<div class="article-content">
<p><strong>ភ្នំពេញៈ</strong> បុរសម្នាក់ដែលជាជាង តបណ្តាញចរន្តអគ្គិសនី នៅផ្ទះល្វែងត្រូវបានឆក់ ចរន្តអគ្គិសនី<br /> ធ្លាក់ពីលើជាន់ ទី៣ មកដីស្លាប់ភ្លាមៗ នៅនឹងកន្លែង ហេតុការណ៍ នេះកើតឡើងកាលពីវេលាម៉ោង<br />៣ និង៤០នាទី ថ្ងៃទី០១ ខែកក្កដា ឆ្នាំ២០១៣ ស្ថិតនៅក្នុងផ្ទះមួយក្បែរ រោងចក្រកាណាឌីយ៉ា ភូមិ<br />ត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ។</p>
<p>សាក្សីនៅកន្លែងកើតហេតុបានឲ្យដឹងថា ជនរងគ្រោះពុំត្រូវបានគេស្គាល់ឈ្មោះនោះ មានអាយុប្រ-<br />ហែល៣០ឆ្នាំ មានមុខរបរ ជាជាងតណ្តាញចរន្តអគ្គិសនី ស្លាប់ភ្លាមៗនៅនឹងកន្លែង ។ រស់នៅក្នុង<br />ស្រុក កៀនស្វាយ ខេត្ត កណ្តាល។ ចំណែកឯម្ចាស់ផ្វះល្វែងនោះគ្រាន់តែដឹងថាឈ្មោះ ស៊ី សាម៉ាន់<br /> រស់នៅម្តុំ អូឡាំពិក ភ្នំពេញ រីឯអ្នក មើលការខុសត្រូវនៅផ្ទះល្វែងមានឈ្មោះ ស៊ីណា ស្នាក់ការដ្ឋាន<br />ផ្វះល្វែងតែម្តង។</p>
<p>សាក្សីបានបន្តថា ជនរងគ្រោះបានមកស៊ីឈ្នួល តបណ្តាលភ្លើងឲ្យម្ចាស់ផ្ទះល្វែងនេះអស់រយៈពេល<br />ជា ច្រើនថ្ងៃមកហើយ ប៉ុន្តែល្ងាចកើតហេតុជនរងគ្រោះ បានឡើងតបណ្តាញភ្លើងនៅជាន់ទី៣ មិន<br />ដឹងជាមាន ហេតុអ្វីនោះទេ ក៏ត្រូវចរន្តអគ្គិសនីឆក់បណ្តាលឲ្យធ្លាក់តាំងពីលើជាន់ទី៣មកដី ភ្លាមៗ<br />នោះសមត្ថ កិច្ច រួមនឹងប្រជាពលរដ្ឋបាននាំគ្នាជួយសង្គ្រោះជាបឋម ដោយសង្ស័យថា ជនរងគ្រោះ<br />មិនទាន់ស្លាប់ ក៏បានហៅ រថយន្តសង្គ្រោះរបស់អង្គភាព៧១១ កងពលតូចលេខ៧០ដឹកយកទៅ<br />សង្គ្រោះ ប៉ុន្តែជាអកុសល់ពេលរថយន្ត សង្គ្រោះ មកដល់ក្រុមសង្គ្រោះបឋមចុះពិនិត្យមើលឃើញថា<br /> ជនរងគ្រោះបានដាច់ ខ្យល់ស្លាប់បាត់ទៅហើយ ។</p>
<p>បច្ចុប្បន្នសាកសពត្រូវរង់ចាំក្រុមគ្រួសារយកទទួលយកទៅធ្វើបុណ្យតាមប្រពៃណី៕</p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-0060.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-0061.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-0058.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>