<p><span style="color: #000000;"><strong>(តូក្យូ)៖</strong> ព្យុះទីហ្វុងកំណាច Mindulle ត្រូវបានគេរំពឹងថា នឹងវាយប្រហារភាគខាងត្បូង ប្រទេសជប៉ុនតែម្តង នៅដើមសប្តាហ៍ថ្មីនេះ ខណៈជើងហោះហើរទាំងក្នុងនិងក្រៅស្រុកសរុប ៣៨៧ជើង (ក្នុងស្រុក១៤៥ជើង) ត្រូវបានសម្រេចលុបចោល នាំឲ្យប៉ះពាល់ដល់ អ្នកដំណើរ ៤៨,០០០នាក់ ។ នេះបើតាមការចេញផ្សាយនៅ មុននេះបន្តិច ដោយសារព័ត៌មាន Channel News Asia នារសៀលថ្ងៃចន្ទ ទី២២ ខែសីហា ឆ្នាំ២០១៦។</span></p>
<p><span style="color: #000000;">Mindulle ត្រូវបានទីភ្នាក់ងារព្យាករណ៍ អាកាសធាតុជប៉ុន JMA ប្រកាសថា នឹងមកដល់ឆ្នេរភាគខាងកើតប្រទេស នៅរសៀលថ្ងៃចន្ទ នេះ ហើយវានឹងបង្កជា ខ្យល់បោកបក់ខ្លាំង, ភ្លៀងធ្លាក់យ៉ាងគំហុក, និង អាចកើតមានការបាក់ដី នៅតំបន់ភ្នំមួយចំនួនថែមទៀត ក្នុងនោះក៏មានទីក្រុងតូក្យូផងដែរ។ ពីទីក្រុងតូក្យូ ទៅដល់តំបន់ Tohoku ភាគខាងជើងប្រទេស ត្រូវបាន JMA ព្រមានថា នឹងក្លាយជាកន្លែង ដែលទទួលរងគ្រោះខ្លាំងជាងគេ។</span></p>
<p><span style="color: #000000;">គួរបញ្ជាក់ថា នៅពេលនេះព្យុះកំពុងតែសំដៅ មកប្រទេសជប៉ុនក្នុងល្បឿន ១៨០ គីឡូម៉ែត្រក្នុងមួយម៉ោង ដោយមានទិសដីមកពីតំបន់ប្រជុំកោះ Miyake។ រលកសមុទ្រ និងមានកម្ពស់កើនឡើង ជាពិសេសទីក្រុងតូក្យូ អាចនឹងប្រឈមមុខការវាយប្រហារខ្លាំង ដែលជាហេតុនាំឲ្យអាជ្ញាធរចេញសេចក្តីព្រមាន ឲ្យមានការប្រុងប្រយ័ត្ន ពីសំណាក់ប្រជាពលរដ្ឋ ក្នុងកម្រិតខ្ពស់បំផុត៕</span></p>
<p><span style="color: #000000;"><a class="thickbox" title="" href="/FileManager/Commons/2016/8/22/14c-22-08-2016--14-32-29.jpg"><img src="/FileManager/Articles/mce/2016/8/22/14c-22-08-2016--14-32-29.jpg" alt="" /></a><br /><br /></span></p>
<p style="text-align: right;"><span style="color: #000000;">ប្រភព ៖ CNA</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>