<div class="article-content">
<p><strong>កោះកុង៖</strong> ក្រោយពីទទួលបានព័ត៌មានដ៏រន្ធត់ ពីបញ្ហាក្មេងស្រីរងគ្រោះថ្នាក់ ដោយសារជាន់មីនស្គរ ពេលទៅបេះផ្លែម៉ាក់ប្រាំង បណ្តាលឲ្យដាច់ជើងទាំងពីរ នៅវេលាម៉ោង ២និង៤នាទី រសៀលថ្ងៃទី៩ ខែមេសា ឆ្នាំ២០១៤ ដែលស្ថិតនៅចំណុច ២០៥ នៃ ប៉ុស្តិ៍ប្រចាំការនគរបាល ការពារព្រំដែនគោកលេខ ៨២៧ ស្ថិតនៅភូមិចាំយាម ស្រុកមណ្ឌលសីមា ខេត្តកោះកុង ក្មេងស្រី រងគ្រោះមានឈ្មោះ ហ្វើ ស៊ីម៉ះ អាយុ ១៤ឆ្នាំ មានទីលំនៅភូមិឃុំកើតហេតុខាងលើ។</p>
<p>ក្មេងស្រីទទួលការឧបត្ថម្ភ ពីលោក ប៊ុន លើត អភិបាលខេត្ត នៃគណៈអភិបាលខេត្ត ចំនួន ១០០ដុល្លារ , លោកស្រី ឈូង ចាលិក ប្រធានក្រុមស្រី្តមេផ្ទះចំនួន ១០០ដុល្លារ សប្បុរសជនពីលោកស្រី សុខ គីមឡេង ចំនួន ១០ម៉ឺនរៀល, លោកស្រី ណុប ដាលីន ចំនួន ១០ម៉ឺនរៀល។</p>
<p>ម្តាយក្មេងស្រីរងគ្រោះ បានធ្វើការបួងសួងទាំងទឹកភ្នែក សូមឲ្យសប្បុរសជន ជួយគ្រួសារគាត់ផង ពីព្រោះគ្រួសារគាត់ មានជីវភាពក្រីក្រខ្លាំងណាស់ ដោយប្តីរបស់គាត់ជាកម្មករវាយថ្ម និងធ្វើសំណង់ រកព្រឹកខ្វះល្ងាច ចំណែករូបគាត់ជា កម្មការិនីកាត់ដេរ នៅខេត្តកោះកុង តែពេលនេះគាត់កំពុងទ័លច្រកហើយ ពីព្រោះអត់មានថវិកាជួយមើលកូន ដែលត្រូវ ពិការជើងដោយសារគ្រាប់មីននេះអស់មួយជីវិតទៀត ហើយត្រូវការដេកសម្រាកនៅមន្ទីរពេទ្យ តើកូនគាត់ប៉ុន្មាននាក់ទៀត ទៅជាយ៉ាងណា ហេតុនេះអ្នកស្រីសូមឲ្យសប្បុសជនជួយគ្រួសារគាត់ផង៕</p>
<p style="text-align: center;"><img src="http://image.dap-news.com:81/dap-news/dap-images/2014/April/id-014/that-0271.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/April/id-014/that-0272.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/April/id-014/that-0270.jpg" alt="Photo by DAP-News" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>