<p><span style="color: #000000;"><strong>ចិន៖</strong> បុរសម្នាក់ដេកស្លាប់ នៅក្នុងថ្លុកឈាម បន្ទាប់ពីរូបគេបានដើរ ក្បែរស្ត្រីម្នាក់ ពេលចេញពីកន្លែងធ្វើការ ជាមួយគ្នា ស្របពេលដែលប្តីពូកែប្រចណ្ឌ បានឃើញ ហើយដកកាំបិតមកចាក់ ទាំងកំរោល ទៅលើបុរសម្នាក់នោះ យ៉ាងសាហាវជាទីបំផុត។</span><br /><span style="color: #000000;">ហេតុការណ៍សម្លាប់ យ៉ាងឃោឃៅមួយនេះ បានកើតឡើងនៅក្នុងទីក្រុង Xinxiang ស្ថិតនៅកណ្តាល ខេត្ត Henan ប្រទេសចិន ដោយលោក Qin Han អាយុ៣៩ឆ្នាំ ជឿថាប្រពន្ធរបស់ខ្លួន នាង Du អាយុ៣៣ឆ្នាំ បានដេកជាមួយអ្នកធ្វើការជាមួយគ្នាម្នាក់ ហើយលោក Han ក៏បានទៅកន្លែងធ្វើការ របស់ប្រពន្ធដើម្បីឲ្យឃើញ ផ្ទាល់នឹងភ្នែក។</span></p>
<p><span style="color: #000000;">ក្រោយពេលបានឃើញប្រពន្ធរបស់ខ្លួន ដើរជាមួយបុរសម្នាក់ ចេញពីកន្លែងធ្វើការ លោក Han ក៏បានធ្វើសេចក្តីសន្និដ្ឋានថា បុរសម្នាក់នោះ គឺពិតជាសហាយស្មន់ របស់ប្រពន្ធហើយក៏ដកកាំបិតចាក់ បុរសម្នាក់នោះ បណ្តាលឲ្យដេកស្លាប់នៅក្នុងថ្លុកឈាម កណ្តាលផ្លូវ។ បើតាមប្រភពព័ត៌មាន ពីអ្នកនៅជិតខាង បានឲ្យដឹងថា ប្តីប្រពន្ធទាំងពីរនាក់នេះបានឈ្លោះប្រកែកគ្នា ជាច្រើនខែមកហើយ ដោយភាគីខាងប្តី ចោទប្រពន្ធថា មានសហាយស្មន់ ជាមួយប្រុសម្នាក់ ធ្វើការជាមួយគ្នា។</span></p>
<p><span style="color: #000000;">តាមសេចក្តីរាយការណ៍ របស់សារព័ត៌មានក្នុងស្រុក បានឲ្យដឹងថា នៅពេលដែលបុរសជាប្តី ឃើញប្រពន្ធរបស់ខ្លួនដើរចេញពីអាគារ ធ្វើការជាមួយនឹងជនរងគ្រោះម្នាក់ ដែលគេស្គាល់ថា ឈ្មោះ Zhaoនោះ ក៏កើតមានការឈ្លោះប្រកែកគ្នាយ៉ាងខ្លាំង។ ដោយភាពខឹងក្រេវក្រោធ បុរសជាប្តីបានបដិសេធ មិនស្តាប់ការបកស្រាយអ្វីទាំងអស់ ពីជនរងគ្រោះ និងប្រពន្ធរបស់ខ្លួនទេ ហើយក៏បានចាក់សម្លាប់ បុរសនោះជាច្រើន កាំបិត ដោយបុរសម្នាក់នោះ មិនមានទំនាក់ទនង អ្វីជាមួយប្រពន្ធសោះ។</span></p>
<p><span style="color: #000000;">ទោះបីជាមានអ្នកទូរស័ព្ទប្តឹងប៉ូលិស ដើម្បីមកជួយធ្វើ អន្តរាគមន៍ ក៏ដោយ ពេលប៉ូលិសបាន មកដល់ជនរងគ្រោះ បានដាច់ដង្ហើមស្លាប់បាត់ ទៅហើយ៕</span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/September/ID-141/MSP-0554.jpg" alt="" width="600" /></span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/September/ID-141/MSP-0555.jpg" alt="" width="600" /></span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/September/ID-141/MSP-0556.jpg" alt="" width="600" /></span></p>
<p style="text-align: right;"><a href="http://www.lookingtoday.com/index.php/entertainment-general-news/34134-2014-09-13-06-52-45.html" target="_blank"><span style="color: #000000;">ផ្តល់សិទ្ធដោយ ៖ ដើមអម្ពិល</span></a></p>