<p><span style="color: #000000;">ប្រហែលជាកិច្ចខិតខំប្រឹងប្រែងដែល Google បានចំណាយទៅលើការផ្សាយពាណិជ្ចកម្ម ផលិតផលថ្មីរបស់ខ្លួន មានប្រសិទ្ធភាព ហើយជាលទ្ធផលបរិមាណលក់ចេញស្មាតហ្វូន Pixel គឺបានលើសកម្រិត នៃការរំពឹងទុករបស់ Google។ ម៉ូដែលទាំងពីររបស់ Pixel សុទ្ធតែលក់អស់ស្តុកទាំងអស់ ទាំងនៅលើ Google Store និងនៅខាងក្រុមហ៊ុនប្រព័ន្ធទូរស័ព្ទចល័ត Verizon។</span></p>
<p><span style="color: #000000;"><a class="thickbox" title="" href="http://camnews.com.kh/FileManager/Commons/2016/10/18/1582881-18-10-2016--10-39-55.jpg"><img src="http://camnews.com.kh/FileManager/Articles/mce/2016/10/18/1582881-18-10-2016--10-39-55.jpg" alt="" /></a><br /></span></p>
<p><span style="color: #000000;">តាមប្រភពពី AndroidAuthority បានឲ្យដឹងថា មានរឿងមួយដែលអ្នកណាក៏អាចស្មានដឹងបាន នោះគឺ ម៉ូដែល Pixel ពណ៌ខៀវពិសេស គឺជាម៉ូដែលដែលលក់ដាច់ជាងគេបំផុត ហើយត្រូវបានក្រុមហ៊ុន ប្រកាសអស់ស្តុក តាំងពីចុងសប្តាហ៍មុនមកម្ល៉េះ។ ប៉ុន្តែមកដល់ពីនេះ សូម្បីបណ្តាស្មាតហ្វូន Pixel ម៉ូដែលពណ៌ខ្មៅ និងស ក៏ត្រូវបានក្រុមហ៊ុនពន្យារពេលលក់ ដល់ទៅ ៤ ឬ ៥សប្តាហ៍ទៀត។ កត្តានេះ អាចឆ្លុះបញ្ជាក់បានថា ម៉ូដែលមានទំហំអេក្រង់ធំជាង Pixel XL ក៏បានលក់អស់ពីស្តុកដែរ។</span></p>
<p><span style="color: #000000;">សញ្ញាខាងលើនេះ យើងអាចនិយាយបានថា ប្រហែលជាស្មាតហ្វូន Pixel កំពុងក្លាយជាឈ្មោះស្មាតហ្វូន ដែលត្រូវបានអ្នកប្រើប្រាស់រំលឹកដល់ច្រើនជាងគេ បន្ទាប់ពីការបញ្ឈប់ផលិត និងប្រមូលចូល វិញ Galaxy Note 7។ ជាក់ស្តែង Google ក៏បានសង្កេតឃើញរឿងនេះ ហើយក្រុមហ៊ុននឹងបន្ថែម ប្រភព ផ្គត់ផ្គង់ថែមទៀត ដើម្បីផលិតឲ្យទាន់តម្រូវការរបស់អ្នកប្រើប្រាស់ នៅក្នុងរដូវវិស្សមកាល ចុងឆ្នាំនេះ៕</span></p>
<p><span style="color: #000000;"><a href="/News/Detail/43154/iphone-7-will-display-a-virtual-home-button-if-the-physical-home-button-broken"><span style="color: #0000ff;"><em>- iPhone 7 នឹងបង្ហាញចេញប៊ូតុង Home សិប្បនិម្មិត នៅលើអេក្រង់ បើសិនប៊ូតុង Home ពិតរបស់វា ខូចមិនដំណើរការ</em></span></a><br /></span></p>
<p> </p>
<p style="text-align: right;"><em>ប្រែសម្រួល៖ មង្គល</em><br /><em> ប្រភព៖ AndroidAuthority, vreview</em></p>