<div class="article-content">
<p><strong>ភ្នំពេញ ៖</strong> ស្ថានីយប្រេងឥន្ធនៈ LHR ដែលមានទីតាំង ស្ថិតនៅខាង ត្បូងសាលា សង្កាត់ភ្នំពេញថ្មី<br /> តាម បណ្ដោយផ្លូវហាណូយ សង្កាត់ភ្នំពេញថ្មី ខណ្ឌសែនសុខ បណ្ដាលឱ្យ បុរសមេការម្នាក់ ដែល<br />បម្រើការងារ នៅស្ថា នីយប្រេងមួយនេះ រលាកលើដងខ្លួន ប៉ុន្ដែ អគ្គិភ័យខាងលើត្រូវបានអាជ្ញាធរ<br />និងកម្លាំង សមត្ថកិច្ចពន្លត់អគ្គិភ័យ ជួយអន្ដរាគមន៍ទាន់ពេលវេលា ហើយក៏រលត់ទៅវិញ ក្នុងរយៈ<br /> ពេលខ្លី មិនបណ្ដាលឱ្យមានការរីករាលដាលកាន់តែខ្លាំងនិងទៅកាន់ផ្ទះប្រជាពលរដ្ឋនៅក្បែរខាង<br />នោះឡើយ។</p>
<p>យោងតាមសេចក្ដីរាយការណ៍ពីកន្លែង កើតហេតុបានឱ្យដឹងថា នៅវេលាម៉ោង ប្រមាណ៨និង៣០<br /> នាទី ព្រឹកថ្ងៃទី១២ ខែកក្កដា ឆ្នាំ២០១៣ ស្រាប់តែគេឃើញផ្សែងហុយ ចេញពីស្ថានីយប្រេងឥន្ធនៈ<br />ខាងលើ បង្កឱ្យ មានការភ្ញាក់ផ្អើល រួចហើយក៏ទាក់ទងទៅ សមត្ថកិច្ចនិងអាជ្ញាធរ ព្រមទាំងកម្លាំង<br />នគរបាលពន្លត់ អគ្គិភ័យបញ្ជូនរថយន្ដមកជួយអន្ដរាគមន៍ ប៉ុន្ដែភ្លាមៗនោះដែរ ខាងបុគ្គលិករបស់<br />ស្ថានីយប្រេង បាន យកបំពង់ពន្លត់អគ្គិ ភ័យបាញ់ពន្លត់ ការពារមិនឱ្យឆេះកាន់តែ ខ្លាំងឡើង ។</p>
<p>សេចក្ដីរាយការណ៍ ពីកន្លែងកើតហេតុ បានបន្ដថា ក្រោយពីមានការ បាញ់ពន្លត់ពី សំណាក់ក្រុម<br />បុគ្គលិក និងកម្លាំងសមត្ថកិច្ច ពន្លត់អគ្គិភ័យរួចមក ភ្លើងបានចាប់ផ្ដើមថម ថយបន្ដិចម្ដងៗ រហូត<br />ដល់រលត់ទាំងស្រុង មិនធ្វើឱ្យរីករាលដាលទៅកាន់លំនៅឋានរបស់ប្រជាពលរដ្ឋនៅក្បែរខាងនោះ<br />ឡើយ។</p>
<p>សម្រាប់គ្រោះអគ្គិភ័យខាងលើនេះ ត្រូវ បានប្រជាពលរដ្ឋដាក់ការសង្ស័យទៅលើ កន្លែងផ្សារដែក<br />មួយ កន្លែង ដែលមានទីតាំង នៅក្បែរនោះ ហើយទីតាំងផ្សារដែកខាងលើ នេះ ត្រូវបានទទួលរង<br />ការ ស្ដីបន្ទោស ទៅដល់ អាជ្ញាធរនិងសមត្ថកិច្ចមូលដ្ឋាន ដែលអនុញ្ញាត ឱ្យមានការបើកអាជីវកម្ម<br />ផ្សារ ដែកនៅក្បែរ ស្ថានីយប្រេង ដូច្នេះចំពោះករណីនេះ ជាសារ មួយឱ្យអាជ្ញាធរខណ្ឌសែនសុខ<br /> ក៏ដូចជាខណ្ឌ ផ្សេងទៀត ជួយត្រួតពិនិត្យមើលពីបញ្ហា នេះផង។</p>
<p>យោងតាមប្រភពព័ត៌មានពីសមត្ថកិច្ចមូលដ្ឋានបានឱ្យដឹងថា បុរសមេការដែលរងរបួសឆេះរលាក<br />លើ ដងខ្លួននោះ មានឈ្មោះ ប៊ុនលី ប៊ុននី អាយុ៣៤ឆ្នាំ។</p>
<p>យ៉ាងណាក៏ដោយ មិនទាន់មានការបញ្ជាក់ ពីទំហំនៃការខូចខាតនោះទេ ចំពោះអគ្គិភ័យដែលបាន<br />ឆាបឆេះស្ថានីយប្រេងមួយនេះ៕</p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-0536.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-0537.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-0538.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-0539.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-0540.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-0541.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-0542.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-0543.jpg" alt="" width="500" /></p>
<p style="text-align: right;">ដោយ៖ ដើមអម្ពិល<br />ផ្តល់សិទ្ធិដោយ៖ ដើមអម្ពិល</p>
</div>