<p><strong>កំពង់ចាមៈ</strong> យុវជន ២ នាក់ បានរងរបួសធ្ងន់ ដោយបើកម៉ូតូ ក្នុងស្ថានភាពស្រវឹងស្រា រេ<br />ចង្កូត ទៅបុកបង្គោល សុវត្ថិភាព នៅវេលាម៉ោង ១១ និង ៣០ នាទីយប់ ថ្ងៃទី១៨ ខែមីនា<br /> នេះ នៅតាមបណ្តោយផ្លូវ ជាតិលេខ ៧ ស្ថិតនៅព្រំប្រទល់ ឃុំទន្លេបិទ និង ឃុំជីរោទី២<br /> ស្រុកត្បូងឃ្មុំ ខេត្តកំពង់ចាម ។</p>
<p>លោក គង់ សីហុង នាយប៉ុស្តិ៍ នគរបាល ឃុំជីរោទី២ ដែលចុះដល់កន្លែង កើតហេតុ បាន<br />ប្រាប់ឲ្យដឹងថា ជនរងគ្រោះ ជាយុវជន ពីរនាក់ បានបើកម៉ូតូ មួយគ្រឿង ម៉ាកវេវ ពណ៌<br />ក្រហម ចេញពីទិសខាងលិច ទៅកើត (ពីខាងស្ពានគីហ្សូណា ទៅស្រុកត្បូងឃ្មុំ) លុះដល់<br />ចំណុច កើតហេតុអ្នកបើកបរ បានបើកម៉ូតូរេចង្កូត ទៅបុកចំ បង្គោលសុវត្ថិភាពមួយ យ៉ាង<br />ពេញទំហឹង បណ្តាលឲ្យម៉ូតូខូចខាត ស្ទើរទាំងស្រុង រីឯ យុវជន ២ នាក់ ដែលជិះម៉ូតូនោះ<br /> បានខ្ទាតផ្លោងចូលទៅព្រៃរបោះ ក្បែរចិញ្ចើមផ្លូវ រងរបួសជាទម្ងន់ទាំងពីរនាក់ ។</p>
<p>លោក នាយប៉ុស្តិ៍ បានបន្តថា ក្រោយហេតុការណ៍ សមត្ថកិច្ច បានជួយអន្តរាគមន៍ ភ្លាមៗ <br />ហៅរថយន្តសាមុយ របស់គ្លីនិក ១១៥ ដឹកយកទៅ សង្គ្រោះ ចំណែកម៉ូតូ សមត្ថកិច្ច ដឹក<br />យកទៅរក្សាទុក នៅប៉ុស្តិ៍រដ្ឋបាលឃុំជីរោទី២ ។</p>
<p>លោកនាយប៉ុស្តិ៍ បានឲ្យដឹងទៀតថា ជនរងគ្រោះទាំង ២ នាក់ ទី១ ឈ្មោះ ឡុង ផល្លា <br />ភេទប្រុស អាយុ ២៣ ឆ្នាំ ជាអ្នកបើកម៉ូតូ ទី២ ឈ្មោះ ម៉ុល ភេទប្រុស អាយុ ២៣ ឆ្នាំ ដែរ<br /> ហើយអ្នកទាំងពីរនេះ មានមុខរបរ ជាជាងមាស នៅផ្សារសួង សង្កាត់សួង ក្រុងសួង ខេត្ត<br />កំពង់ចាម។</p>
<p>ប្រភពពីកន្លែងកើតហេតុ បានឲ្យដឹងផងដែរថា ជនរងគ្រោះទាំងពីរនាក់ មិនមានពាក់មួក<br />សុវត្ថិភាពនោះទេ ហើយការបង្កឲ្យគ្រោះថ្នាក់ នោះ គឺបណ្តាលមកពីជន រងគ្រោះ បើកបរ<br />ក្នុងស្ថានភាពស្រវឹងស្រា រហូតដល់បាត់បង់ស្មារតី បញ្ជាម៉ូតូលែងបាន ៕</p>
<p><a class="thickbox" title="" href="/FileManager/Commons/2013/3/19/22-19-03-2013--12-01-25.jpg"><img src="/FileManager/Articles/mce/2013/3/19/22-19-03-2013--12-01-25.jpg" alt="" width="456" height="239" /></a></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>