<div>
<p><span style="color: #000000;"><strong>(ចិន)៖</strong> លោក Vincent Wong តារាសម្តែងប្រុសហុងកុងម្នាក់ ត្រូវបានប៉ូលីសនាំទៅកាន់ មន្ទីរពេទ្យភ្លាមៗ បន្ទាប់ពីគេជួបគ្រោះថ្នាក់ចរាចរណ៍ ខណៈកំពុងបើករថយន្ត ក្នុងសកម្មភាពថតខ្សែភាពយន្តឲ្យ TVB។ នៅថ្ងៃកើតហេតុ ប៉ូលីសនិយាយថា Vincent Wong បាត់បង់ស្មារតី កំឡុងពេលបើកបរ ទើបបណ្តាលឲ្យរថយន្តគាត់ ទៅបុកនឹងរថយន្តធំមួយគ្រឿង ធ្វើឲ្យថ្ងាសតារាប្រុសរូបនេះ ត្រូវបែកហូរឈាម ហើយដៃក៏រងរបួសផងដែរ។</span></p>
<p><span style="color: #000000;">សាក្សីដែលបានឃើញហេតុការណ៍ និយាយថា Vincent Wong ហាក់ដូចជាមានស្មារតីភាន់ភាំង តែគាត់អាចដើរចូលរថយន្ត សង្គ្រោះបន្ទាន់បាន ដោយខ្លួនឯង ទោះបីជាមានប៉ូលីស នាំផ្លូវក៏ដោយ។ Vincent ប្រាប់អ្នកកាសែតថា គាត់នៅតែមានអារម្មណ៍ ឈឺក្បាលខ្លាំង បន្ទាប់ពីសម្រាកព្យាបាលរបួស នៅមន្ទីរពេទ្យ Tuen Mun ហើយគ្រូពេទ្យកំពុងស្គេនមើលក្បាល ថាតើមានរងការប៉ះទង្គិចដែរ ឬយ៉ាងណា។ តែ Vincent ទូរស័ព្ទទៅប្រាប់ម្តាយ និងប្រពន្ធគឺនាង Yoyo Chen ដែលជាតារាសម្តែងស្រីម្នាក់ដែរថា គាត់មិនអីទេ។</span></p>
<p><span style="color: #000000;">នេះជាលើកទី១ហើយ ដែលតារាប្រុសហុងកុងរូបនេះ រងគ្រោះថ្នាក់កំឡុងពេលថត ខ្សែភាពយន្តរឿង «Fatal Resurrection» ចំណែកម្ចាស់ផលិតកម្ម គឺលោក Lam Chi-wah និយាយទៅកាន់តារាម្នាក់នេះ កុំឲ្យបារម្ភពីពេលវេលាថត សំខាន់គឺសុខភាពរបស់ខ្លួន ត្រូវមើលថែឲ្យបានល្អសិន។ ខ្សែភាពយន្ត «Fatal Resurrection» គ្រោងនឹងថតចប់ រួចដាក់បញ្ចាំងនៅប្រទេសវៀតណាម កំឡុងខែមិនាខាងមុខនេះ ប៉ុន្តែពេលវេលាអាចនឹងផ្លាស់ប្តូរអាស្រ័យ លើសុខភាព របស់ Vincent បានជាស្រួលបួល ហើយឬនៅ៕</span></p>
<p style="text-align: center;"><span style="color: #000000;"><img src="http://images.lollipop.sg/files/styles/featured_image/s3/article/images/featured/2016/02/vince.jpg?itok=QOGAJWTX" alt="" width="730" /></span></p>
<p style="text-align: center;"><span style="color: #000000;"><img src="http://images.lollipop.sg/files/article/images/gallery/2016/02/vw1.jpg" alt="" width="730" /></span></p>
<p style="text-align: center;"><span style="color: #000000;"><img src="http://images.lollipop.sg/files/article/images/gallery/2016/02/vw2.jpg" alt="" width="730" /></span></p>
<p style="text-align: center;"><span style="color: #000000;"><img src="http://images.lollipop.sg/files/article/images/gallery/2016/02/vw3.jpg" alt="" width="730" /></span></p>
<p style="text-align: center;"><span style="color: #000000;"><img src="http://images.lollipop.sg/files/article/images/gallery/2016/02/vw4.jpg" alt="" width="730" /></span></p>
<p style="text-align: center;"><span style="color: #000000;"><img src="http://images.lollipop.sg/files/article/images/gallery/2016/02/vw5.jpg" alt="" width="730" /></span></p>
<p style="text-align: center;"><span style="color: #000000;"><img src="http://images.lollipop.sg/files/article/images/gallery/2016/02/vw6.jpg" alt="" width="730" /></span></p>
<p style="text-align: center;"><span style="color: #000000;"><img src="http://images.lollipop.sg/files/article/images/gallery/2016/02/vw7.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>