<p><span style="color: #000000;"><strong>(ភ្នំពេញ)៖</strong> កម្លាំងនគរបាលអន្តោប្រវេសន៍ ក្រសួងមហាផ្ទៃ នៅថ្ងៃទី១៥ ខែកុម្ភៈ ឆ្នាំ២០១៧នេះ បានចាប់បុរសជនជាតិអង់គ្លេសម្នាក់ ក្នុងចំណោមបក្ខពួក៤នាក់ ដែលជាក្រុមឧក្រិដ្ឋជនឆ្លងដែន ក្រោយក្រុមពិឃាតអាជីពទាំនេះ បានសម្លាប់មនុស្សនៅប្រទេសថៃ ហើយលួចរត់មកសម្ងំលាក់ខ្លួននៅកម្ពុជា ក្នុងថ្ងៃនេះតែម្ដង។</span></p>
<p><span style="color: #000000;">មន្រ្តីនគរបាលអន្តោប្រវេសន៍ ដែលចូលរួមក្នុងប្រតិបត្តិការនោះ បានឲ្យដឹងថា ក្រុមឧក្រិដ្ឋជនមានគ្នា៤នាក់ តែចាប់បានម្នាក់ ជាជនជាតិ អង់គ្លេស ចំណែក៣នាក់ទៀត កំពុងរត់គេចខ្លួន ហើយកម្លាំងសមត្ថកិច្ចចម្រុះក៏កំពុងតាមប្រមាញ់យ៉ាងសស្រះ សស្រាំផងដែរ។</span></p>
<p><span style="color: #000000;">មន្រ្តីនគរបាលអន្តោប្រវេសន៍ បានបង្ហើបប្រាប់ថា នាពេលកន្លងមក ជនសង្ស័យមានវិវាទរឿងពាណិជ្ជកម្មនៅប្រទេសថៃជាមួយ ជនរងគ្រោះដែលស្លាប់នោះ ហើយជននេះបានបញ្ជាឲ្យជនសង្គមងងឹតជាដៃជើងរបស់ខ្លួន សម្លាប់គូវិវាទនោះទៅ។ បន្ទាប់មក មេក្លោងជនជាតិអង់គ្លេស និងបក្ខពួក បានរត់គេចខ្លួនមកសម្ងំលាក់ខ្លួន នៅប្រទេសកម្ពុជា ហើយក៏ត្រូវបានកម្លាំងសមត្ថកិច្ច កម្ពុជាចាប់ខ្លួនតែម្ដង។</span></p>
<p><span style="color: #000000;">មន្រ្តីនគរបាលបានបន្តថា ខាងស្ថានទូតអង់គ្លេសមិនអនុញ្ញាតឲ្យបញ្ជូនជនសង្ស័យជនជាតិអង់គ្លេងម្នាក់នេះ ទៅកាត់ទោសនៅ ប្រទេសថៃវិញទេ គឺប្រគល់ជូនសមត្ថកិច្ចរបស់តុលាការកម្ពុជា ជាអ្នកដោះស្រាយតាមនីតិវិធីច្បាប់។</span></p>
<p><span style="color: #000000;">ទោះបីយ៉ាងណា សមត្ថកិច្ចនៅមិនទាន់បង្ហាញអត្តសញ្ញាណជនសង្ស័យខាងលើនៅឡើយទេ ហើយកំពុងដំណើរការសំណុំរឿង ជនខាងលើ ជាបណ្ដើរៗហើយ៕</span></p>
<p><span style="color: #000000;"><img src="http://image.freshnewsasia.com/2017/112/fn-2017-02-15-15-35-26-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-15-15-35-27-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-02-15-11-56-03-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-02-15-11-56-03-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-02-15-11-56-04-2.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>