<p><span style="color: #000000;"><strong>កំពង់ស្ពឺ៖</strong> មុខសញ្ញាប្លន់ប្រដាប់អាវុធម្នាក់ ដែលក្លែងឯកសណ្ឋានយោធា ពាក់ស័កិ្ត៤កន្លះ និងផ្កាយ១ ត្រូវបានកម្លាំងនគរបាលខេត្តកំពង់ស្ពឺ និងកម្លាំងនគរបាលខេត្តតាកែវ ចាប់ខ្លួនយកមកសួរនាំ កាលពីព្រឹកថ្ងៃទី២៧ ខែកក្កដា ឆ្នាំ២០១៥ ស្ថិតនៅភូមិខ្នាច់ខាងជើង ឃុំបឹងត្រាញ់ ស្រុកសំរោង ខេត្តតាកែវ ក្រោយពីជននេះបានគេចខ្លួនអស់រយៈពេលជាយូរមកហើយ និងមានដីកាតាមចាប់ខ្លួនពីសំណាក់តុលាការទៀតផង។</span></p>
<p><span style="color: #000000;">មន្រ្តីនគរបាលការិយាល័យព្រហ្មទណ្ឌកម្រិតធ្ងន់ខេត្តកំពង់ស្ពឺ បានបញ្ជាក់ថា ជនត្រូវចោទរូបនេះឈ្មោះ ខៀវ រិទ្ធ អាយុ ៤៧ឆ្នាំ ស្រុកកំណើត នៅភូមិត្រពាំងកោះ ឃុំស្តុក ស្រុកគងពិសី ខេត្តកំពង់ស្ពឺ។</span></p>
<p><span style="color: #000000;">បើតាមមន្រ្តីនគរបាលរូបនេះ បានបញ្ជាក់ថា ក្រៅពីប្លន់ប្រដាប់អាវុធ រូបគេក៏ជាឈ្មួញរកស៊ីដឹកឈើខុសច្បាប់ ពីទឹកដីខេត្តព្រះវិហារយកទៅលក់ នៅតំបន់ផ្សេងៗផងដែរ ។</span></p>
<p><span style="color: #000000;">យោងតាមដីការបស់លោក ប៊ុន្នីយ ប៊ុណ្ណារី ចៅក្រមស៊ើបសួរសាលាដំបូងខេត្តកំពង់ស្ពឺ បានចេញដីកាបញ្ជាឲ្យសមត្ថកិច្ចតាមចាប់ខ្លួនជននេះ កាលពីថ្ងៃទី៧ ខែមិថុនា ឆ្នាំ២០១១ ពីបទប្លន់ប្រដាប់អាវុធ ស្ថិតនៅភូមិចាស់ ឃុំព្រៃងៀត ស្រុកគងពិសី ខេត្តកំពង់ស្ពឺ កាលពីថ្ងៃទី៤ ខែមេសា ឆ្នាំ២០០៧ កន្លងទៅ។ ក្រោយបញ្ចប់ការសួរនាំ សមត្ថកិច្ចបានបញ្ជូនខ្លួនទៅតុលាការ ដើម្បីចាត់ការតាមផ្លូវច្បាប់៕</span></p>
<p><span style="color: #000000;"><img src="http://image.dap-news.com:81/dap-news/dap-images/2015/July/id-067/CH-01444.jpg" alt="" width="550" /></span></p>
<p><span style="color: #000000;"><img src="http://image.dap-news.com:81/dap-news/dap-images/2015/July/id-067/CH-01445.jpg" alt="" width="550" /></span></p>
<p><span style="color: #000000;"><img src="http://image.dap-news.com:81/dap-news/dap-images/2015/July/id-067/CH-01446.jpg" alt="" width="550" /></span></p>
<p><span style="color: #000000;"><img src="http://image.dap-news.com:81/dap-news/dap-images/2015/July/id-067/CH-01447.jpg" alt="" width="550" /></span></p>
<p><span style="color: #000000;"><img src="http://image.dap-news.com:81/dap-news/dap-images/2015/July/id-067/CH-01448.jpg" alt="" width="550" /></span></p>
<p><span style="color: #000000;"><img src="http://image.dap-news.com:81/dap-news/dap-images/2015/July/id-067/CH-01449.jpg" alt="" width="550" /></span></p>
<p><span style="color: #000000;"><img src="http://image.dap-news.com:81/dap-news/dap-images/2015/July/id-067/CH-01450.jpg" alt="" width="550" /></span></p>
<p><span style="color: #000000;"><img src="http://image.dap-news.com:81/dap-news/dap-images/2015/July/id-067/CH-01451.jpg" alt="" width="550" /></span></p>
<p><span style="color: #000000;"><img src="http://image.dap-news.com:81/dap-news/dap-images/2015/July/id-067/CH-01452.jpg" alt="" width="550" /></span></p>
<p style="text-align: right;"><br /><span style="color: #000000;">ផ្ដល់សិទ្ធដោយ៖ដើមអម្ពិល</span></p>