<p><strong>ភ្នំពេញ៖</strong> តារាចម្រៀងកំពុង សាងកេរ្តិ៍ឈ្មោះល្បី នៅក្នុងផលិតកម្ម សាន់ដេ លោក ឆាយ វិរៈយុទ្ធ<br /> បានចេញមុខបដិសេធន៍ ដោយមិនទទួលស្គាល់ page (ទំព័រ) ដែលមានឈ្មោះ Chhay Virakyuth<br /> Sunday ថា មិនមែនជាទំព័រ របស់លោកនោះទេ។</p>
<p>ការចេញមុខ មកបដិសេធន៍ ពីសំណាក់ តារាចម្រៀងរូបនេះ បានធ្វើឡើងបន្ទាប់ ពីមានបុគ្គលម្នាក់<br /> បានប្រើអត្តសញ្ញាណ ដោយបង្កើត page ដែលមានឈ្មោះ "Chhay Virakyuth Sunday" នឹងបាន<br />ប្រើប្រាស់pageមួយនេះ ធ្វើសកម្មភាពមួយ ចំនួនទាក់ទងទៅ នឹងរឿងនយោបាយ។</p>
<p>ថ្មីៗនេះ គេបានសង្កេតឃើញ នៅលើទំព័រ Facebook មួយ ដែលមានដាក់ឈ្មោះថា Chhay<br /> Virakyuth Sundayបាន សរសេរសារមួយចំនួន ពាក់ព័ន្ធនឹងរឿង នយោបាយ ។ ប៉ុន្តែត្រូវបាន<br />លោក ឆាយ វីរៈយុទ្ធ បញ្ជាក់ថា ផេកមួយនេះមិនមែន ជារបស់លោក នោះឡើយ។ ក៏សូមឲ្យ<br />ម្ចាស់ផេកមួយនេះ ឈប់ប្រើប្រាស់ឈ្មោះ របស់លោកតទៅទៀត។</p>
<p>លោក ឆាយ វីរៈយុទ្ធ បានសរសេរនៅលើទំព័រ Facebook ដែលប្រើដោយ ខ្លួនលោកផ្ទាល់ <br />ជាដំបូងថា "ជូនចំពោះម្ចាស់ទំព័រ Chhay Virakyuth Sunday...! ខ្ញុំបាទមានការជឿជាក់ថា លោក<br /> ឬ អ្នកនាង ជាបុគ្គលល្អ ហើយក៏ជាមិត្តល្អ ចំពោះប្រជាជនខ្មែរដែរ រួមទាំងរូបខ្ញុំបាទ។ ទោះជា<br />យ៉ាងក្តី ទំព័រដែល លោក ឬ អ្នកនាង បានបង្កើតនេះ មិនពិតជារបស់ខ្ញុំ ឬ ចេតនាខ្ញុំទេ ដូច្នេះវា<br />ជាអំពើមិនសមគួរ ហើយសុំ លោក ឬ អ្នកនាង បញ្ឈប់ការប្រើប្រាស់ទំព័រនេះ.." ។</p>
<p>ថ្មីៗនេះគេសង្កេតឃើញថា សម្រាប់តារាល្បីៗ ក្នុងប្រទេសកម្ពុជា គឺតែងតែទទួលរង នូវការ<br />យកឈ្មោះ មកប្រើប្រាស់ ក្នុងគេហទំព័រហ្វេសប៊ុក ពីសំណាក់ជនខិលខូច បាតសង្គមមួយចំនួន<br /> ហាក់មិនបានគិត ពីសតិអារម្មណ៍ និងក្រែងចិត្តចំពោះ ម្ចាស់ឈ្មោះពិតនោះឡើយ។ ជាក់ស្ដែង<br />ដូចជា តារាចម្រៀង ទេព បូព្រឹក្ស និងតារាសម្ដែង តារាចម្រៀងមួយចំនួនទៀត ត្រូវបានពួកគេ<br />ជន មួយក្ដាប់តូចនោះ ប្រើប្រាស់ឈ្មោះ របស់តារាទាំងនោះ ក្នុងន័យបម្រើ បក្សនយោបាយ <br />វាយប្រហារក្នុង ន័យនយោបាយ ធ្វើឲ្យម្ចាស់សាមីខ្លួន ដែលមិនបានដឹ ងសូម្បីតែបន្តិច សម្ដែង<br />ការព្រួយបារម្ភជាពន់ពេក រហូតដល់ពួកគេបាន ចេញមុខបដិសេធ ជាបន្តបន្ទាប់ ។</p>
<p>ក្រុមតារាទាំងនោះ បានទទូចស្នើសុំ ជាបន្តបន្ទាប់ដល់ អ្នកនិយមលេង ហ្វេសប៊ុក ទាំងអស់មេត្តា<br />ចេះ យល់អធ្យាស្រ័យគ្នា មានសុជីវធម៌ល្អក្នុង ការប្រើពាក្យពេជន៍សម្ដី ប្រាស្រ័យទាក់ទងគ្នា ជា<br />ពិសេសសូមកុំយក ឈ្មោះអ្នកដ៏ទៃ ទៅប្រើប្រាស់ឲ្យសោះ ព្រោះជាការបង្ខូចកេរ្តិ៍ឈ្មោះ និងបង្ក<br />ជាបញ្ហា ជាច្រើនដល់ម្ចាស់ សាមីខ្លួនផងដែរ៕</p>
<p> </p>
<p><img src="http://image.lookingtoday.com:81/lookingtoday/looking-images/news/2013/June/id-065/PISETH-0440.jpg" alt="Looking Today" width="500" /></p>
<p><img src="http://image.lookingtoday.com:81/lookingtoday/looking-images/news/2013/June/id-065/PISETH-0441.jpg" alt="Looking Today" width="500" /></p>
<p><img src="http://image.lookingtoday.com:81/lookingtoday/looking-images/news/2013/June/id-065/PISETH-0442.jpg" alt="Looking Today" width="500" /></p>
<p> </p>
<p style="text-align: right;"><br />ដោយ ៖ LookingTODAY<br />ផ្តល់សិទ្ធិដោយ ៖ ដើមអំពិល </p>