<p><span style="color: #000000;"><strong>(ភ្នំពេញ)៖</strong> រឿងរ៉ាវដ៏ក្ដៅគគុកក្នុងពិភពសិល្បៈ បានកើតឡើងជាបន្តបន្ទាប់ នឹងកំពុងតែធ្វើឲ្យមហាជននិយាយតៗគ្នា ដោយអ្នកគាំទ្រខ្លះកំពុងតែជ្រួលច្របល់ និងតាមដានយ៉ាងយកចិត្តទុកដាក់។ ជាការពិត រឿងរ៉ាង ពេជ្រ សោភា ប្រកាសឈប់ពីហង្សមាសមិនទាន់ទាំងស្ងប់ផង ស្រាប់តែធ្លាយដំណឹងមកថា តារាចម្រៀងប្ដូរទ្រនំព្រោះតែចង់គេចពីគូស្នេហ៍ នាង <strong>សុគន្ធ នីសា ត្រៀមខ្លួនត្រឡប់ទៅទ្រនំចាស់វិញ គឺផលិតកម្មហង្សមាស ជាថ្នូរនឹងតំណែងថ្មី គណៈកម្មការ កម្មវិធី « X FACTOR » ខណៈដែលអតីតម្ចាស់ស្នេហ៍លោក សុខ ជំនោរ ក៏បានបានអះអាងថា ៩០ភាគរយ នីសា នឹងវិលត្រឡប់ទៅទ្រនំចាស់វិញ យ៉ាងប្រាកដ</strong> ។</span></p>
<p><span style="color: #000000;">រឿងរ៉ាវ សុគន្ធ នីសា ត្រឡប់ទៅទ្រនំហង្សមាស ធ្វើឲ្យមហាជនងឿយឆ្ងល់ថា តើ នីសា សម្រេចចិត្តច្បាស់លាស់ ឬនៅ? ព្រោះការវិលទៅវិលមក ចុងក្រោយធ្វើឲ្យតារាចម្រៀងខ្លះ ឈប់ច្រៀងតែម្ដង ។ ម្យ៉ាងផលិតកកម្ម «ថោន» ទើបចេញអាល់ប៊ុម ទោលដំបូងឲ្យ សុគន្ធ នីសា ដែលជាសមទ្ធិផលថ្មីបំផុតចុងក្រោយ សម្រាប់ សុគន្ធ នីសា ដែលបទចម្រៀងល្បីល្បាញក្នុងវ៉ុលនេះ គឺបទ«ស្រលាញ់បង ជាកម្មរបស់អូន» ។</span></p>
<p><span style="color: #000000;">ប៉ុន្តែប្រភពជិតដិតនឹង សុគន្ធ នីសា បានប្រាប់ KhmerTALKING ថា<strong> សុគន្ធ នីសា សម្រេចចិត្តលើកនេះ មិនមែនសម្រេចចិត្តលេងៗទេ នាងគិតច្បាស់លាស់ និងពិតប្រាកដណាស់ ព្រោះរយៈពេលបីឆ្នាំកន្លងមកនេះ កេរ្តិ៍ឈ្មោះនាង ហាក់នៅទ្រឹង មិនបានលោតខ្ពស់ឡើយ ទោះបីការងារនាងនៅដដែលមិនថមថយក្ដី តែនាងមិនសូវសប្បាយចិត្តឡើយ</strong> ។ </span><br /><span style="color: #000000;">ការវិលត្រឡប់ ដ៏គួរឲ្យភ្ញាក់ផ្អើលនេះ ត្រូវបានប្រភពទម្លាយថា <strong>ជា ថ្នូរនឹងការទទួលតំណែង គណកម្មការក្នុងកម្មវិធីប្រឡងទេពកោសល្យលំដាប់ពិភពលោក «X FACTOR» រួមជាមួយតារាចម្រៀងហង្សមាសដ៏ទៃទៀត ដែលហង្សមាសត្រៀមរួចជាស្រេច ដើម្បីនាង ព្រោះនេះជាកាដូរ នៃការវិលត្រឡប់របស់នាង</strong> ។</span></p>
<p><span style="color: #000000;">សុគន្ធ នីសា ត្រូវបានគេមើលឃើញថា បើសិនជាកាលពីបីឆ្នាំមុន នាងមិនបានផ្លាស់ប្ដូរទ្រនំទេ តំណែងក្នុងកម្មវិធីធំៗ មិនអត់នោះទេ យ៉ាងហោចក៏មានមួយដែរ ព្រោះនាងមានទឹកដមសំឡេងល្អ និង ចរឹតចុះសម្រុងក្នុងការងារ ពិសេសនាង គោរពរម៉ោងពេលវេលាបានល្អ ចេះអធ្យាស្រ័យ មិនចេះរករឿង យ៉ាងមិចក៏បាន សំខាន់ឲ្យតែការងារដំណើរការទៅមុខបានល្អ ។</span></p>
<p><span style="color: #000000;">តារាចម្រៀងស្រី សុគន្ធ នីសា មិនទាន់ចេញមុខបកស្រាយ ចំពោះដំណឹង ដែលកំពុងតែរសើបនេះទេ ព្រោះនាងនឹងចេញមុខបកស្រាយ តាមបណ្ដាញសង្គមរបស់នាង បើសិនជាមានរឿងធំដុំ ។ តែនាងសំងំស្ងៀមបែបនេះ អាចសង្ស័យថា រឿងនេះពិតប្រាកដហើយមើលទៅ..។</span></p>
<p><span style="color: #000000;">ដោយឡែកលោក <strong>សុខ ជំនោរ អតីតគូស្នេហ៍ចាស់របស់ សុគន្ធ នីសា បានទម្លាយប្រាប់បណ្ដាញសារព័ត៌មានក្នុងស្រុកថា លោកជឿជាក់រហូតដល់៩០%ថា នាងនឹងវិលទៅទ្រនំហង្សមាសវិញ ព្រោះលោកសំអាងថា ម្ចាស់ផលិតកម្មហង្សមាស កំពុងតែចែចូវនាងឲ្យចូលវិញ</strong> ខណៈដែលរូមលោកក៏បានចាកចេញពីហង្សមាស ជាច្រើនខែមកហើយដែរ ។ ដូច្នេះពុំមានអ្វីជាឧបសគ្គសម្រាប់នាងទៀតឡើង ក្នុងការចូលមកកាន់ហង្សមាសវិញ៕</span></p>
<p><span style="color: #000000;"><a class="thickbox" title="" href="/FileManager/Commons/2015/12/13/12a-13-12-2015--14-36-59.jpg"><img src="/FileManager/Articles/mce/2015/12/13/12a-13-12-2015--14-36-59.jpg" alt="" /></a></span></p>
<p><a class="thickbox" title="" href="/FileManager/Commons/2015/12/13/12d-13-12-2015--14-37-06.jpg"><img src="/FileManager/Articles/mce/2015/12/13/12d-13-12-2015--14-37-06.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/12/13/12a-13-12-2015--14-36-59.jpg"></a></span></p>
<p><a class="thickbox" title="" href="/FileManager/Commons/2015/12/13/12b-13-12-2015--14-37-13.jpg"><img src="/FileManager/Articles/mce/2015/12/13/12b-13-12-2015--14-37-13.jpg" alt="" /></a></p>
<p><a class="thickbox" title="" href="/FileManager/Commons/2015/12/13/12c-13-12-2015--14-37-20.jpg"><img src="/FileManager/Articles/mce/2015/12/13/12c-13-12-2015--14-37-20.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>