<p><span style="color: #000000;"><strong>(អេហ្ស៊ីប)៖</strong> យន្តហោះដឹកអ្នកដំណើររបស់ក្រុមហ៊ុន Egypt Air ជើងហោះហើរពីទីក្រុង Alexandria ទៅកាន់ទីក្រុង Cairo ក្នុងប្រទេសអេហ្ស៊ីប ត្រូវបានអ្នកនាំពាក្យក្រុមហ៊ុន បញ្ជាក់ថា ត្រូវបានចោរប្លន់ នេះបើយោងតាមការចេញផ្សាយរបស់សារព័ត៌មាន Bloomberg ចេញផ្សាយមុននេះបន្ដិច។</span></p>
<p><span style="color: #000000;">បន្ទាប់ពីប្លន់ ក្រុមចោរបានបញ្ជាយន្តហោះ ឲ្យចុះចតនៅប្រទេសដែនកោះមួយឈ្មោះ Cyprus ក្នុងព្រលានយន្តហោះ Larnaka Airport ដែលស្ថិតនៅភាគខាងជើងនៃប្រទេសអេហ្ស៊ីប និងក្បែរប្រទេសតួកកី និងស៊ីរី។ ករណីនេះគេសង្ស័យថា មានគ្រាប់បែកនៅលើយន្តហោះ។</span></p>
<p><span style="color: #000000;">ពាក់ព័ន្ធនឹងករណីប្លន់យន្តហោះនេះ មានព័ត៌មានថា មានមនុស្សជាង ៥៥នាក់ ក្នុងនោះមានអ្នកបម្រើនៅលើយន្តហោះ ៧នាក់។ ចំណែកព័ត៌មានដែលទទួលមុននេះ បានបញ្ជាក់ថា មានមនុស្សនៅលើយន្តហោះ ប្រមាណជាង ៨០នាក់ នេះបើយោងតាមការចេញផ្សាយ Update របស់ Reuters ចេញផ្សាយមុននេះបន្ដិច។</span></p>
<p><span style="color: #000000;">យោងតាមព័ត៌មាន Reuters បាន Udapte ភ្លាមៗថា ករណីប្លន់យន្តហោះនេះ គេឃើញបុរសម្នាក់បំពាក់ដោយប្រដាប់អាវុធ និងគ្រាប់បែក បានអនុញ្ញាតឲ្យស្ត្រី និងក្មេងចាកចេញពីយន្តហោះ។</span></p>
<p><span style="color: #000000;">ព័ត៌មានលម្អិតនឹងចេញផ្សាយបន្តបន្ទាប់...</span></p>
<p><span style="color: #000000;"><br /><a class="thickbox" title="" href="/FileManager/Commons/2016/3/29/10-29-03-2016--14-04-02.jpg"><img src="/FileManager/Articles/mce/2016/3/29/10-29-03-2016--14-04-02.jpg" alt="" /></a><br /></span></p>
<p style="text-align: right;"><br /><span style="color: #000000;">ប្រភព ៖ bloomberg</span></p>
<p> </p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>