<p><span style="color: #000000;"><strong>(វ៉ាស៊ីនតោន)៖</strong> អំពើហិង្សានៅតែបន្តផ្ទុះឡើងពីរយប់ជាប់ៗគ្នា នៅល្ងាចថ្ងៃពុធ រវាងកងកម្លាំង រក្សាសណ្ដាប់ធ្នាប់និង ក្រុមបាតុករ នៅអំឡុងពេលនៃបាតុកម្មតវ៉ាមួយ នៅក្នុងទីក្រុង Charlotte នៃរដ្ឋ North Carolina សហរដ្ឋអាមេរិក ដែលធ្វើឡើងនៅបន្ទាប់ ពីបុរសស្បែកខ្មៅម្នាក់ឈ្មោះ Keith Lamont Scott ត្រូវបានប៉ូលិសបាញ់សម្លាប់។ នេះបើតាមការចេញផ្សាយ ដោយទីភ្នាក់ងារសារព័ត៌មានចិនស៊ិនហួរ នៅរសៀលថ្ងៃព្រហស្បតិ៍ ទី២២ខែកញ្ញា ឆ្នាំ២០១៦។</span></p>
<p><br /><a class="thickbox" title="" href="/FileManager/Commons/2016/9/22/13b-22-09-2016--15-40-06.jpg"><img src="/FileManager/Articles/mce/2016/9/22/13b-22-09-2016--15-40-06.jpg" alt="" /></a></p>
<p><br /><a class="thickbox" title="" href="/FileManager/Commons/2016/9/22/13c-22-09-2016--15-40-19.jpg"><img src="/FileManager/Articles/mce/2016/9/22/13c-22-09-2016--15-40-19.jpg" alt="" /></a><a class="thickbox" title="" href="/FileManager/Commons/2016/9/22/13b-22-09-2016--15-40-06.jpg"></a></p>
<p><span style="color: #000000;">ជុំវិញអំពើហិង្សានេះដែរ អភិបាលរដ្ឋ North Carolina បានសម្រេចចិត្តដាក់ទីក្រុង Charlotte នៅក្នុងគ្រា ប្រកាសអាសន្ន។ <strong>«ខ្ញុំបានសម្រេចចិត្ត ប្រកាសភាពអាសន្ន ព្រមទំាងបានបញ្ជូនកងការពារជាតិ និង ប៉ូលិសបន្ថែម ដើម្បីជួយដល់អាជ្ញាធរនៅក្នុងទីក្រុង Charlotte»</strong>។ នេះគឺជាការបញ្ជាក់របស់អភិបាលរដ្ឋ North Carolina លោក Pat McCrory ដោយលោកបានបន្ថែមថា បុរសម្នាក់ពិតជាបានរងរបួសធ្ងន់ ដោយសារគ្រាប់កំាភ្លើង ក៏ប៉ុន្តែមិនមែនបង្កឡើង ដោយក្រុមកងកម្លាំងរក្សាសណ្ដាប់ធ្នាប់នោះទេ ខណៈប្រធានប៉ូលិសទីក្រុង Charlotte អះអាងថាបាតុករម្នាក់បានស្លាប់បាត់បង់ជីវិត នៅក្នុងការប៉ះទង្គិចគ្នា ដោយហិង្សាជាមួយនឹងកង កម្លាំងរក្សាសណ្ដាប់ធ្នាប់ ដែលបានប្រើប្រាស់ ឧស្ម័នបង្ហូរទឹកភ្នែក ដើម្បីបំបែកក្រុមបាតុករ។</span></p>
<p><br /><a class="thickbox" title="" href="/FileManager/Commons/2016/9/22/13d-22-09-2016--15-40-32.jpg"><img src="/FileManager/Articles/mce/2016/9/22/13d-22-09-2016--15-40-32.jpg" alt="" /></a></p>
<p><br /><a class="thickbox" title="" href="/FileManager/Commons/2016/9/22/13e-22-09-2016--15-40-39.jpg"><img src="/FileManager/Articles/mce/2016/9/22/13e-22-09-2016--15-40-39.jpg" alt="" /></a><a class="thickbox" title="" href="/FileManager/Commons/2016/9/22/13d-22-09-2016--15-40-32.jpg"></a></p>
<p><span style="color: #000000;">គួរបញ្ជាក់ថា Keith Lamont Scott ត្រូវបានប៉ូលិសក្នុងទីក្រុង Charlotte បាញ់សម្លាប់ កាលពីថ្ងៃទី២០ ខែកញ្ញា ដោយសារតែរូបគេត្រូវប៉ូលិសសន្និដ្ឋានថា ជាមនុស្សមានគ្រោះថ្នាក់ ព្រោះមានកំាភ្លើងនៅក្នុងដៃ ក៏ប៉ុន្តែបើតាមសាច់ញាត្តិរបស់បុរសរូបនេះ និង សាក្សីជាច្រើននាក់ទៀត បានបញ្ជាក់ថា លោក Keith Lamont Scott បានកាន់សៀវភៅមួយ ក្បាលតែប៉ុណ្ណោះ នៅក្នុងដៃ៕</span></p>
<p><a class="thickbox" title="" href="/FileManager/Commons/2016/9/22/13a-22-09-2016--15-29-42.jpg"><img src="/FileManager/Articles/mce/2016/9/22/13a-22-09-2016--15-29-42.jpg" alt="" /></a></p>
<p><br /><a class="thickbox" title="" href="/FileManager/Commons/2016/9/22/13f-22-09-2016--15-47-46.jpg"><img src="/FileManager/Articles/mce/2016/9/22/13f-22-09-2016--15-47-46.jpg" alt="" /></a></p>
<p style="text-align: right;"><span style="color: #000000;">ប្រភព ៖ ស៊ិនហួរ</span></p>