<p><span style="color: #000000;">កាលពីម្សិលមិញសាលាដំបូងរាជធានីភ្នំពេញបានថ្កោលទោសបុរសម្នាក់ឱ្យជាប់ពន្ធធនាគារ ៥ឆ្នាំ និងពិន័យជាប្រាក់ប្រហែល ៥ពាន់ ដុល្លារបន្ទាប់ពីរកឃើញថាគាត់បានរំលោភផ្លូវភេទ ទៅលើកម្មកររោងចក្រកាត់ដេរអាយុ ១៥ ឆ្នាំ។</span></p>
<p><span style="color: #000000;">ចៅក្រម អ៊ុក សុវណ្ណារិទ្ធិ បានកំណត់អត្តសញ្ញាណបុរសម្នាក់នោះថាជា កម្មករលាងរថយន្តអាយុ ៤១ ឆ្នាំឈ្មោះ ចូច ទ្រី ដែលរស់នៅក្នុង ខណ្ឌមានជ័យ។</span></p>
<p><span style="color: #000000;">លោកចៅក្រម សុវណ្ណារិទ្ធិ បានមានប្រសាសន៍ថាឈ្មោះ ទ្រី ត្រូវបានចាប់ខ្លួនកាលពី ខែសីហា ឆ្នាំមុន នៅផ្ទះជនជាប់ចោទនៅ ឃុំទំនោរ មុនពេលលោកត្រូវបានចោទប្រកាន់ពីបទរំលោភសេពសន្ថវៈ។ ឈ្មោះ ទ្រី បានបញ្ចុះបញ្ចូលជនរងគ្រោះឲ្យមើលទូរទស្សន៍ជាមួយខ្លួនខណៈដែលភរិយា និងកូន ៗ របស់គាត់មិននៅផ្ទះ។ ជនរងគ្រោះបានចូលទៅក្នុងផ្ទះរបស់គាត់ហើយ គាត់បានបិទទ្វារ បន្ទាប់មក គាត់បានចាប់នាងហើយបានសង្កត់លើខ្លួននាង។</span></p>
<p><span style="color: #000000;"><a class="thickbox" title="" href="/FileManager/Commons/2019/4/4/1-04-04-2019--10-25-25.PNG"><img src="/FileManager/Articles/mce/2019/4/4/1-04-04-2019--10-25-25.PNG" alt="" /></a><br /></span></p>
<p><span style="color: #000000;">លោកចៅក្រម សុវណ្ណារិទ្ធ បានបន្ថែមថា «បន្ទាប់ពីការចាប់រំលោភ គាត់បានគំរាមកំហែងជនរងគ្រោះថា ប្រសិនបើហ៊ានប្រាប់នរណាម្នាក់នោះ នាងនឹងត្រូវស្លាប់” ។</span></p>
<p><span style="color: #000000;">ជនរងគ្រោះមិនបានប្រាប់ឪពុកម្តាយរបស់នាងអំពីបទល្មើសនេះទេ ទោះជាយ៉ាងណាម្ដាយរបស់នាងបានឆ្ងល់ ដោយសារតែជនរងគ្រោះមិនបានចេញពីបន្ទប់។</span></p>
<p><span style="color: #000000;">នៅពេលសួរកូនស្រីរបស់គាត់ ជនរងគ្រោះបានប្រាប់គាត់ពីអ្វីដែលបានកើតឡើងជាមួយ លោក ទ្រី។</span></p>
<p><span style="color: #000000;">បន្ទាប់ពីចាប់ខ្លួន លោក ទ្រី គាត់បានសារភាពថាពិតជាបានប្រព្រឹត្តបទល្មើសនេះមែន។ គាត់បាននិយាយថាគាត់ស្រឡាញ់ជនរងគ្រោះហើយចង់រួមភេទជាមួយនាង។</span></p>
<p><span style="color: #000000;">”នាងជាស្រីស្អាត។ ខ្ញុំស្រឡាញ់នាង។ ខ្ញុំចង់រួមភេទជាមួយនាង” ៕</span></p>
<p><span style="color: #000000;"><a class="c_tab" href="https://www.khmertimeskh.com/" target="_blank"><img src="/FileManager/Articles/mce/2019/4/4/khmertime-04-04-2019--09-45-19.png" alt="" /></a><br /></span></p>
<div style="text-align: right;"><span style="color: #000000;">ប្រភព ៖ khmertimes </span></div>