<p><span style="color: #000000;">ព័ត៌មានកីឡា៖ ប្រភពព័ត៌មានពីគេហទំព័រ Mirror បានបង្ហាញឲ្យដឹងថា ក្លឹប តោខៀវ Chelsea របស់លោក Jose Mourinho បានគ្រោងនឹងចាយលុយ ក្នុងដំណាក់កាលចុងក្រោយទាន់ពេល ទ្វារដូវកាលមិនទាន់ បឹទរហូតដល់ទៅ ១០០ លានផោន លើមុខសញ្ញាកីឡាករ ២ រូបគឺ ខ្សែបម្រើ ក្លឹប Juventus និងខ្សែការពារ Everton ។ </span></p>
<p><span style="color: #000000;">កីឡាករទាំងពីររូប ដែលម្នាក់ជាខ្សែបម្រើរបស់ក្លឹប Juventus គឺកីឡាករ Paul Pogba<a href="http://www.mirror.co.uk/all-about/paul-pogba" data-action="paul-pogba" data-content-type="section-topic" data-track="true" data-type="inline" data-word-count="2"></a> និងម្នាក់ទៀតជា ខ្សែការពារ របស់ក្លឹប Everton គឺកីឡាករ John Stones សុទ្ធតែជាគោលដៅយ៉ាងសំខាន់ របស់ក្លឹបដែលធ្វើការទាក់ទងជាយូមកហើយ ប៉ុន្ដែ មិនទាន់បានសម្រេច ព្រោះដោយឡែកការដេញថ្លៃទីផ្សារមិនទាន់ត្រូវគ្នា ដោយខ្សែបម្រើរបស់ ក្លឹប Juventus ក្លឹប Chelsea ធ្លាប់ឲ្យផ្លៃត្រឹមតែ ៤០ លាផោន ខណៈដែលក្លឹប ដាក់តម្លៃ ខ្លួនរហូតដល់ទៅ ៧៥ លានផោន ចំណែកខ្សែការពារ របស់ក្លឹប Everton វិញក៏បានបដិសេធនឹងសំណើររបស់ Chelsea ៣ដងរួចទៅហើយ អំពីតម្លៃ ដោយតម្លៃបំបូង ឡើយ Chelsea ហ៊ាន ឲ្យ២២ លានផោន បន្ទាប់មក ២៦ លានផោន និងបន្ទាប់មកទៀត ៣០ ប៉ុន្ដែត្រូវបានគេបដិសេធ និងថែមទាំងទាំងបោះសម្ដីមកទៀតថា បើ ជាង៤០ លានផោន អាចនឹងមើលលុយខ្លះ និងគិតជាថ្មី ហេតុនេះហើយ ទើប Chelsea គ្រោងនឹង បន្ដជំហានទី ៤ បោះ ទុន ខ្សែការពារ Everton ៤០ លានផោន និងខ្សែបម្រើរបស់ Juventus ៦០ លានផោន សរុប មកអស់ ១០០ លានផោន។ ប៉ុន្ដែលទ្ធផលនៅមិនទាន់បង្ហាញ នៅឡើយទេ ថាតើនិងទៅ ជាយ៉ាងណា ហើយ Chelsea នឹងអាចយកឈ្នះ ទីផ្សារនេះបានដែរឬអត់ ? </span></p>
<p><span style="color: #000000;">Chelsea កាលពីល្ងាចមិញនេះ ទើបតែចុះហត្ថលេខាទិញបាន ខ្សែប្រយុទ្ធក្លឹប Barcelona គឺកីឡាករ Pedro ក្នុងម្លៃខ្លួន ២១ លានផោន ។ </span></p>
<p><span style="color: #000000;"><a class="thickbox" title="" href="/FileManager/Commons/2015/8/21/8-21-2015-9-05-39-am-21-08-2015--09-12-01.png"><span style="color: #000000;"><img src="/FileManager/Articles/mce/2015/8/21/8-21-2015-9-05-39-am-21-08-2015--09-12-01.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/8/21/8-21-2015-9-08-16-am-21-08-2015--09-14-11.png"><span style="color: #000000;"><img src="/FileManager/Articles/mce/2015/8/21/8-21-2015-9-08-16-am-21-08-2015--09-14-11.png" alt="" /></span></a><br /></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ Mirror</span></p>
<p><a href="http://www.mirror.co.uk/sport/football/transfer-news/chelsea-target-john-stones-hand-6289695" data-action="6289695" data-content-type="news" data-track="true" data-type="inline" data-word-count="13"></a></p>