<p>ព័ត៌មានអន្តរជាតិ ៖ ព័ត៌មានរបស់សិង្ហបុរី Channel News Asia បានចេញផ្សាយកាលពីថ្ងៃទី៣០ ខែមិថុនា ឆ្នាំ ២០១៤ ថា ក្រុម ប្រឹក្សា ជាតិ ដើម្បីសន្តិភាព និងសណ្តាប់ធ្នាប់របស់ថៃ ហៅកាត់ ថា NCPO បានបើកមជ្ឈ មណ្ឌលសេវាកម្មមួយ ជួយសម្រួលដល់សណ្តាប់ធ្នាប់ទីផ្សារការងារ នៃពល ករបរទេស។</p>
<p>ការបង្កើតមជ្ឈមណ្ឌលការងារនេះ មានគោលដៅផ្តល់ភាពងាយស្រួលដល់ជនបរទេសដែលស្វែង រក ការងារធ្វើ ជួយឲ្យពួកគេទទួលបានសិទ្ធិធ្វើការក្នុងប្រទេសថៃស្របច្បាប់ ។ ជាមួយគ្នានេះដែរ NCPO សង្ឃឹមថា ការងារថ្មី នេះ អាចជួយបញ្ឈប់ការជួញដូរកម្មករបរទេស ក៏ដូចជាជួយ បញ្ឈប់ ការងារខុសច្បាប់ក្នុងប្រទេសថៃ។</p>
<p><a class="thickbox" title="" href="/FileManager/Commons/2014/7/1/20-01-07-2014--13-55-39.jpg"><img src="/FileManager/Articles/mce/2014/7/1/20-01-07-2014--13-55-39.jpg" alt="" /></a></p>
<p>មិនតែប៉ុណ្ណោះ មជ្ឈមណ្ឌលដូចគ្នាផ្សេងទៀត នឹងត្រូវបើក ដំណើរការ នៅក្នុង បណ្តាខេត្តជាប់ឆ្នេរ សមុទ្រ នាថ្ងៃទី ០៧ ខែកក្កដា ឆ្នាំ២០១៤ ។ ដោយឡែកនៅតាមបណ្តាខេត្តផ្សេងៗទៀត នឹងត្រូវ រៀប ចំ ឡើងនៅពាក់កណ្តាលខែ កក្កដាខាងមុខ។</p>
<p>សូមជំរាបថា ខេត្ត Samut Sakhon ជាខេត្តនៅភាគខាងលិចទីក្រុងបាងកក ដែលជាតំបន់មួយ ប្រ មូល ផ្តុំទៅ ដោយពលករបរទស បម្រើការងារ ផ្នែកឧស្សាហកម្ម នេសាទ ច្រើនជាងគេ នៅក្នុង ប្រ ទេស ថៃ ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ Channelnewsasia</p>