<p><span style="color: #000000;"><strong>(មណ្ឌលគិរី)៖</strong> តារាចម្រៀងដ៏ល្បី អ្នកនាង ហ៊ឹម សុភី និងក្រុមតន្រ្តី ក្នុងនោះមានលោក ចេវ លោក ចៅ ពេជ្រ ជាគ្រូភ្លេងដ៏ល្បី បានជួបហេតុការអាក្រក់ ក្រឡាប់រថយន្តហាយឡែនឌ័រ ពណ៌ឈាមជ្រូក ពាក់ស្លាកលេខ ភ្នំពេញ 2R-5969 បណ្ដាលឲ្យមានអ្នករងរបួសធ្ងន់២នាក់ ត្រូវបានបញ្ជូនមកសង្គ្រោះនៅមន្ទីរពេទ្យក្រុងភ្នំពេញជាបន្ទាន់ ។</span></p>
<p><span style="color: #000000;">ហេតុការណ៍គ្រោះថ្នាក់ចរាចរ ដែលនឹកស្មានមិនដល់នេះ បានកើតឡើង នៅម៉ោងប្រមាណ ៣ រសៀលថ្ងៃព្រហស្បតិ៍ ទី១៨ ខែកុម្ភៈ ឆ្នាំ២០១៦នេះ នៅក្នុងភូមិអណ្តូងក្រឡឹង ស្រុកអូររាំង ខេត្តមណ្ឌលគិរី ខណៈដែលក្រុមតន្រ្តីទាំងនេះ ធ្វើដំណើរ ទៅប្រគំតន្រ្តីអបអរសាទរ ការឡើងកាន់តំណែង របស់អភិបាលខេត្តមណ្ឌលគិរី លោក ស្វាយ អ៊ាង ដែលទើបចូលកាន់តំណែងថ្មីៗនេះ ។</span></p>
<p><span style="color: #000000;">លោក ឆាំ កុសល ដែលជាអ្នកស្ថិតក្នុងហេតុការណ៍ គ្រោះថ្នាក់ចរាចរនោះ បានថ្លែងប្រាប់ Khmertalking ថា អ្នករងគ្រោះទាំង៦នាក់ ក្នុងនោះមានឈ្មោះ ទី១-អ្នកស្រី ហ៊ឹម សុភី (របួសធ្ងន់) អ្នកចម្រៀង ទី២-លោកគ្រូចេវ អ្នកលេងវីយូឡុង និង៣-លោកគ្រូចៅ ពេជ្រ អ្នកលេងសូឡូ ។ ជនរងគ្រោះរបួសធ្ងន់ត្រូវបានបញ្ជូនភ្លាមៗ មកសង្រ្គោះនៅរាជធានីភ្នំពេញភ្លាមៗ។</span></p>
<p><span style="color: #000000;">លោក ឆាំ កុសល បានឲ្យដឹងថា បន្ទាប់ពីមានការអញ្ជើញពីក្រុមគ្រួសារ លោកអភិបាលខេត្តមណ្ឌលគិរី ឲ្យទៅប្រគំតន្រ្តី ដើម្បីអបអរ សាទរការឡើងកាន់តំណែងនោះ ក្រុមភ្លេងរបស់លោក បានធ្វើដំណើរតាមរថយន្តហាយឡែនឌ័រ ពណ៌ក្រហមមួយគ្រឿង ចេញដំណើរពីរាជធានីភ្នំពេញ ឆ្ពោះទៅកាន់ខេត្តមណ្ឌលគិរី។ លុះដល់ចំណុចកើតហេតុ ដែលស្ថិតនៅចម្ងាយប្រមាណ ៣០គីឡូម៉ែត្រទៀត ពីទីរួមខេត្ត ក៏ជួបគ្រោះថ្នាក់ក្រឡាប់រថយន្តតែម្តង ដោយសារអ្នកបើកបរមិនស្គាល់ស្ថានភាពផ្លូវ ហើយបើកបរលឿន។</span></p>
<p><span style="color: #000000;">បើតាមលោក ឆាំ កុសល បានឲ្យដឹងថា ក្រោយពីជួបគ្រោះថ្នាក់ចរាចរ ពួកគាត់ក៏ខកខានក្នុងការប្រគំតន្រ្តី នាំភាពសប្បាយរីករាយ ចំពោះការឡើងកាន់តំណែង របស់លោកអភិបាលខេត្ត ស្វាយ អ៊ាង ហើយក៏ត្រូវត្រឡប់មកភ្នំពេញវិញ ដើម្បីសង្គ្រោះអ្នករបួសធ្ងន់ និងអ្នករបួសស្រាលផងដែរ៕</span></p>
<div class="fb-video fb_iframe_widget fb_iframe_widget_fluid_desktop" style="width: 100%;" data-allowfullscreen="1" data-href="/freshnewsasia/videos/vb.199402103564922/515544711950658/?type=3"></div>
<p style="text-align: center; margin-top: 5px;"><span style="color: #000000;"><img src="https://fbcdn-sphotos-h-a.akamaihd.net/hphotos-ak-xpl1/t31.0-8/12716276_939971176058737_134222176637946485_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpt1/t31.0-8/10005799_939971212725400_5375519112353315044_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xfp1/t31.0-8/12711173_939971172725404_4971566106698685755_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-h-a.akamaihd.net/hphotos-ak-xfl1/t31.0-8/12764752_939971179392070_6197511558470272416_o.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>