<p><span style="color: #000000;">ព័ត៌មានអន្តរជាតិ ៖ ខ្មាន់កាំភ្លើង បើកការវាយប្រហារ បាញ់រះទៅលើរោងភាពយន្តទំនើប នៅក្នុងរដ្ឋ Louisiana សហរដ្ឋអាមេរិក សម្លាប់មនុស្ស ២ នាក់ របួសច្រើននាក់ផ្សេងទៀត មុននឹងបាញ់សម្លាប់ ខ្លួនឯង បើយោងតាមការដកស្រង់ អត្ថបទផ្សាយ ពីទំព័រសារព័ត៌មាន បរទេសចេញផ្សាយមុននេះ បន្តិច ។ </span></p>
<p><span style="color: #000000;"><a class="thickbox" title="" href="/FileManager/Commons/2015/7/24/70-24-07-2015--11-35-01.jpg"><img src="/FileManager/Articles/mce/2015/7/24/70-24-07-2015--11-35-01.jpg" alt="" /></a><br /></span></p>
<p><span style="color: #000000;">មន្រ្តីប៉ូលីស គូស បញ្ជាក់ អោយដឹងថា ខ្មាន់កាំភ្លើងមានវ័យ ៥៨ ឆ្នាំ ដៃ ប្រដាប់ ដោយកាំភ្លើងខ្លី ។ សាក្សីពីហេតុការណ៍ រន្ធត់ ខាងលើ អោយដឹងថា ខ្មាន់កាំភ្លើង បានបើកការវាយប្រហារ បាញ់រះក្នុង រោងភាពយន្ត Grand Theatre ទី ក្រុង Lafayette មានរយៈពេល ២០ នាទី ។ ស្នងការប៉ូលីសក្រុង Jim Craft អោយដឹងថា មន្រ្តីប៉ូលីសទទួលបានព័ត៌មាន មានកា របាញ់បោះ នៅម៉ោង ៧ និង ៣០ នាទីយប់ (ម៉ោងក្នុងស្រុកសហរដ្ឋអាមេរិក) ។ </span></p>
<p><span style="color: #000000;">ភ្នាក់ងារ រថយន្តសង្គ្រោះបន្ទាន់អោយដឹងថា នៅពេលក្រុមការងារ មកដល់កន្លែងកើតហេតុ មនុស្ស ២ នាក់ស្លាប់បាត់ទៅហើយ ក្នុងនោះ ម្នាក់ជាខ្មាន់កាំភ្លើង ស្លាប់បាត់បង់ជីវិត ក្រោយពីបាញ់សម្លាប់ ខ្លួនឯង ។ ដោយឡែក ជនរងគ្រោះ ៧ នាក់ ផ្សេងទៀតត្រូវបាននាំខ្លួនទៅសម្រាកនិងព្យាបាលនៅ ឯមន្ទីរពេទ្យក្នុងស្រុកខណៈមុខរបួសមិនគម្រាមគំហែងដល់អាយុជីវិតនោះទេ ។ អត្តសញ្ញាណខ្មាន់ កាំភ្លើង ប៉ូលីសបានស្គាល់ច្បាស់ហើយ ប៉ុន្តែ រក្សាសិទ្ធក្នុងការមិនបញ្ជាក់អោយដឹងនៅពេលនេះ ។ គួររំឮកថា ករណីឃាតកម្ម បាញ់រះសម្លាប់មនុស្ស ដ៏សាហាវលើកនេះ បាន កើតឡើងនៅក្នុងរោង ភាពយន្តទំនើប Grand Theatre ទីក្រុង Lafayette ពេលកំពុងចាក់ផ្សាយនូវភាពយន្ត Trainwreck ៕</span></p>
<p><span style="color: #000000;"><a class="thickbox" title="" href="/FileManager/Commons/2015/7/24/71-24-07-2015--11-35-08.jpg"><img src="/FileManager/Articles/mce/2015/7/24/71-24-07-2015--11-35-08.jpg" alt="" /></a></span></p>
<p><a class="thickbox" title="" href="/FileManager/Commons/2015/7/24/72-24-07-2015--11-35-15.jpg"><img src="/FileManager/Articles/mce/2015/7/24/72-24-07-2015--11-35-15.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/7/24/71-24-07-2015--11-35-08.jpg"></a><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី </span></p>