<p><span style="color: #000000;"><strong>(តាកែវ)៖</strong> នៅរសៀលថ្ងៃអង្គារ ទី១៦ ខែកុម្ភៈ ឆ្នាំ២០១៦នេះ លោក ទឹត្យ ប៊ុនហេង ប្រធានគ្រប់គ្រងព័ត៌មានរាជធានី-ខេត្ត របស់ទូរទស្សន៍ហង្សមាស និងលោក ឈឿន បុត្រា អ្នកអត្ថាធិប្បាយព័ត៌មានពេលព្រឹក រួមនិងសហការីម្នាក់ទៀត បានចូលមកបំភ្លឺទៅតាមការកោះហៅ របស់លោកព្រះរាជអាជ្ញា អមសាលាដំបូងខេត្តតាកែវ ឲ្យចូលបំភ្លឺតាមពាក្យបណ្ដឹងរបស់លោក សុខ ឡេះ មេបញ្ជាការកងរាជអាវុធហត្ថស្រុកអង្គបុរី ដែលបានចោទប្រកាន់ថា ផ្សព្វផ្សាយព័ត៌មានមិនពិត។</span></p>
<p><span style="color: #000000;">ដីការកោះរបស់ព្រះរាជអាជ្ញាអមសាលាដំបូងខេត្តតាកែវ លោក ច្រឹង ខ្មៅ ដែលមានសសេរប៊ិចក្រហមបញ្ជាក់ពីក្រោមថា «កោះជាលើក២» ផងនោះ បានអញ្ជើញលោកនាយកព័ត៌មានទូរទស្សន៍ហង្សមាស ឲ្យចូលទៅកាន់អយ្យការអមសាលាដំបូងខេត្តតាកែវ ដើម្បីសាកសួរលើបណ្តឹងរបស់ លោក សុខ ឡេះ ដែលបានប្តឹងពីបទបរិហាកេរ្តិ៍ និងបទផ្សាយព័ត៌មានមិនពិត។</span></p>
<p><span style="color: #000000;">លោក ហេង រិទ្ធី អគ្គនាយករងទូរទស្សន៍ហង្សមាស បានថ្លែងប្រាប់ Fresh News ថា នៅពេលនេះ ម៉ោងប្រមាណ ២៖៥០នាទីថ្ងៃទី១៦ ខែកុម្ភៈ ឆ្នាំ២០១៦នេះ លោក ទឹត្យ ប៊ុនហេង ប្រធានគ្រប់គ្រងព័ត៌មានរាជធានី-ខេត្ត របស់ទូរទស្សន៍ហង្សមាស កំពុងចូលបំភ្លឺនៅសាលាដំបូងខេត្តតាកែវ ជុំវិញផ្សាយព័ត៌មានរឿងនេសាទ កាលពី៥ខែមុន។</span></p>
<p><span style="color: #000000;">បណ្តឹងចោទប្រកាន់របស់លោក សុខ ឡេះ បានធ្វើឡើងបន្ទាប់ពីទូរទស្សន៍ហង្សមាស បានផ្សាយថា លោក សុខ ឡេះ បានកាងជនជាតិវៀតណាម ឲ្យចូលធ្វើសកម្មភាពនេសាទខុសច្បាប់ តាមព្រំដែនទឹកក្នុងខេត្តតាកែវ។</span></p>
<p><span style="color: #000000;">សូមបញ្ជាក់ថា កន្លងមកលោកព្រះរាជអាជ្ញាអមសាដំបូងខេត្តតាកែវ ក៏បានចេញដីការកោះហៅអ្នកកាសែតរស្មីកម្ពុជា និង ទូរទស្សន៍អប្សរាផងដែរ ឲ្យចូលខ្លួនទៅឆ្លើយបំភ្លឺពាក់ព័ន្ធពាក្យបណ្ដឹងបរិហារកេរ្តិ៍លោក សុខ ឡេះ ពាក់ព័ន្ធការចោទប្រកាន់ថា មេបញ្ជាការអាវុធហត្ថរូបនេះ កាងជនជាតិវៀតណាម ឲ្យចូលធ្វើនេសាទខុសច្បាប់នៅលើផ្ទៃទឹកតាមបណ្ដោយព្រំដែនទឹកខេត្តតាកែវ និងខេត្តអាងយ៉ាងប្រទេសវៀតណាម ជាថ្នូរនិងប្រាក់មួយចំនួនធំ៕</span></p>
<p style="text-align: center;"><span style="color: #000000;"><img src="https://fbcdn-sphotos-c-a.akamaihd.net/hphotos-ak-xtl1/v/t34.0-12/12735899_174103382964748_1038644609_n.jpg?oh=b214e975711d75245843311707f796cb&oe=56C57158&__gda__=1455789685_dc1f07b50c9b1eab54513ae8565b29f3" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-d-a.akamaihd.net/hphotos-ak-xlp1/v/t34.0-12/12714456_174103359631417_165362368_n.jpg?oh=9b4873105c9eb4d8329eb565fa0d3784&oe=56C579B8&__gda__=1455794931_6d4d986136a84460c3062e9b29a8a9c7" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xap1/v/t34.0-12/12746398_174103239631429_1656311543_n.jpg?oh=38446a6c4a0730f03e43e13d8ec229b3&oe=56C59C91" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xat1/v/t34.0-12/12696261_1690241121200715_1139298972_n.jpg?oh=568b38944a16e9d314801ee53061f529&oe=56C58479" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>