<p><span style="color: #000000;"><strong>(ភ្នំពេញ)៖</strong> បុរសម្នាក់ដែលបានចុះចោលប្រពន្ធជាង៣ឆ្នាំ ទៅលួចមានប្រពន្ធចុងហើយនោះ ស្រាប់តែចង់វិលត្រឡប់មកសុំរួមរស់ ជាមួប្រពន្ធកូនវិញ ត្រូវប្រពន្ធប្រកែកមិនព្រមត្រូវគ្នា បង្កជាហិង្សា កាប់ចាក់គ្នារងរបួសធ្ងន់ទាំងសងខាង ធ្វើឲ្យមានការភ្ញាក់ផ្អើល ដល់អ្នកជិតខាង នៅវេលាម៉ោង១១៖៣០នាទីយប់ ថ្ងៃទី២៧ ខែវិច្ឆិកា ឆ្នាំ២០១៦ ស្ថិតតាមបណ្តោយផ្លូវលំ ផ្ទះជួលក្នុងក្រុមទី១ ភូមិតាងួន សង្កាត់កាកាប ខណ្ឌពោធិ៍សែនជ័យ។</span></p>
<p><span style="color: #000000;">ប្រភពព័ត៌មានពីកន្លែងកើតហេតុបានឲ្យដឹងថា ជនរងគ្រោះជាប្រពន្ធមានឈ្មោះ សុទ្ធ ចាន់ថន ភេទស្រីអាយុ៣៦ឆ្នាំ មុខរបរលក់អីវ៉ាន់ចាប់ហួយ ស្នាក់នៅផ្ទះ កើតហេតុខាងលើ ចំណែកជនបង្កជាប្តីឈ្មោះ ផៃ ចំរើន ភេទប្រុស អាយុ៣៤ឆ្នាំ មុខរបរជាងឈើធ្វើការនៅប្រទេសថៃ។</span></p>
<p><span style="color: #000000;">តាមសំដីប្អូនស្រីជនរងគ្រោះឈ្មោះ សុទ្ធ ស៉ីណា ភេទស្រី អាយុ៣១ឆ្នាំ បានឲ្យដឹងថា ២នាក់ប្តីប្រពន្ធខាងលើនេះ មានកូន២នាក់ និងបានលែងលះគ្នាជាង៣ឆ្នាំហើយ ដោយសារតែខាងប្តីលួចទៅមានប្រពន្ធចុងមួយទៀត។ មុនពេលកើតហេតុម៉ោងប្រហែល៩យប់ ជនបង្កជាប្តីបានមកផ្ទះកើតហេតុ ហើយសុំត្រូវជាមួយប្រពន្ធវិញ ដោយសន្យាថា នឹងកែខ្លួនលែងដើរលេង មានស្រីញីទៀតហើយ តែខាងប្រពន្ធមិនព្រម។ ខាងប្តីក៏បានសុំកូនពៅមួយ យកទៅចិញ្ចឹម ខាងប្រពន្ធនៅតែមិនព្រមឲ្យ ធ្វើឲ្យប្តីខឹង និងបានគំរាមសំលាប់ចោលទាំងអស់។</span></p>
<p><span style="color: #000000;">ប្រភពដដែលបន្តថា ពេលនិយាយចប់ ជនបង្កបានយកកាំបិតមកចាក់ប្រពន្ធរងរបួសធ្ងន់។ ពេលដែលអ្នកជិតខាងឮសូរសំឡេងកូនក្មេងយំ ក៏បាននាំគា្នសំរុកចូលក្នុងផ្ទះ ដើម្បីយកស្ត្រីជាប្រពន្ធរងរបួសទៅពេទ្យ ចំណែកជនបង្កបានរត់ឡើងទៅលើឡៅតឿ ចង.កសំលាប់ខ្លួនតែមិនស្លាប់ ហើយបានវាយបែកកញ្ចក់ទ្វារបង្អួច ព្រមទាំងយកអំបែងដែលបែកនោះ មកចាក់ពោះខ្លួនឯងធ្លាយពោះវៀនមកក្រៅ និងបានគប់អំបែងកញ្ចក់ មកក្រោមសំដៅអ្នកជិតខាង ដែលឈរមើលនៅក្បែរនោះ។</span></p>
<p><span style="color: #000000;">ក្រោយពេលកើតហេតុ សម្ថកិច្ចមូលដ្ឋានបានចុះ មកដល់ធ្វើការឃាត់ខ្លួនជនបង្ក តែដោយសារជនបង្កបួសធ្ងន់ សមត្ថកិច្ចក៏បានទាក់ទងរថយន្តសង្គ្រោះ ដឹកយកទៅព្យាបាលនៅមន្ទីរពេទ្យលោកសង្ឃ៕</span></p>
<p><span style="color: #000000;"><img src="http://image.freshnewsasia.com/2016/006/11/fn-2016-11-28-07-35-24-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/11/fn-2016-11-28-07-35-24-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/11/fn-2016-11-28-07-35-24-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/11/fn-2016-11-28-07-35-24-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/11/fn-2016-11-28-07-35-24-4.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>