<p><span style="color: #000000;"><strong>(ភ្នំពេញ)៖</strong> អតីតតារាចម្រៀង របស់ផលិតកម្មដាយម៉ិន អ្នកនាង ឃិត សំម៉ាលីស បន្ទាប់ពីស្ងប់ស្ងាត់ លើវិថីសិល្បៈអស់រយៈពេល ជាង១ឆ្នាំមក ខណៈនេះត្រូវបានលេចវត្តមានជាថ្មី ឡើងវិញ នៅលើទីផ្សារចម្រៀង ជាមួយការបង្ហាញខ្លួនចូលច្រៀង នៅក្នុងផលិតកម្មថ្មី ដែលទើបបង្កើតឡើងមានឈ្មោះថា «បុត្រាភាពយន្ត» ហើយត្រូវបានទស្សនិកជនដឹងទេថា ផលិតកម្មថ្មីមួយនេះ ជាការបង្កើតឡើងរួមគ្នា រវាងនាងនិងស្វាមី ដោយបានចាយទុនប្រមាណ២០ម៉ឺនដុល្លារ។</span></p>
<p><span style="color: #000000;">ការបែកធ្លាយដំណឹង ធ្វើជាថៅកែម្ចាស់ផលិតកម្ម «បុត្រា» ពីសំណាក់តារាស្រី អ្នកនាង ឃិត សំម៉ាលីស ខាងលើនេះ គឺបានកើតឡើងស្របពេលជាមួយគ្នា នៃការរៀបចំពិធីគំរប់ខួបអាពាហ៍ពិពាហ៍ រយៈពេល១ឆ្នាំ រវាងនាងជាមួយស្វាមី ដែលបានធ្វើឡើង នាថ្ងៃទី០៧ ខែវិច្ឆិកា ឆ្នាំ២០១៦ ខណៈដែលពិធីនេះ បានធ្វើផ្គួបចូលរួមគ្នា ក្នុងពេលតែមួយ គឺពិធីគំរប់ខួបអាពាហ៍ពិពាហ៍,ការដាក់តាំងបង្ហាញផលិតផល នាំចូលពីក្រៅស្រុក និងការប្រកាសបើកដំណើរការផលិតកម្ម «បុត្រា»។</span></p>
<p><span style="color: #000000;">តារាចម្រៀងស្រី អ្នកនាង ឃិត សំម៉ាលីស បានថ្លែងប្រាប់ Khmertalking ឲ្យដឹងថា កាលពីថ្ងៃទី០៧ ខែវិច្ឆិកា ឆ្នាំ២០១៦ កន្លងមកនេះ នាងបានរៀបចំធ្វើពិធីគំរប់ ខួបអាពាហ៍ពិពាហ៍ផង នឹងការដាក់តាំងបង្ហាញនូវផលិតផល នាំចូលមកពីក្រៅប្រទេស។ មិនតែប៉ុណ្ណោះ ក៏ដើម្បីអបអរការបើក ផលិតកម្មថ្មីរបស់នាង ជាមួយស្វាមីដែលមានឈ្មោះថា «បុត្រាភាពយន្ត» នេះផងដែរ។</span></p>
<p><span style="color: #000000;">អ្នកនាង ឃិត សំម៉ាលីស បានបញ្ជាក់ប្រាប់ ពីមូលហេតុដែលនាំឲ្យនាង និងស្វាមីសម្រេចចិត្ត ចាយទុនខ្ទង់រាប់ម៉ឺនដុល្លារ ដើម្បីបើផលិតកម្មនេះថា «ដំបូងឡើយ គឺស្វាមីរបស់ខ្ញុំគាត់ឲ្យឈប់ ពីសិល្បៈ ប៉ុន្តែក្រោយមកទៀត ដោយសារខ្ញុំមិនសូវទម្លាប់ខ្លួន តាមរយៈការរកស៊ីបើកមុខជំនួញនោះ ទើបសម្រេចចិត្ត សុំស្វាមីចូលច្រៀងវិញ រួចក៏មានឯកភាពយល់ព្រម ពីគាត់(ស្វាមី) តែមិនអនុញ្ញាតិឲ្យចូល ផលិតកម្មផ្សេងទេ ដោយគាត់បើកផលិតកម្មថ្មីខ្លួនឯង ឲ្យខ្ញុំច្រៀងផង និងមើលការខុសត្រូវក្នុងនោះផង!»។</span></p>
<p><span style="color: #000000;">តារាចម្រៀងអ្នកនាង ឃិត សំម៉ាលីស បានបញ្ជាក់បន្ថែមថា ចំពោះដើមទុនដែលត្រូវចំណាយ លើការបើកផលិតកម្មនេះ គឺមានរហូតដល់ទៅប្រមាណ២០ម៉ឺនដុល្លារ ដោយហេតុថា យើងត្រូវចំណាយលើសម្ភារៈថត ខារ៉ាអូខេទាំងស្រុងតែម្ដង៕</span></p>
<p><span style="color: #000000;"><img src="https://scontent-hkg3-1.xx.fbcdn.net/v/t1.0-9/15036444_1635232643169706_1459789489937377059_n.jpg?oh=febb3a5d1fbcba12f7c9f9e460bf1ec5&oe=5889CD9E" alt="" width="730" /></span></p>
<p><span style="color: #000000;"><img src="https://scontent-hkg3-1.xx.fbcdn.net/t31.0-8/s960x960/15000606_1635232633169707_4844771968858658827_o.jpg" alt="" width="730" /></span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xaf1/v/t1.0-9/14938399_1635232629836374_2236244407763014759_n.jpg?oh=db371da8edbfbbfc880a4eb1596d88bb&oe=588CEB1F&__gda__=1485585064_853ad2a1d53a6cf87142d5b60db600b8" alt="" width="730" /></span></p>
<p><span style="color: #000000;"><img src="https://scontent-hkg3-1.xx.fbcdn.net/v/t1.0-9/15037332_1635238226502481_9109825037545510355_n.jpg?oh=c8c97ceff0875961ce1ba3ceca397928&oe=58CB429E" alt="" width="730" /></span></p>
<p><span style="color: #000000;"><img src="https://scontent-hkg3-1.xx.fbcdn.net/v/t1.0-9/14925275_1635238223169148_2029640371007897218_n.jpg?oh=8c8d6a7062c71636eb98cfb7e7fcd620&oe=589197BE" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>