<p><span style="color: #000000;">ព័ត៌មានអន្តរជាតិ ៖ ម្ចាស់គេហទំព័រ រឿងកូនជ្រូក (រឿងអាសអាភាស ឬ រឿងសិច) មានមូលដ្ឋាន នៅរដ្ឋ California សហរដ្ឋអាមេរិក កាលពីថ្ងៃសុក្រ ចុងសប្តាហ៍ទៅនេះ រងនូវការផ្តន្ទាទោស ១៨ ឆ្នាំ នេះបើយោង អគ្គមេធាវីរដ្ឋ នៃការិយាល័យ the San Diego ។ </span></p>
<p><span style="color: #000000;"><a class="thickbox" title="" href="/FileManager/Commons/2015/4/6/10-06-04-2015--09-09-50.jpg"><img src="/FileManager/Articles/mce/2015/4/6/10-06-04-2015--09-09-50.jpg" alt="" /></a><br /></span></p>
<p><span style="color: #000000;">ស្ថិតនៅក្នុងវ័យទើបតែ ២៧ ឆ្នាំ ជនជាប់ចោទ ឈ្មោះ Kevin Christopher Bollaert កាលពីអំឡុងខែកុម្ភៈ កន្លងទៅនេះ រងនូវការចោទប្រកាន់ពីបទកេងប្រវ័ញ ៦ ករណី និងពីបទលួច ២១ ករណី ខណៈលោក ប្រ ឈមមុខជាប់ពន្ធនាគារ យូរបំផុត ២៣ ឆ្នាំ ។ ព្រះរាជអាជ្ញា បំភ្លឺអោ យដឹងថា ៖ លោក Bollaert បានបង្កើត វេបសាយមួយ ដែលបានអនុញ្ញាតអោយមនុស្សរាល់គ្នា បង្ហោះ ឡើងនូវ រូបអាសអាភាស បុគ្គលមួយចំនួន ដោយគ្មានការអនុញ្ញាតរបស់ពួកគេនោះទេ ។ គេហ ទំព័រ សិច មួយនេះ ក៏បានបង្ហោះផ្សាយ នូវព័ត៌មាន មួយចំនួន ទាក់ទិនទៅនឹងម្ចាស់រូបថត ដោយគ្មានការយល់ព្រមពីសាម៉ីខ្លួនដូចគ្នាដែរ ។ </span></p>
<p><span style="color: #000000;"><a class="thickbox" title="" href="/FileManager/Commons/2015/4/6/11-06-04-2015--09-09-58.jpg"><img src="/FileManager/Articles/mce/2015/4/6/11-06-04-2015--09-09-58.jpg" alt="" /></a><br /></span></p>
<p><span style="color: #000000;">រូបភាពអាសអាភាស ភាគច្រើនជាស្រ្តី ត្រូវបាន បង្ហោះ ឡើងជាញឹកញ៉ាប់ និង ជារៀងរាល់ថ្ងៃ ពីសំណាក់ អតីតមិត្តប្រុស ឬអតីតស្វាមី ដែលនៅចងចិត្តខឹងសម្បារ និង ឈ្លោះប្រកែកគ្នា ។ មន្រ្តីផ្លូវការ គូសបញ្ជាក់ អោយដឹងថា មិនត្រឹម តែប៉ុណ្ណោះ ក៏មាន បញ្ជាក់ឈ្មោះពិត ក៏ ដូចជា តំណភ្ជាប់ (Links) ទៅកាន់គណនី ហ្វេសប៊ុក របស់ពួកគេថែមទៀតផង ។ </span></p>
<p><span style="color: #000000;">ជនជាប់ចោទ Bollaert បាន បង្កើត វេបសាយនេះឡើង ខណៈ រកចំណូលបានចន្លោះពី ២៥០ដុល្លារ ទៅ ៣៥០ដុល្លារ ពីជនរងគ្រោះម្នាក់ៗ បើសិនណា មាន បំណងចង់អោយវេបសាយ លុបរូបថតអាសអាភាស របស់ខ្លួន ចេញពីវេបសាយ កូនជ្រូក ខាងលើ ។ លោក Bollaert បានរកប្រាក់ចំនូលបានសរុបដល់ទៅ ៣០០០០ ដុល្លារសហរដ្ឋអាមេរិក ក្នុងរយៈពេលដ៏ខ្លី ។ </span></p>
<p><span style="color: #000000;"><a class="thickbox" title="" href="/FileManager/Commons/2015/4/6/12-06-04-2015--09-10-05.jpg"><img src="/FileManager/Articles/mce/2015/4/6/12-06-04-2015--09-10-05.jpg" alt="" /></a><br /></span></p>
<p><span style="color: #000000;">សេចក្តីរាយការណ៍ ពីទំព័រសារព័ត៌មាន ស៊ីអិនអិនបន្តចុះផ្សាយអោយដឹងថានាពេលមួយនោះឪពុកបង្កើត ជនជាប់ចោទ បានចេញមុខមកសារភាព និង សុំអភ័យទោស ដល់ជនរងគ្រោះទាំងអស់ ចំពោះអំពើអគតិ របស់កូនប្រុសខ្លួន " ខ្ញុំបាទមានវត្តមាននៅទីនេះគោលបំណងសុំអភ័យទោសជាពិសេសនូវរឿងដ៏អាម៉ាស់ ឆ្គួត និងមិនល្អ ដែលកូនខ្ញុំបាទ បានប្រព្រឹត្តិកន្លងមក" ។ មេធាវី ការពារក្តី ជន ជាប់ចោទ បានស្រាយបំភ្លឺ អោយដឹងថា ក្នុងរយៈពេលត្រឹមតែ ១ ឆ្នាំ ចាប់តាំងពី វេបសាយខាងលើ បង្កើតឡើង ក្នុងនោះ ប្រជុំរូបថត សរុបដល់ទៅ ១០,១៧០ សន្លឹក ត្រូវបានបង្ហោះចូលទៅក្នុងវេបសាយអាសអាភាសមួយនេះ ផ្ទាល់តែម្តង៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ស៊ីអិនអិន </span></p>