<p><span style="color: #000000;"><strong>(ឥណ្ឌា)៖</strong> យោងតាមព័ត៌មាន Xinhua ទើបចេញផ្សាយនៅល្ងាចថ្ងៃទី២៨ ខែធ្នូ ឆ្នាំ២០១៥ បានឲ្យដឹងថា យ៉ាងហោច ណាស់មនុស្សចំនួន ៦នាក់បានស្លាប់ និងជាច្រើននាក់ផ្សេងទៀត បានទទួលរងរបួស បន្ទាប់ពីមានហេតុការណ៍បាក់ ស្រុតអគារមួយកន្លែង នៅក្នុងទីក្រុង Chandigarh តំបន់ភាគខាងជើងប្រទេសឥណ្ឌា ។</span></p>
<p><span style="color: #000000;">ប្រភពខាងលើបានបន្តថា ភាគច្រើននៃជនរងគ្រោះ គឺជាក្រុមកម្មករដែលកំពុងធ្វើការនៅក្នុងអគារ ដែលរងការបាក់ស្រុតនេះ ហើយក៏បានបណ្តាល ឲ្យមនុស្សជាច្រើននាក់ទៀត កំពុងកប់នៅក្រោមគំនអគារផងដែរ ដោយមិនដឹងពីចំនួនច្បាស់លាស់នៅឡើយទេ ។</span></p>
<p><span style="color: #000000;">គួររំលឹកថា ហេតុការណ៍បាក់ស្រុតអគារ តែងតែកើតមានជាញឹកញាប់ នៅក្នុងប្រទេសឥណ្ឌា ដោយសារតែការសាង សង់អគារ ខ្វះខាតផ្នែក បច្ចេកទេស, ខ្វះខាតវិធានការផ្នែកសុវត្ថិភាព និងស្ថានភាពនៃសំណង់អគារនៅជិតគ្នាច្រើនពេក ៕</span></p>
<p><span style="color: #000000;"><a class="thickbox" title="" href="/FileManager/Commons/2015/12/29/10e-29-12-2015--14-26-47.jpg"><img src="/FileManager/Articles/mce/2015/12/29/10e-29-12-2015--14-26-47.jpg" alt="" /></a></span></p>
<p><a class="thickbox" title="" href="/FileManager/Commons/2015/12/29/11-29-12-2015--14-27-09.jpg"><img src="/FileManager/Articles/mce/2015/12/29/11-29-12-2015--14-27-09.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/12/29/10e-29-12-2015--14-26-47.jpg"></a><br /></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្វ្រេសញ៉ូវអាស៊ី</span></p>