<p>អាចនិយាយបានថា iPhone 6/6 Plus គឺជាស្មាតហ្វូនមួយគូ ដែលបាន និងកំពុងទទួលបាន<br />ចំណាប់អារម្មណ៍យ៉ាងខ្លាំង ពីសំណាក់អ្នកប្រើប្រាស់ ទូទាំងពិភពលោក។ បើទោះជាស្មាតហ្វូន<br />ទាំងនេះ បានបង្ហាញខ្លួនជាផ្លូវការ ជិតកន្លះខែហើយក្ដី ប៉ុន្ដែ ភាពទាក់ទាញរបស់វា ហាក់មិន<br />បានថយចុះ។ ទន្ទឹមនឹងជោគជ័យ Apple ក៏ត្រូវភ្លក់រសជាតិនៃការឈឺចាប់ នៅពេលលេចឡើង<br />នូវបញ្ហា iPhone 6 Plus ត្រូវកោងព្រោះតែដាក់ក្នុងហោប៉ៅខោ។</p>
<p style="text-align: center;"><a class="thickbox" title="" href="/FileManager/Commons/2014/9/29/u-29-09-2014--15-50-50.png"><img src="/FileManager/Articles/mce/2014/9/29/u-29-09-2014--15-50-50.png" alt="" /></a></p>
<p>ក៏ប៉ុន្ដែ សូមដាក់បញ្ហាខាងលើមួយឡែកសិន ហើយងាកមកទស្សនាសកម្មភាព បើកប្រអប់<br /> iPhone 6 ប្រកប់ដោយភាពសប្បាយរីករាយ របស់ Blue Man ដែលជាក្រុមកំប្លែងដ៏ល្បីឈ្មោះ <br />នៅលើទំព័រ Youtube ។</p>
<p>ក្រៅពីភាពកំប្លែង ក្រុមនេះ ថែមទាំងនាំមកនូវភាពអន្ទះអន្ទែង ខឹងសម្បារ ក្នុងពេលប្រឹងប្រែង<br /> បើកប្រអប់ iPhone របស់ពួកគេ ដោយប្រើឧបករណ៍ជាច្រើន ដូចជា រណារដៃ កាំបិត ម៉ាស៊ីន<br />ស្វាន។ល។ មានពេលខ្លះ ពួកគេហាក់ដូចបានរកឃើញវិធី ដើម្បីអាចយកបាន iPhone ដែលនៅ<br />ខាងក្នុងប្រអប់ ប៉ុន្ដែ ភ្លាមនោះ ពួកគេក៏ត្រូវបោះបង់គំនិតចាស់ និងបង្វែរទៅធ្វើសកម្មភាពថ្មី។</p>
<p>ចុងក្រោយ បើទោះជាកំពុងដុតដៃដុតជើង ដើម្បីបើកប្រអប់ iPhone 6 ក៏ស្រាប់តែសម្លេងរោទ៍<br />របស់ម៉ាស៊ីន បានបន្លឺឡើង ហាក់ដូចជម្រុញឱ្យអ្នកបើកប្រអប់នេះ កាន់តែញ័រដៃញ័រជើង និង<br />ត្រូវគិតពិចារណា ហើយការបើកប្រអប់នេះ មិនត្រឹមតែមិនបានសម្រេចនោះទេ តែកាន់តែធ្វើឱ្យ<br />ប្រអប់ iPhone 6 ក្រាស់ឡើងៗ។</p>
<p>នៅក្នុងវិដេអូទាំងមូលនេះ ពុំឃើញគេសង្កត់ធ្ងន់ទៅលើការបើកប្រអប់ផលិតផលថ្មី ទៅតាមវិធី<br />ធម្មតានោះទេ តែវីដេអូនេះ ចង់រំលឹកមនុស្សទូទៅថា “ចូររស់នៅដោយភាពយឺតជាងនេះ ជំនួស ការដែលតែងតែសម្រុកទៅរកប្រការដែលនៅចំពោះមុខ”។</p>
<p><object style="display: block; margin-left: auto; margin-right: auto;" width="479" height="410" data="http://www.youtube.com/v/CwgRz6XmAcs&list=PLr1tA3PWG_cR3uoovrtoHfiv70sRgpnUz&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/CwgRz6XmAcs&list=PLr1tA3PWG_cR3uoovrtoHfiv70sRgpnUz&rel=1" /></object></p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ Phonearena/Youtube</p>