<p><span style="color: #000000;"><strong>ភ្នំពេញ៖</strong> បន្ទាប់ពីចំណាយពេល សាងទំនាក់ទំនងស្នេហា អស់រយៈពេលជិត១២ឆ្នាំ និងធ្លាប់ជំពប់រឿងបែកបាក់គ្នា ជាច្រើនលើកច្រើនសារមកនោះ គូស្នេហ៍អ្នកសិល្បៈដូចគ្នា រវាងលោក សុវណ្ណ មករា និង កញ្ញា ឈិន ច័ន្ទសុធារី បានវិលជួបគ្នាជាថ្មីឡើងវិញ និងបានសម្រេចចិត្តចូលរោងជ័យ រៀបអាពាហ៍ពិពាហ៍ជាផ្លូវការ ស្របតាមគន្លងប្រពៃណីដូនតា នៅព្រឹកថ្ងៃទី ២១ ខែតុលា ឆ្នាំ២០១៥នេះ ដោយមានឪពុក-ម្តាយ និងចាស់ទុំទាំងសងខា ងចូលរួមដឹងឮ ជាច្រើននាក់។</span></p>
<p><span style="color: #000000;">តារាសម្តែងគ្រងឈុត ជាកូនកំលោះនៅព្រឹកថ្ងៃនេះ លោក សុវណ្ណ មករា បានប្រាប់គេហទំព័រ LookingTODAY តាមទូរស័ព្ទទាំងអារម្មណ៍រំភើបរីករាយថា «បាទ ពិតណាស់ ខ្ញុំមិនលាក់ទេ នៅថ្ងៃទី២១នេះយើងចូលរោងជ័យរៀបអាពាហ៍ពិពាហ៍មែន..!។ ពិធីមង្គលការរបស់ខ្ញុំព្រឹកនេះ គឺយើងបានរៀបចំធ្វើឡើងនៅគេហដ្ឋានខាងកូនស្រីតែពេលល្ងាច ទទួលភ្ញៀវនៅមជ្ឈមណ្ឌល ទួលគោក..»។</span><br /><span style="color: #000000;">លោក សុវណ្ណ មករា បានបន្តថា «មូលហេតុពួកយើង រៀបចំពិធីមង្គការយ៉ាងតក់ក្រហល់បែបនេះ ដោយសារថ្ងៃខែរបស់ខ្ញុំ និងគាត់ ត្រូវបានពេលាល្អនៅថ្ងៃនេះ ដូច្នេះក៏សម្រេចជ្រើសយកតែម្តងទៅ។ម្យ៉ាងបើពួកយើង មិនយកថ្ងៃនេះទេ គឺរងចាំរហូតដល់ឆ្នាំ២០១៧ ឯណោះ ទើបមានថ្ងៃល្អសម្រាប់ រៀបចំមង្គលការ។ ពិធីនេះខ្ញុំ និងអូន ធារី រៀបចំតែជាង១៥តុប៉ុណ្ណោះ មិនសូវអញ្ជើញភ្ញៀវ អ្នកសិល្បៈចូលរួមច្រើនទេ ដោយសារពេលវេលាលឿនពេក..»។</span></p>
<p><span style="color: #000000;">ជីវិតគូស្នេហ៍ របស់តារាសម្តែង លោក សុវណ្ណ មករា និង កញ្ញា ឈិន ច័ន្ទសុធារី បែកធ្លាយល្បីខ្ចរខ្ចាយ ជាសាធារណៈកាលពីអំឡុងឆ្នាំ២០០២ ខណៈដំណឹងស្នេហារបស់អ្នកទាំងពីរ ត្រូវបានបណ្តាញសារព័ត៌មាន ក្នុងស្រុកមួយចំនួន លើកយកទៅសរសេរចុះផ្សាយ យ៉ាងព្រោងព្រាត។ ប៉ុន្តែទោះបីជាព័ត៌មាននេះ ត្រូវបែកធ្លាយយ៉ាងនេះ ក៏ពិតមែន កាលនោះគូស្នេហ៍អ្នកទាំងពីរ តែងធ្វើការបដិសេធ និង ច្រានចោលជានិច្ច។ </span><br /><span style="color: #000000;">ដូចពាក្យចាស់លោកពោលថា «ក្រដាសមិនអាចខ្ចប់ភ្លើងបានឡើយ» គឺវាមិនខុសអ្វីនឹងចំណងស្នេហា របស់លោក សុវណ្ណ មករា និង កញ្ញា ឈិន ច័ន្ទសុធារី នៅទីបំផុតការពិតនៅតែជាការពិតដដែល ជាក់ស្ដែងថ្ងៃនេះ ពួកគេបានរៀបអាពាហ៍ពិពាហ៍ ជាមួយគ្នាជាផ្លូវការ បង្ហាញប្រាប់ការពិត ដល់មហាជនទូទៅ ថា ពួកគេបានក្លាយជាប្ដីប្រពន្ធស្របច្បាប់ ចាប់ពីថ្ងៃនេះតទៅហើយ៕</span></p>
<p><span style="color: #000000;"><a class="thickbox" title="" href="/FileManager/Commons/2015/10/21/60-21-10-2015--11-50-22.jpg"><img src="/FileManager/Articles/mce/2015/10/21/60-21-10-2015--11-50-22.jpg" alt="" /></a></span></p>
<p><a class="thickbox" title="" href="/FileManager/Commons/2015/10/21/61-21-10-2015--11-50-30.jpg"><img src="/FileManager/Articles/mce/2015/10/21/61-21-10-2015--11-50-30.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/10/21/60-21-10-2015--11-50-22.jpg"></a></span></p>
<p><a class="thickbox" title="" href="/FileManager/Commons/2015/10/21/62-21-10-2015--11-50-37.jpg"><img src="/FileManager/Articles/mce/2015/10/21/62-21-10-2015--11-50-37.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>