<div class="article-content">
<p><strong>ភ្នំពេញ៖</strong> ជារៀងរាល់ឆ្នាំ ថ្ងៃទិវានៃសេចក្តីស្រឡាញ់ សង្កេតឃើញថា មានយុវវ័យជាច្រើនបាន សម្តែង ក្តីពេញចិត្តជាខ្លាំងចំពោះ អ្នកពិសេសរបស់ពួកគេ ក្នុងនោះការលក់ផ្កាកុលាប មានស្ទើរតែ នៅគ្រប់ទីកន្លែងទាំងអស់។</p>
<p>អ្វីដែលជាការកត់សំគាល់ របស់សាធារណៈជនទូទៅ គឺសកម្មភាពលក់ផ្កាយ៉ាងផុសផុល នៅតាម ទីប្រជុំជនមួយចំនួន នៅក្នុងរាជធានីភ្នំពេញ ជាពិសេសនៅពេលល្ងាច ដែលជាពេលវេលាល្អ សម្រាប់ក្រុមយុវវ័យនោះ រឹតតែមានសកម្មភាពរស់រវើកទៀត ហើយនៅថ្ងៃទី១៤ ខែកុម្ភៈ ឆ្នាំ ២០១៤នេះ ក៏មិនខុសប្លែកពីបណ្តាឆ្នាំមុនៗដែរ គឺផ្កាកុលាបពណ៌ស ក្រហម លឿង និងពណ៌ផ្កា ឈូក ដាក់លក់តាមដងផ្លួវហូរហែ។</p>
<p>គេតែងតែសង្កេតឃើញថា កន្លែងលក់ផ្កាកុលាប មានស្ត្រីវ័យក្មេងមានសម្រស់ស្អាត បានអង្គុយ លក់យ៉ាងរហង់ ដើម្បីទាក់ទាញអតិថិជន ឲ្យមកទិញផ្ការបស់ខ្លួន ប៉ុន្តែចំណុចសំខាន់ ដែលត្រូវចាប់ អារម្មណ៍នោះ គឺយុវជនដែលចូលទៅទិញផ្ការួចហើយ យកផ្កានោះទៅជូនអ្នកលក់វិញ ដោយសារ តែអ្នកលក់ទាំងនោះមានភាពទាក់ទាញ។</p>
<p>ផ្កាកុលាបដែលលក់នៅថ្ងៃទី១៤ ខែកុម្ភៈ នេះ ត្រូវបានអ្នកលក់ប្រាប់ថា ១ដើមតម្លៃ១ដុល្លារ ឬក៏ ៥ពាន់រៀល។</p>
<p style="text-align: center;"><img src="http://image.dap-news.com:81/dap-news/dap-images/2014/February/id-030/Kosal-0128.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2014/February/id-030/Kosal-0129.jpg" alt="" width="550" /></p>
<p style="text-align: right;">ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/80881-2014-02-14-06-38-33.html"><span style="color: #0000ff;">ដើមអំពិល</span></a></p>
</div>