<p><span style="color: #000000;"><strong>(កំពង់ធំ)៖</strong> នៅថ្ងៃទី០៦ ខែមីនា ឆ្នាំ២០១៧នេះ នៅលើកំណាត់ផ្លូវជាតិលេខ៦ ភូមិត្រពាំងស្វាយ ឃុំបល្ល័ង្ក ស្រុកបារាយណ៍ ខេត្តកំពង់ធំ មានករណីគ្រោះថ្នាក់ដ៏រន្ធត់មួយ កើតឡើងដោយរូឡូអ៊ុតកៅស៊ូមួយគ្រឿង បើកបរដោយកម្មករម្នាក់ ដែលមិនប្រយ័ត្នក៏ជ្រុលទៅកិនមេការជនជាតិចិនម្នាក់ទៀត បណ្ដាលឲ្យស្លាប់ភ្លាមៗនៅកន្លែង។</span></p>
<p><span style="color: #000000;">សមត្ថកិច្ចមូលដ្ឋានបានឲ្យដឹងថា រូឡូមួយគ្រឿងនោះ ម៉ាកប៊ូម៉ាស ពណ៌លឿង របស់ក្រុមហ៊ុនចិនមួយ ដែលកំពុងដំណើរការធ្វើផ្លូវជាតិលេខ៦ ត្រង់ចំណុចខាងលើ បើកបរដោយឈ្មោះ សុខ ឆន អាយុ២៣ឆ្នាំ មានទីលំនៅភូមិវាលមាស ឃុំសំរ៉ុង ស្រុកព្រៃនប់ ខេត្តកំពង់សោម។ ជនបង្កត្រូវបានឃាត់ខ្លួន នៅអធិការដ្ឋាននគរបាលស្រុកបារាយណ៍។ ចំណែកជនរងគ្រោះមានឈ្មោះ រិន រ៉ៃមីន អាយុ២៦ឆ្នាំ ជនជាតិចិន ស្នាក់នៅភូមិកំពង់ថ្ម ឃុំកំពង់ថ្ម ស្រុកសន្ទុក ខេត្តកំពង់ធំ ស្លាប់នៅកន្លែងកើតហេត។</span></p>
<p><span style="color: #000000;">ករណីនេះ សមត្ថកិច្ចជំនាញកំពុងកសាងសំណុំរឿង និងប្រមូលវត្ថុតាងរក្សាទុក នៅអធិការដ្ឋាននគរបាលស្រុកបារាយណ៍៕</span></p>
<p><span style="color: #000000;"><img src="http://image.freshnewsasia.com/2017/113/fn-2017-03-06-16-37-14-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-03-06-16-37-14-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-03-06-16-37-14-2.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>