<p><strong>កំពង់ចាម៖</strong> ថៅកែរក ស៊ីលក់ត្រីពីរនាក់ ប្តីប្រពន្ធ ដែលរស់នៅ ខេត្តសៀមរាប ត្រូវបានក្រុម<br />ចោរ ចាប់ជំរិត និងទារប្រាក់ ចំនួន៥ម៉ឺដុល្លារ មកពីខេត្តសៀមរាប ឆ្ពោះទៅកាន់ ស្រុកពាញ<br />ក្រែក ខេត្តកំពង់ចាម តែក្រោយធ្វើការ ស្រាវជ្រាវ តាមជំនាញរបស់ខ្លួន កម្លាំងនគរបាល ខេត្ត<br />កំពង់ចាម បានឈានទៅដល់ការ រំដោះជនរងគ្រោះបាន មកវិញ និងចាប់បានជនសង្ស័យជា<br />បន្តបន្ទាប់ ចំនួន៥នាក់ នាយប់ថ្ងៃទី១១ ខែមិថុនា ឆ្នាំ២០១៣នេះ។</p>
<p>ស្នងការរងនគរបាល និងជាប្រធានការិយាល័យ កណ្តាលយុត្តិធម៌ខេត្តកំពង់ចាម លោក ជឹម<br /> សេងហុង បានថ្លែងឲ្យដឹងថា ក្រោយពីមាន សេចក្តីរាយការណ៍ ចាប់ជំរិត ជនរងគ្រោះ ជាថៅ<br />កែលក់ត្រីពីខេត្តសៀមរាប ហើយនាំមកដល់ ត្រពាំងផ្លុងរួចមក កម្លាំងនគរបាល របស់លោក <br />ដោយមានការដឹកនាំបញ្ជាផ្ទាល់ ពីស្នងការនគរបាលខេត្តកំពង់ចាម លោកឧត្តមសេនីយ៍ទោ <br />ឆាយ គឹមសុន បានបើកប្រតិបត្តិការ ស្រាវជ្រាវ តាមជំនាញរបស់ខ្លួន ហើយឈានទៅដល់ ការរំដោះជនរងគ្រោះបានមកវិញកាលពីវេលាម៉ោង ៧៖៣០នាទីយប់ ថ្ងៃដដែលនេះ។</p>
<p>លោក ជឹម សេងហុង បានបន្តថា ប្រតិបត្តិការ ដែលទទួលបានជោគជ័យ ខាងលើនេះ ក៏ដោយ<br />មានបទបញ្ជាពីសំណាក់ អគ្គស្នងការ នគរបាលជាតិ នាយឧត្តមសេនីយ៍ នេត សាវឿន អគ្គស្នង<br />ការរង នគរបាលជាតិ លោកឧត្តមសេនីយ៍ កង សាខន និងលោកឧត្តមសេនីយ៍ ម៉ក់ ជីតូ ប្រធាន<br />នាយកដ្ឋាន កណ្តាលព្រហ្មទណ្ឌ ក្រសួងមហាផ្ទៃ ទើប កម្លាំងនគរបាលកំពង់ចាម អាចបំបែក <br />សំណុំរឿងចាប់ជំរិតនេះបាន ហើយឈានទៅដល់ការ ឃាត់ខ្លួនជនសង្ស័យចំនួន៥នាក់ ក្នុង<br />នោះមាន ជនជាតិវៀតណាមផងដែរ ។</p>
<p> ស្នងការនគរបាលខេត្តកំពង់ចាម លោកឧត្តមសេនីយ៍ទោ ឆាយ គឹមសុន ដែលដឹកនាំបញ្ជាផ្ទាល់ក្<br />នុង ប្រតិបត្តិការនេះ បានថ្លែងឲ្យដឹងថា ជនរងគ្រោះជាប្តីមានឈ្មោះ អិន មិន អាយុ៣៨ឆ្នាំ រស់<br />នៅភូមិថ្មី សង្កាត់ស្វាយដង្គំ ក្រុងសៀមរាប ខេត្តសៀមរាប ហើយត្រូវចោរធ្វើការ ចាប់ជំរិត នៅ<br />វេលាម៉ោង ៧និង ៣០នាទី យប់ថ្ងៃទី៩ ខែមិថុនា ឆ្នាំ២០១៣ នៅផ្ទះសំណាក់ ព្រះច័ន្ទពេញវង់។</p>
<p>លោកស្នងការបានបន្តថា ក្រោយការចាប់ខ្លួន បុរសជាប្តីរួចហើយ ក្រុមចោរ បាននាំជនរងគ្រោះ<br /> មកកាន់ចំណុច ត្រពាំងផ្លុង រួចហើយស្រ្តីជាភិរយា បានធ្វើដំណើរ មករកប្តី ក៏ត្រូវក្រុមចោរចាប់<br />ជំរិតបន្តទៀត ដោយទារប្រាក់ចំនួន៥ម៉ឺនដុល្លារ ។</p>
<p>ក្រោយពីទទួលបាន សេចក្តីរាយការណ៍ ពីការចាប់ជំរិតខាងលើនេះ កម្លាំងនគរបាលខេត្តកំពង់<br />ចាម និងមូលដ្ឋាន បានចុះប្រតិបត្តិការ ហើយឈានទៅដល់ ការរំដោះជនរងគ្រោះបានមកវិញ<br /> និងចាប់ខ្លួន ជនសង្ស័យបានជា បន្តបន្ទាប់ចំនួន៥នាក់ ក្នុងនោះ មានជនជាតិវៀតណាមផងដែរ។</p>
<p>រហូតមកដល់ វេលាម៉ោង ៩យប់ថ្ងៃដដែលនេះ កម្លាំងសមត្ថកិច្ច បានបន្តប្រតិបត្តិការ របស់ខ្លួនបន្ត<br />ទៀត និងនាំជនសង្ស័យទាំង៥នាក់ មកកាន់ ស្នងការដ្ឋាននគរបាលខេត្តដើម្បី សួរនាំបន្តទៀត៕</p>
<p><img src="http://111.92.240.170:81/dap-news/dap-images/2013/June/id-067/CH-0339.jpg" alt="Photo by DAP-NEWS" width="500" /></p>
<p><img src="http://111.92.240.170:81/dap-news/dap-images/2013/June/id-067/CH-0338.jpg" alt="Photo by DAP-NEWS" width="500" /></p>
<p><img src="http://111.92.240.170:81/dap-news/dap-images/2013/June/id-067/CH-0340.jpg" alt="Photo by DAP-NEWS" width="500" /></p>
<p style="text-align: right;"><span>ផ្តល់សិទ្ធិដោយ៖ ដើមអំពិល</span></p>