<p><span style="color: #000000;"><strong>(ព្រះសីហនុ)៖</strong> មានការភ្ញាក់ផ្អើលមួយបានកើតឡើង ស្ថិតនៅចំណុចផ្លូវកែង មណ្ឌលកុមារកំព្រាអរុណរះ ក្នុងភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ នៅម៉ោងប្រមាណ១១៖៤៥នាទី ព្រឹកថ្ងៃទី៩ ខែកុម្ភៈ ឆ្នាំ២០១៦នេះ ដោយសារក្មេងស្រីសិស្សសាលាអាយុ៩ឆ្នាំម្នាក់ ត្រូវបានជនបរទេសមួយក្រុម ចាប់ជំរិតដឹកតាមរថយន្ត យកទៅបាត់ដោយមិនទាន់ដឹងមូលហេតុ។</span></p>
<p><span style="color: #000000;">ស្នងការនគរបាលខេត្តព្រះសីហនុ លោកឧត្តមសេនីយ៍ទោ ជួន ណារិន្ទ បានប្រាប់អង្គភាព Fresh News ថា <strong>«ព័ត៌មានខាងលើនេះ យើងទើបតែទទួលបាន នៅម៉ោងប្រមាណ២៖០៥នាទីរសៀលថ្ងៃនេះ ហើយខ្ញុំបានបញ្ជាឲ្យកម្លាំងនគរបាលជំនាញ សហការជាមួយនគរបាលមូលដ្ឋាន ចុះទៅជួយអន្តរាគមន៍ភ្លាមៗ និងដេញស្ទាក់តាមគោលដៅនានា យ៉ាងយកចិត្តទុកដាក់ ដើម្បីតាមចាប់ជនបរទេសទាំងនោះ តែគិតត្រឹមម៉ោង៤៖០០នាទីរសៀលនេះ យើងមិនទាន់ទទួលបានព័ត៌មាន ពីពួកគេនៅឡើយទេ»</strong>។</span></p>
<p><span style="color: #000000;">បើតាមលោកឧត្តមសេនីយ៍ស្នងការ បានបញ្ជាក់ព័ត៌មាន ជាជំហានដំបូង នៅម៉ោងកើតហេតុនោះ មានរថយន្ត១គ្រឿង ម៉ាក Lexus 470 ពណ៌ស មិនចាំផ្លាកលេខ បើកបរដោយជនបរទេស បានបើកក្រវិលចុះឡើង ហើយឈប់នៅក្បែរក្មេងៗ៣នាក់ ដែលដើរចេញពីសាលារៀន ។</span></p>
<p><span style="color: #000000;">ជនបរទេសនោះបាន ហុចសៀវភៅតុក្តាឲ្យមើល រួចចុះពីរថយន្តចាប់ក្មេងស្រីម្នាក់ឈ្មោះ ហេង ស្រីកា អាយុ៩ឆ្នាំ ដាក់ក្នុងរថយន្តធ្វើដំណើទៅតាមផ្លូវជាតិ៤ មិនដឹងទៅទីណា។ ក្មេងស្រីរងគ្រោះមានឈ្មោះ ហេង ស្រីកា មានទីលំនៅភូមិស្មាច់ដែង ឃុំរាម ស្រុកព្រៃនប់៕</span></p>
<p style="text-align: center;"><span style="color: #000000;"><img src="https://z-1-scontent-hkg3-1.xx.fbcdn.net/hphotos-xfa1/v/t1.0-0/p296x100/12662641_1556003924713973_3998965760252937946_n.jpg?oh=6165cc9b5bc72a3d1ea4688cd62362a4&oe=5735C9BE" alt="" width="730" /></span></p>
<p style="text-align: center;"><span style="color: #000000;"><img src="https://z-1-scontent-hkg3-1.xx.fbcdn.net/hphotos-xfp1/v/t1.0-9/12688234_1556007788046920_3952834222460977516_n.jpg?oh=ef096988d6b7985a39dc73ee7ac22802&oe=576A37BD" alt="" width="730" /></span></p>
<p style="text-align: center;"><span style="color: #000000;"><img src="https://z-1-scontent-hkg3-1.xx.fbcdn.net/hphotos-xfa1/v/t1.0-9/12650961_1556007804713585_2882348990997374229_n.jpg?oh=9d4441b873903cc8189307f2fb3f6bf8&oe=5738120A" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>