<div class="article-content">
<p><strong>ភ្នំពេញ៖ </strong>រដ្ឋមន្ត្រីក្រសួងព័ត៌មាន និងជាអ្នកនាំពាក្យ រាជរដ្ឋាភិបាលកម្ពុជា លោកខៀវ កញារីទ្ធ<br /> បានថ្លែងបញ្ជាក់សារជាថ្មីថា រាជរដ្ឋាភិបាល កម្ពុជាគ្មានគំរោង បិទបណ្តាញទំនាក់ទំនង សង្គម<br />ហ្វេសប៊ុកនោះទេ បើទោះបីមានអ្នកប្រើប្រាស់ មួយចំនួនជេរប្រមាថ រាជរដ្ឋាភិបាល ជាពិសេស<br />ក្នុងកំឡុង ពេលឃោសនាបោះឆ្នោតនេះ ក៏ដោយ។</p>
<p>ថ្លែងក្នុងសន្និសីទ សារព័ត៌មាន នៃការបើកសម្ពោធ ពិព័រណ៍បច្ចេកវិទ្យា ICT នៅផ្សារទំនើបស៊ីធី<br />ម៉ល កាលពីថ្ងៃទី៥ ខែកក្កដា ឆ្នាំ២០១៣ លោកខៀវ កញារីទ្ធបានថ្លែងថា«ហ្វេសប៊ុក ក៏ដូចជាអ៊ឺន<br />ធើណេតដែរ កម្ពុជាជាប្រទេស តែមួយគត់ ដែលយើងគ្មានគំរោងគ្រប់គ្រងនោះទេ ប៉ុន្តែនៅក្នុង<br />ហ្វេសប៊ុក យើងអំពាវនាវឲ្យអ្នកលេង នោះមានសីលធម៌ល្អ »។</p>
<p>លោកខៀវ កាញារីទ្ធ បានថ្លែងពីការគត់សម្គាល់ របស់ខ្លួនពាក់ព័ន្ធ នឹងការប្រើប្រាស់ ការជេរ<br />ប្រមាថ ក្នុងហ្វេសប៊ុកថា «យើងឃើញថានៅក្នុងឱកាសនៃ យុទ្ធនាការឃោសនា បោះឆ្នោតនេះ<br /> មានការជេរគ្នាយ៉ាងច្រើន នៅក្នុងហ្វេសប៊ុក ប៉ុន្តែអ្នកប្រើហ្វេសប៊ុក ដទៃទៀតគាត់ បានបញ្ចេញ<br />មតិ ដោយបាននិយាយ រិះគន់អ្នកបញ្ចេញ សំដីជេរគេ អីចឹងខ្ញុំមាន ការចុះថយច្រើនដែរ ហើយ<br />មានតិចជាងមុន»។</p>
<p>លោកខៀវ កញារីទ្ធ បានបញ្ជាក់ថា រាជរដ្ឋាភិបាលគ្មានគំរោងគ្រប់គ្រងហ្វេសប៊ុកទេ ហើយរាជ<br />រដ្ឋាភិបាល ក៏គ្មានមនុស្សគ្រប់គ្រាន់ក្នុងការងារលើបញ្ហានេះដែរ។ បណ្តាញទំនាក់ទំនងសង្គម<br />ហ្វេសប៊ុក បានក្លាយជាបណ្តាញទំនាក់ទំនងសង្គមមួយ ដែលទទួលបានការពេញនិយមជាងគេ<br />ក្នុងព្រះរាជាណាចក្រកម្ពុជា ដោយភាគច្រើននៃអ្នកប្រើប្រាស់ជាក្រុមយុវវ័យ។</p>
<p>អ្វីដែលគួរឲ្យគត់សម្គាល់ ក្នុងអំឡុងពេលនៃយុទ្ធនា ការបោះឆ្នោតជ្រើសតាំង តំណាងរាស្ត្រនិតិ<br />កាល ទី៥ របស់ប្រទេសកម្ពុជានេះ គេឃើញអ្នកលេង ហ្វេសប៊ុក បង្ហោះរូបភាព នៃគណបក្ស <br />ដែលខ្លួនគាំទ្រ រួមទាំងមានការកាត់តរូបភាព ជេរប្រមាណគ្នា ពេញហ្វេសប៊ុកទៀតផង ដែល<br />ទង្វើបែបនេះ វាហាក់ដូចជាបង្ហាញពី ភាពក្មេងខ្ចីខាង នយោបាយ និងខ្វះខាតនូវសីលធម៌។</p>
<p>សូមជម្រាបថា យោងតាមទិន្នន័យ របស់ក្រសួងប្រៃសណីយ៍ និងទូរគមនាគមន៍ បានឲ្យដឹងថា<br /> នៅឆ្នាំ២០១២ អ្នកប្រើបា្រស់ អ៊ីនធឺណែតនៅកម្ពុជា មានចំនួន ជាង២,៧លាននាក់ កើនឡើងខ្លាំង<br /> ជាងឆ្នាំ២០១១ ដោយមានតែ ១,៦លាននាក់ប៉ុណ្ណោះ ។ សម្រាប់ឆ្នាំ ២០១២ កន្លងទៅក្រុមហ៊ុន <br />ផ្តល់សេវាអ៊ីនធឺណេត មានចំនួន ២៧ក្រុមហ៊ុន ក្នុង២០ក្រុមហ៊ុន ដំណើការ ហើយ៧ ក្រុមហ៊ុន <br />ហាក់គ្មានដំណើរការ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-099/v_0136.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-099/v_0137.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-099/v_0138.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>