<p><span style="color: #000000;"><strong>(ភ្នំពេញ)៖</strong> កម្មវិធី «CAMBODIAN IDOL» រដូវកាលទី២ បានឈានចូលដល់វគ្គផ្ដាច់ព្រ័ត្រហើយ (FINAL) នៅថ្ងៃទី២៥ ខែធ្នូ ឆ្នាំ២០១៦ខាងមុខនេះ ខណៈដែលបេក្ខជន-បេក្ខនារី ចុងក្រោយមានចំនួន៣នាក់ នឹងធ្វើការប្រកួតប្រជែងយ៉ាងស្វិតស្វាញ ក្នុងកម្មវិធីលំដាប់ពិភពលោក ដែលទទួលបានការគាំទ្រយ៉ាងខ្លាំងក្លា ពីសំណាក់ទស្សនិកជន តាំងពីវគ្គដំបូងមក។</span></p>
<p><span style="color: #000000;">បេក្ខជន-បេក្ខនារី ដែលមានវាសនា និងសមត្ថភាពល្អឥតខ្ចោះ ចំនួន៣រូប ត្រូវប្រកួតប្រជែង មានដូចជា កញ្ញា ហ៊ិន លីដា ,លោក នួន សុធារ័ក្ស និងកញ្ញា ឈិន ម៉ានិច្ច នឹងត្រូវបានដឹងពីជោគវាសនា របស់ខ្លួន នៅរាត្រី ថ្ងៃទី២៥ ខែធ្នូនេះ ក្រោមការបោះឆ្នោតពីសំណាក់អ្នកគាំទ្រ ទៅលើទេពកោសល្យ និងសមត្ថភាពដែលខ្លួនត្រូវបញ្ចេញ ក្នុងវគ្គផ្ដាច់ព្រ័ត្រ។</span></p>
<p><span style="color: #000000;">សូមចូលរួមទស្សនា និងផ្ដល់ជាកម្លាំងចិត្ត ដល់បេក្ខជន-បេក្ខនារី ទាំង៣រូបខាងលើ ក្នុងកម្មវិធីប្រឡងចម្រៀងលំដាប់ថ្នាក់ពិភពលោក «CAMBODIAN IDOL» រដូវកាលទី២ វគ្គផ្តាច់ព្រ័ត្រ ឲ្យបានច្រើនកុះករ ដើម្បីលើកស្ទួយវិស័យសិល្បៈខ្មែរ ឲ្យកាន់តែរីកចម្រើន និងបានរកឃើញអ្នកដែលមានសមត្ថភាព ពិតប្រាកដ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/12/22/14b-22-12-2016--15-00-05.jpg"><img src="/FileManager/Articles/mce/2016/12/22/14b-22-12-2016--15-00-05.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>