<p class="the-article-summary"><span style="color: #000000;">របាយការណ៍ពី KGI បានឲ្យដឹងថា Apple នឹងធ្វើការផ្លាស់ប្តូរសារធាតុថ្មី សម្រាប់ស៊ុមសំបក និងអេក្រង់របស់គំរូស្មាតហ្វូន ដែលនឹងបង្ហាញខ្លួន នៅឆ្នាំ២០១៧។ ស្មាតហ្វូនអាចត្រូវបានគេហៅឈ្មោះថា iPhone 8 ជំនួសឲ្យ iPhone 7s ដូចទម្លាប់របស់ Apple ។</span></p>
<p><span style="color: #000000;">ក្រុមហ៊ុន KGI Securities ទើបតែបានប្រកាសនូវរបាយការណ៍របស់ អ្នកជំនាញវិភាគជនជាតិតៃវ៉ាន់ម្នាក់គឺលោក Ming-Chi Kuo ស្តីពី iPhone ជំនាន់បន្ទាប់របស់ Apple។ ប្រភពព័ត៌មាននេះបានឲ្យដឹងថា មានការកុម្មង់ទិញ iPhone 7 និង iPhone 7 Plus ដល់ទៅ ៣៥% ទូួទាំងពិភពលោក ដែលជាម៉ូដែលពណ៌ Jet Black។ ក្នុងនោះមានប្រហែល ៤៥% - ៥០% ការកុម្មង់ទិញពីទីផ្សារប្រទេសចិន ដែលធ្វើឲ្យគំរូ iPhone សំបកពណ៌ខ្មៅរលោង ចាប់ផ្តើមខ្វះទំនិញផ្គត់ផ្គង់។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/9/30/iphone-7-jet-black-30-09-2016--14-08-59.jpg"><img src="/FileManager/Articles/mce/2016/9/30/iphone-7-jet-black-30-09-2016--14-08-59.jpg" alt="" /></a></span></p>
<p style="text-align: center;"><em>iPhone 7/7 Plus ពណ៌ Jet Black កំពុងទទួលបានការគាំទ្រចូលចិត្តច្រើន ពីសំណាក់អ្នកប្រើប្រាស់</em><span style="color: #000000;"><br /></span></p>
<p><span style="color: #000000;">ពីចំនួនតួរលេខខាងលើ លោក Ming-Chi Kuo កំណត់បញ្ជាក់ថា គំរូស្មាតហ្វូនសំបកពណ៌ខ្មៅរលោង ប្លែកភ្នែករបស់ Apple កំពុងតែត្រូវបានអ្នកប្រើប្រាស់ស្រឡាញ់ចូលចិត្តខ្លាំង។ ជាក់ស្តែង iPhone 7/7 Plus ពណ៌ Jet Black ជាមួយនឹងសំបកស្រោបសារធាតុអាលុយមីញ៉ូម ងាយនឹងឆ្កូតស្នាម។</span></p>
<p><span style="color: #000000;">ទន្ទឹមនឹងនោះ បច្ចេកទេសផលិតសំបកពណ៌ សម្រាប់ម៉ូដែល Jet Black រាងស្មុគស្មាញ ហើយបណ្តាដៃគូរផ្គត់ផ្គង់ នៅមិនទាន់ផ្គត់ផ្គង់បានតាមតម្រូវការ ក្នុងការផលិតឲ្យបានគ្រប់ចំនួនដែល Apple ចង់បាននៅឡើយទេ។</span></p>
<p><span style="color: #000000;">ដូច្នេះ Apple អាចនឹងប្រើប្រាស់ការរចនាម៉ូត ដែលមានផ្ទៃតួស្មាតហ្វូនទាំងខាងមុខខាងក្រោយ ដូចទៅនឹង iPhone 4/4S សម្រាប់ស្មាតហ្វូនស៊េរីបន្ទាប់។ ជំនួសឲ្យផ្ទៃអេក្រង់ជាកញ្ចក់ សារធាតុដែលត្រូវបានជ្រើសរើសធ្វើជាសំបក iPhone ថ្មី អាចជាដែកថែបអ៊ីណុក។ ដែកថែបរឹងមាំជាង អាលុយមីញ៉ូម និង កញ្ចក់ ហើយងាយស្រួលធ្វើឲ្យភ្លឺរលោង។ </span></p>
<p style="text-align: center;"><a class="thickbox" title="" href="/FileManager/Commons/2016/9/30/iphone8ytuong-30-09-2016--14-11-14.jpg"><img src="/FileManager/Articles/mce/2016/9/30/iphone8ytuong-30-09-2016--14-11-14.jpg" alt="" /></a></p>
<p style="text-align: center;"><em>Concept iPhone 8 ជាមួយនឹងអេក្រង់កោងគែមសងខាង (រូបភាព៖ Veinamin Geskin)</em></p>
<p><span style="color: #000000;">ក្រៅពីនេះ របាយការណ៍ពី KGI នៅថែមទាំងបញ្ចេញឲ្យដឹងនូវ ការប៉ាន់ស្មានថ្មីមួយស្តីពីអេក្រង់របស់ iPhone 8។ ដំបូងគេ Apple នឹងធ្វើការបោះបង់ចោលនូវប្រភេទអេក្រង់កោង 2,5D ហើយជំនួសដោយសារធាតុដែលត្រូវបានហៅជាបណ្តោះអាសន្នថា “កញ្ចក់ 3D”។ អេក្រង់នេះត្រូវបានធ្វើឲ្យប្រសើរឡើង ជាមួយនឹងភាពរឹងមាំខ្លាំងជាង ផលិតផលប្រើប្រាស់បច្ចេកវិទ្យាបច្ចុប្បន្ននេះ។ </span></p>
<p><span style="color: #000000;">ទន្ទឹមនឹងនោះ លទ្ធភាពច្រើនដែល Apple អាចនឹងបន្តពង្រីកទំហំអេក្រង់ស្មាតហ្វូនរបស់ខ្លួន ឡើងដល់ទំហំ ៥,៨ អ៊ីន៕</span></p>
<p><span style="color: #000000;"><a href="http://www.camnews.com.kh/News/Detail/9706/it-turn-iphone-7-exploding"><span style="color: #0000ff;"><em>- បន្ទាប់ពី Galaxy Note 7 ឥឡូវដល់វេន iPhone 7 ផ្ទុះម្តង</em></span></a><br /><a href="http://www.camnews.com.kh/News/Detail/20727/tim-cook-said-something-about-blackberry"><span style="color: #0000ff;"><em>- CEO Apple លោក Tim Cook បាននិយាយអ្វីខ្លះ ស្តីពីការដែល BlackBerry រត់ចោលសរមភូមិ ទូរស័ព្ទ?</em></span></a><br /></span></p>
<p> </p>
<p style="text-align: right;"><em>ប្រែសម្រួល៖ មង្គល</em><br /><em>ប្រភព៖ KGI Securities, Zing</em></p>