែកញ្ញាសប្បាយចិត្ត ទៅវិញទេ ព្រោះបានរួមចំណែកជួយសង្គម តាមរយៈសំលេងរបស់ខ្លួន ពិសេសកុមារកំព្រា គ្មានទីពឹង ។ ថ្វីត្បិតតែធ្លាប់ក្រលំបាក តែនាងមានពុកម៉ែ ជាកំលាំងចិត្តជំរុញរហូត តែក្មេងកំព្រា គ្មានសូម្បីតែពុកម្ដាយ គ្នាពិបាកយ៉ាងណា ដូចនេះមានត្រឹមតែទឹកចិត្ត និង សំលេងនេះហើយ ដែលកញ្ញា អាចជួយពួកគេបាន ។</span><br /> <br /><span style="color: #000000;">ការសម្ដែងលើកទី១ សុន ស្រីពេជ្រ និងតារាខ្មែរទាំងអស់ទទួលបានជោគជ័យ ហើយនៅសល់ការសម្ដែង៥លើកទៀត នឹងត្រឡប់មកកម្ពុជាហើយ រួមជាមួយទឹកប្រាក់ យកជួយកុមារកម្ពុជា តាមរយៈសមាគម ៕</span></p>
<p><span style="color: #000000;"><a class="thickbox" title="" href="/FileManager/Commons/2015/6/17/80-17-06-2015--14-41-14.jpg"><img src="/FileManager/Articles/mce/2015/6/17/80-17-06-2015--14-41-14.jpg" alt="" /></a></span></p>
<p><a class="thickbox" title="" href="/FileManager/Commons/2015/6/17/81-17-06-2015--14-41-22.jpg"><img src="/FileManager/Articles/mce/2015/6/17/81-17-06-2015--14-41-22.jpg" alt="" /></a></p>
<p><a class="thickbox" title="" href="/FileManager/Commons/2015/6/17/82-17-06-2015--14-41-32.jpg"><img src="/FileManager/Articles/mce/2015/6/17/82-17-06-2015--14-41-32.jpg" alt="" /></a></p>
<p><a class="thickbox" title="" href="/FileManager/Commons/2015/6/17/83-17-06-2015--14-41-41.jpg"><img src="/FileManager/Articles/mce/2015/6/17/83-17-06-2015--14-41-41.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>