<p><span style="color: #000000;"><strong>(បន្ទាយមានជ័យ)៖</strong> ក្មេងទំនើង៣ក្រុម ជិះម៉ូតូដេញវាយគ្នាពេញផ្លូវជាតិ បង្កអសន្តិសុខយ៉ាងខ្លាំង ត្រូវបានអាវុធហត្ថ ក្រុងសិរីសោភ័ណនិងកងកំលាំងអន្តរាគមន៍ អាវុធហត្ថខេត្តបន្ទាយមានជ័យ ឃាត់ខ្លួនជាបន្តបន្ទាប់។</span></p>
<p><span style="color: #000000;">លោកឧត្តសេនីយ៍ត្រី ឱ បូរិន្ទ មេបញ្ជាការអាវុធហត្ថខេត្ត បានឲ្យដឹងព្រឹកថ្ងៃទី២នេះថា ខណៈពេលកងកម្លាំងយើង ចុះប្រតិបត្តិការចេញល្បាត ក្នុងទីរួមខេត្តបន្ទាយមានជ័យ ដើម្បីចុះពង្រឹងសន្តិសុខ ជូនប្រជាពលរដ្ឋស្រាប់តែ ប្រទះនិងក្មេងទំនើង៣ក្រុម បានបង្កអសន្តិសុខ ឈ្លោះប្រកែកគ្នា និងជិះម៉ូតូដេញវាយគប់គ្នា យ៉ាងសាហាវពេញថ្នល់ជាតិ នៅម៉ោង៣៖០០នាទីទៀបភ្លឺ ចូលថ្ងៃទី១ ខែមករា ឆ្នាំ២០១៦ នៅត្រង់ចំណុចក្លិបកំសាន្ត ហ្គោលថោន ក្នុងភូមិក្បាលស្ពាន សង្កាត់ព្រះពន្លា ក្រុងសិរីសោភ័ណ ត្រូវបានអាវុធហត្ថ ក្រុងសិរីសោភ័ណ និងអាវុធហត្ថខេត្ត ធ្វើការឃាត់ខ្លួនបានចំនួន១០នាក់ និងម៉ូតូ៧គ្រឿង បញ្ជូនមកអាវុធហត្ថខេត្ត ដើម្បីធ្វើកាសាកសួរ។</span></p>
<p><span style="color: #000000;">លោកបានបញ្ជាក់ទៀតថា ក្រោយពីឃាត់ខ្លួនហើយ លោកបានអញ្ជើញឪពុក-ម្តាយ ក្មេងទំនើងទាំងអស់នោះ ឲ្យមកចូលស្តាប់ការប្រព្រឹត្តខុស របស់ក្រុមក្មេងដែលបង្កអសន្តិសុខពេញផ្លូវជាតិ ហើយឲ្យឪពុកម្តាយក្មេងទំនើងទាំង១០នាក់នោះ ធ្វើកិច្ចសន្យានិងធានាកូនយកទៅអប់រំបន្ត៕</span></p>
<p><span style="color: #000000;"><a class="thickbox" title="" href="/FileManager/Commons/2016/1/2/1-2-2016-10-06-02-am-02-01-2016--10-14-14.png"><span style="color: #000000;"><img src="/FileManager/Articles/mce/2016/1/2/1-2-2016-10-06-02-am-02-01-2016--10-14-14.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2016/1/2/1-2-2016-10-06-33-am-02-01-2016--10-14-29.png"><span style="color: #000000;"><img src="/FileManager/Articles/mce/2016/1/2/1-2-2016-10-06-33-am-02-01-2016--10-14-29.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2016/1/2/1-2-2016-10-06-56-am-02-01-2016--10-14-38.png"><span style="color: #000000;"><img src="/FileManager/Articles/mce/2016/1/2/1-2-2016-10-06-56-am-02-01-2016--10-14-38.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្វ្រេសញ៉ូវអាស៊ី</span></p>