<p><span style="color: #000000;"><strong>(វិទ្យាសាស្រ្ត)៖</strong> យានអវកាសគោចរជុំវិញភពអង្គាររបស់ ទីភ្នាក់ងារអវកាស NASA បានប្រទះឃើញថា យានរុករកភពអង្គារ ExoMars Rover របស់ទីភ្នាក់ងារអវកាសអឺរ៉ុបESA បានផ្ទុះឆេះខ្ទេចបាត់ទៅហើយ ដោយការបុកទង្គិចពេញទំហឹងជាមួយនឹងផ្ទៃដីរបស់ភពអង្គារ នៅវាព្យាយាមចុះចត។ នេះបើយោងតាម ប្រភពព័ត៌មានវិទ្យាសាស្រ្ត Space ចេញផ្សាយនៅរសៀលថ្ងៃច័ន្ទ ទី២៤ ខែតុលា ឆ្នាំ២០១៦។</span></p>
<p><span style="color: #000000;">យានដែលកំពុងគោចររបស់ភ្នាក់ងារអវកាសណាសា (MRO) នៅភពអង្គារ បានចាប់បានរូបភាពឲ្យឃើញថា យានអវកាសដើម្បីបំពេញបេសកកម្មសិក្សាស្រាវជ្រាវអំពីភពអង្គារ ExoMars ឬ Schiaparelli បានដាច់ សញ្ញាទំនាក់ទំនងជាមួយនឹង ក្រុមអ្នកវិទ្យាសាស្រ្តនៅភពផែនដី ក្រោយពីវាបានធ្វើការចុះចតនៅលើផ្ទៃដី របស់ភពអង្គារបានមិនដល់មួយនាទីកាលពីព្រឹកថ្ងៃពុធ សប្តាហ៍មុននេះ។</span></p>
<p><span style="color: #000000;">ជាមួយគ្នាដែរ ភ្នាក់ងារអវកាសណាសាបានបញ្ជាក់ឲ្យដឹងទៀតថា ការផ្តាច់សញ្ញាទំនាក់ទំនងជាមួយនឹង ក្រុមអ្នកវិទ្យាសាស្រ្តនៅភពផែនដីរបស់យានអវកាស Schiaparelli បណ្តាលមកពីយានត្រូវបានផ្ទុះឆេះ និងខូចខាតទាំងស្រុង ដោយការបុកជាមួយនឹងផ្ទៃដីរបស់ភពក្រហមនោះតែម្តង។</span></p>
<p><span style="color: #000000;">ដោយឡែក ភ្នាក់ងារអកាសអឺរ៉ុប ក៏បានបង្ហាញជាផ្លូវការដែរថា យានអវកាស Schiaparelli បានធ្លាក់ក្នុងរយៈកំពស់០៤គីឡូម៉ែត្រពីគោចររបស់ភពអង្គារក្នុងល្បឿន ៣០០គីឡូម៉ែត្រក្នុងមួយម៉ោង ដែលជាល្បឿនដ៏លឿនមួយគួរឲ្យរន្ធត់។ </span></p>
<p><span style="color: #000000;">គួរបញ្ជាក់ដែរថាយានអវកាស Schiaparelli តម្លៃ ១.៥ រយពាន់លាន ត្រូវបានបង្ហោះឡើងទៅក្នុង លំហអាកាសក្នុងគោលដៅឆ្ពោះទៅកាន់ភពអង្គារ ដើម្បីបំពេញបេសកកម្មសិក្សាស្រាវជ្រាវរបស់ទីភ្នាក់ងារ អវកាសអឺរ៉ុប ESA ថែមទាំងត្រូវបានចូលរួមសហការដោយ ទីភ្នាក់ងារអវកាសយោធារុស្ស៊ី ដែលមានគំរោងបញ្ចប់បេសកកម្មនៅក្នុងឆ្នាំ ២០២០៕</span></p>
<p><img src="http://beta.spaceflightnow.com/wp-content/uploads/2014/10/Exomars_Rover_201403_orig.jpg" alt="" width="730" /></p>
<p><img src="http://www.space.com/images/i/000/059/362/original/schiaparelli-crash-site-after.jpg?interpolation=lanczos-none&downsize=696" alt="" width="730" /></p>
<p style="text-align: right;"><span style="color: #000000;">ប្រភព៖ Space </span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>