<p><strong>ភ្នំពេញ ៖</strong> ក្រុមចោរប្រដាប់ អាវុធបីនាក់ ត្រូវកម្លាំង នគរបាល ព្រហ្មទណ្ឌ ខណ្ឌដង្កោ បើកប្រតិបត្តិ<br />ការ បង្ក្រាបចាប់ខ្លួនបាន កាលពីវេលាម៉ោង ១៤និង០៥ នាទីរសៀល ថ្ងៃទី ០៩ ខែធ្នូ ឆ្នាំ២០១២<br /> នៅចំណុច ភូមិតាខ្មៅ សង្កាត់តាខ្មៅ ក្រុងខ្មៅ ខេត្តកណ្តាល ដែលពួកគេ ជាប់ពាក់ព័ន្ធ ករណីយក<br />កាំភ្លើងជ័រ វាយប្លន់យកសម្ភារៈ និងលុយពីលោកយាយម្នាក់ កាលពីល្ងាចថ្ងៃទី០៤ ខែធ្នូ ឆ្នាំ ២០១២<br /> នៅចំណុច ផ្លូវលំវាលស្រែ ភូមិព្រៃវែងខាងកើត សង្កាត់ព្រៃវែង ខណ្ឌដង្កោ ។</p>
<p> ក្រុមចោរប្លន់ប្រដាប់អាវុធ បីនាក់ខាងលើនេះទី១-ឈ្មោះ កង សាម្មីឌី ភេទប្រុស អាយុ២១ ឆ្នាំមុខ<br />របរសិស្ស ទី២-ឈ្មោះ កង ច័ន្ទធារា ភេទប្រុស អាយុ ២០ ឆ្នាំ មុខរបរសិស្ស អ្នកទាំងពីរមានទីលំនៅ<br /> ភូមិឃុំកើត ហេតុខាង លើនេះ និងទី៣-ឈ្មោះ ឈុន បញ្ញា ភេទប្រុស អាយុ ២០ ឆ្នាំមុខរបរ មិនពិត<br />ប្រាកដ មានទីលំនៅក្រុម ១៧ ផ្លូវលេខ ២៨៦ ភូមិ ៣ សង្កាត់អូឡាំពិក ខណ្ឌចំការមន ។</p>
<p>សមត្ថកិច្ចបានបញ្ជាក់ថាមុនពេល ឈានដល់ការ ឃាត់ជនសង្ស័យ ទាំងបីនាក់ ខាងលើនេះបាន <br />ដោយសារ សមត្ថកិច្ចព្រហ្មទណ្ឌ ខណ្ឌដង្កោ សហការជាមួយ និងជនរងគ្រោះ ធ្វើការស្រាវជ្រាវ<br />រហូត ទទួល ដំណឹងថា ជនសង្ស័យទាំងបីនាក់ ដែលធ្វើសកម្មភាពប្លន់ ប្រដាប់អាវុធ កាលពីថ្ងៃទី<br /> ០៤ ខែធ្នូ ឆ្នាំ២០១២ កន្លងមកនៅ សង្កាត់ព្រៃវែង ជាមនុស្សធ្លាប់ស្គាល់គ្នា ជាមួយជនរងគ្រោះ <br />ភ្លាមៗនោះ សមត្ថកិច្ចខណ្ឌដង្កោ ស្ថិតក្រោមការបញ្ជាផ្ទាល់ ពីលោកអធិការនគរបាលខណ្ឌដង្កោ<br /> បានសុំការឯកភាព ពីលោក ខៀវ ផល្លា ព្រះរាជអាជ្ញារង អមសាលាដំបូងរាជធានីភ្នំពេញ ចុះប្រតិ<br />បត្តិការ តាមចាប់ខ្លួនជន សង្ស័យឈ្មោះ កង សាម្មីឌី និងឈ្មោះ កង ច័ន្ទធារា នៅក្រុងតាខ្មៅ រហូត<br />ទៅឃាត់ខ្លួន ជនសង្ស័យម្នាក់ទៀត ឈ្មោះ ឈុន បញ្ញា នៅសង្កាត់អូឡាំពិក ខណ្ឌចំការមន ។</p>
<p>បន្ទាប់ពីឃាត់ខ្លួន ជនសង្ស័យបីនាក់ខាងលើនេះ ត្រូវបាន នាំយកមកដល់ អធិការដ្ឋាន នគរបាល<br />ខណ្ឌដង្កោ។ ជនសង្ស័យ បានឆ្លើយសារភាពថា ពួកគេពិតបានយក កាំភ្លើងជ័រ ភ្ជង់ និងវាយប្លន់<br />យកលុយ ពីលោកយាយចំណាស់ ម្នាក់នៅសង្កាត់ព្រៃវែង ពិតប្រាកដមែន ។</p>
<p>ដោយយោងទៅតាម ពាក្យបណ្តឹងជនរងគ្រោះ និងចម្លើយសារភាព របស់ក្រុមជនសង្ស័យ រួមជា<br />មួយនឹងវត្ថុតាងខាងលើនេះ សមត្ថកិច្ចខណ្ឌដង្កោបាន កសាងសំណុំរឿងបញ្ជូនខ្លួន ពួកគេទៅតុ<br />លាការ ដើម្បីផ្តន្ទាទោសតាម នីតិវិធីច្បាប់។</p>
<p>សូមបញ្ជាក់ថា ជនល្មើស២នាក់ ស្លៀកពាក់ ជាសិស្សសាលា បានប្រើកាំភ្លើងជ័រភ្ជង់ប្លន់ស្រ្តីម្នាក់<br />យកកាបូបលុយបាន សម្រេច ហើយគេចខ្លួនបាត់ដោយ សុវត្ថិភាពនៅសង្កាត់ព្រៃវែង ខណ្ឌដង្កោ <br />នាវេលាម៉ោង ៦ល្ងាចថ្ងៃអង្គារ ទី០៤ ខែធ្នូ ឆ្នាំ២០១២។</p>
<p>យោងតាមប្រភពពីសាក្សីដែលបានឃើញហេតុការណ៍បានឲ្យដឹងថា នៅមុនពេលកើតហេតុគេ<br />ឃើញស្រ្តីជាជន រងគ្រោះ និងចៅប្រុសម្នាក់ ក្នុងទិសដៅចូលមក រាជធានីភ្នំពេញ លុះដល់ចំណុច<br />កើតហេតុស្រាប់តែក្រុមជន សង្ស័យ ដែលមានគ្នាពីរនាក់ ស្លៀកពាក់ជាសិស្សសាលា ជិះម៉ូតូស្មាស់<br />បិតស្កុតពណ៌ខ្មៅ បានជិះម៉ូតូទៅកៀរម៉ូតូ ជនរងគ្រោះហើយភ្ជង់គំរាមទារកាបូបលុយ។ ពេលនោះ<br />ស្រ្តីរងគ្រោះមិនព្រមឲ្យកាបូបលុយជនសង្ស័យនោះទេ ក្រោយពេលគំរាមមិន បានដូច្នោះ ជនសង្ស័យ<br />បានយកកាំភ្លើងជ័រវាយក្បាលស្រ្តីរងគ្រោះ បណ្តាលឲ្យបែកកាំភ្លើង ។ ពេលដឹងថា កាំភ្លើងដែលជន<br />សង្ស័យប្រើជាកាំភ្លើងជ័រ ចៅប្រុសស្ត្រីរងគ្រោះក៏ស្ទុះទៅប្រតាយប្រតប់គ្នាជាមួយ ជនសង្ស័យ តែត្រូវ<br />ជនសង្ស័យឆក់យកកាបូបពីស្រ្តីរងគ្រោះបាន ហើយស្ទុះឡើងម៉ូតូជិះគេចខ្លួនបាត់។</p>
<p>បើយោងតាមស្រ្តីរងគ្រោះ សឿង គឹមសង អាយុ ៥៩ឆ្នាំ បានប្រាប់សមត្ថកិច្ចឲ្យដឹងថា នៅមុនពេល<br />កើតហេតុ រូបគាត់និងចៅប្រុស ឈ្មោះ រឿង សារ័ត្ន អាយុ ១៨ឆ្នាំ ជិះម៉ូតូមកពីលេងបងប្អូននៅក្រុងតា<br />ខ្មៅ ពេលជិះមកដល់ ចំណុចកើតហេតុ ក៏ជួបនិងក្រុមជនសង្ស័យវាយប្លន់យកកាបូបលុយរបស់គាត់<br />តែម្តង។</p>
<p>ស្រ្តីរងគ្រោះបន្តថា ក្នុងកាបូបដែលជនសង្ស័យឆក់យកទៅនោះ មានលុយដុល្លារ ៥០ដុល្លារ លុយខ្មែរ<br /> ៨ម៉ឺន រៀល ទូរស័ព្ទមួយគ្រឿង និងប្លង់ដីមួយ។</p>
<p>សូមបញ្ជាក់ថា នៅក្នុងប្រតិបត្តិការដ៏ក្តៅគគុកភ្លាមៗនោះ កម្លាំងកងរាជអាវុធខណ្ឌដង្កោ បានចាប់ក្មេង<br />ប្រុសម្នាក់ផងដែរ ដោយសង្ស័យថា ជាមុខសញ្ញាជនសង្ស័យ តែក្រោយយកមកដល់ទីបញ្ជាការដ្ឋាន<br />ខណ្ឌ ទើបជនរងគ្រោះបញ្ជាក់ថា មិនមែនជាជនសង្ស័យ ក៏ដោះលែងទៅវិញទៅ៕</p>
<p style="text-align: center;"><a class="thickbox" title="" href="/FileManager/Commons/2012/12/10/nak-167-10-12-2012--14-42-03.jpg"><img src="/FileManager/Articles/mce/2012/12/10/nak-167-10-12-2012--14-42-03.jpg" alt="" /></a></p>
<p style="text-align: center;"><a class="thickbox" title="" href="/FileManager/Commons/2012/12/10/nak-166-10-12-2012--14-41-40.jpg"><img src="/FileManager/Articles/mce/2012/12/10/nak-166-10-12-2012--14-41-40.jpg" alt="" /></a></p>
<p style="text-align: center;"><a class="thickbox" title="" href="/FileManager/Commons/2012/12/10/s-018-10-12-2012--14-42-28.jpg"><img src="/FileManager/Articles/mce/2012/12/10/s-018-10-12-2012--14-42-28.jpg" alt="" /></a></p>
<p style="text-align: center;"><a class="thickbox" title="" href="/FileManager/Commons/2012/12/10/s-019-10-12-2012--14-42-53.jpg"><img src="/FileManager/Articles/mce/2012/12/10/s-019-10-12-2012--14-42-53.jpg" alt="" /></a></p>
<p style="text-align: center;"><a class="thickbox" title="" href="/FileManager/Commons/2012/12/10/s-020-10-12-2012--14-43-13.jpg"><img src="/FileManager/Articles/mce/2012/12/10/s-020-10-12-2012--14-43-13.jpg" alt="" /></a></p>
<p style="text-align: center;"><span style="color: #0000ff;">ក្មេងប្រុសជិះម៉ូតូខាងក្រោយ ជាក្មេងប្រុសដែលមន្រ្តី អ.ហ ចាប់ច្រឡំ<br /> ពេលនាំមកទីបញ្ជាការដ្ឋានខណ្ឌ</span></p>
<p style="text-align: center;"> </p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/54045-2012-12-10-06-09-24.html"><span style="color: #0000ff;">ដើមអំពិល</span></a></p>